JABURU 1:2 - KITABI HABARI MOPIOHE

² bo taa ohilaa moponao̒ Palenta lo Eeya wau motoloe̒ela mola hui wau dulahu.

JABURU 1:2 ပူးပေါင်းရင်းမြစ်များ

ILOOWALI 24:63

Tou̒ lolaango tuwau tio yilumualao̒ lonto kemalio ohilaa mojalena to halabolu, tulusi iloontongalio uu̒u-ntawaalo hinao̒wa mai.

ESRA 7:10

Tei Esra malo poo̒daata-daatalo mao̒ poo̒tuotio tou̒ helo tulete Butoo̒ lo Eeya, u ponao̒olio wau mopoa̒ajari mao̒ totoonulalo tilantu wau wuu̒dulio to bangusa lo Isirai̒lu.

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

JABURU 104:34

Pohileaala dua̒ lahu lowatia motuhatawa to Eeya, sababu Eeyaalo talohutu mai hilaa lowatia leengahu.

JABURU 112:1

Pujiaalo mola Eeya! Potisanangilo tutu taa u saale, tamotohilaa totoonulalo palenta lo Eeya.

JABURU 119:1

Potisanangilo tutu taa u tutumulio diila o aibu wau modungohe to bubuu-too̒waalo Eeya.

JABURU 119:11

Pongaajali lo Eeya tilahu lowatia todelomo hilaa lowatia, alihu watia diila odusa to Eeya.

JABURU 119:35

Pohileaala dua̒ watotia motidihu motoheto topalenta lo Eeya, sababu uitoolo oweengahu lowatotia.

JABURU 119:72

Odelaatia butoo̒ lo Eeya lebe ohalaga wolo ngoa̒amila hulawa wau talaa̒ todunia.

JABURU 119:92

Humayaalio butoo̒ lo Eeya diila bungo lo owengahu watotia, tantulo mao̒ watotia mailate todelomo polodutolo lowatotia.

JABURU 40:8

Lapatao̒ watotia loloi̒ya, “Uti-utieelo watotia, todelomo lilibu buku leituladei duo̒lo watotia.

JABURU 88:1

Lahu. Jaburu lokaumu Korah. Duo̒lo diriheni lopolemboa̒ tamoolahua. Lodudua̒a lahu: Mahalat Leanot. Lahu pongaajali lei Hemani, taulo Ejrah.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

LUKASI 18:7

Naa, wolo Allahu Taa̒ala diila tamo podulua palakala lo umati-Lio lohihilao tahi pongibode o-Lio hui wau dulahu? Wolo Tio mamopo lohudu lowakutu mai motulungi olimongolio?

LUKASI 2:37

ti Hana malowali janda, wau botia o umulu walu lopula pato lotaunu. Diila pee̒enta mao̒ tio lololaa Bele lo Eeya. Hui dulahu tio hemo taa̒luku wau hemo hulumati to Allahu Taa̒ala teto wolo hemodua̒ wau hemopuasa.

ROMA 7:22

Batini lowatia motohilaa tobutoo̒ Allahu Taa̒ala,

1 TESALONIKA 2:9

Tantu donggo oe̒ela limongoli woloolo mola sikisaalio amiaatia helo tolopani wau lohipate. Hui wau dulahu amiaatia hipo kalajawa alihu amiaatia diila mopoo̒suusa penu boli ngotaa mao̒ limongoli tou̒ amiaatia mopo lolade Habari Mopiohe monto Allahu Taa̒ala boito olimongoli.

1 TIMOTIUS 4:15

Kalajai mao̒ ngoa̒amilalo boito lou̒ tio̒otutua alihu ololaiu̒mu oontonga lotaa ngoa̒amila.

2 TIMOTIUS 1:3

Wau̒ molapali mola sukuru ode Allahu Taa̒ala tahe bayau̒ wolo hilaa u maloo̒tapu tinelo Eeya u belesi debo odelo upilohutu linenemoyaau̒ tou̒ muloololio mai. Wau̒ laito molapali oduo̒lo ode Allahu Taa̒ala motii̒du wau̒ moe̒ela mola olemu todelomo dua̒, mopio dulahu meaalo hui.

YOSUA 1:8

Buku lo butoo̒ botie musi laito pobacaamu mao̒ to umati-U̒. Poo̒olaata mao̒ buku boito hui wau dulahu, alihu laito yio̒ moponao̒ ngoa̒amila utula-tuladee todelomio. Wonu yio̒ moponao̒ mao̒ ngoa̒amilalo boito, tutumulumu maa maa̒amulu wau otilapulo.

1 YAHYA 5:3

Sababu, motolia̒ngo to Allahu Taa̒ala boliilio mao̒ modungohe totoonulalo palentaa-Lio. Wau totoonulalo palenta-Lio diila mobuheeto olanto.