IMAAMATI 4:3 - KITABI HABARI MOPIOHE

³ Wonu bolo tao̒dusa boito ti Iimamu Daa̒, tilinggula bangusa lo Isirai̒lu modudua̒ ilototala, tio musi mopobake mao̒ sapi ulai̒ buboto tuwau udiila o tailolio ode Eeya alihu dusaalio ambunguo-Lio.

IMAAMATI 4:3 ပူးပေါင်းရင်းမြစ်များ

OLUO TAWARI 29:21

Duo̒lo bake pongambungualo dusa ode ngaalaa̒ li olongia wau ulipu lo Yehuda, wau u mopomantali mao̒ Bele lo Eeya, yi timongolio lodelo mota pitu sapi ulai̒, pitu himba ulai̒, pitu walao̒ himba, wau pitu batade ulai̒. Ti olongia lopoa̒hu tomongo iimamu wali mai lei Haruna helo podewo bibii-natangiyalo boito toitaato mesba odelo bake yilalango.

ESRA 8:35

To dulahe boitolo ngoa̒amila tamalo hualingai lonto polayahu boito helo podewo bake yilalango ode Allahu Taa̒ala lo Isirai̒lu. Timongolio helo podewo mao̒ mopulaa duluo sapi ulai̒ ode ngoa̒amila taulo Isirai̒lu, tio lopulaa wolomo himba ulai̒ wau pitu lopulaa pitu walao̒ himba; wewolio mao̒ leeto olo mopulaa duluo batade ode bake pongambungualo dusa ode limongolio lohihilao. Ngoa̒amila binatangi boito pilobulio odelo bake ode Eeya.

PILOTIMUA̒TA 29:14

Tapu, walito, wau toniya lo sapi ulai̒ boito musi tumbila mao̒ to bulemengo kema. Ui-uitolo dewo u pongambunguala dusa lomongo iimamu.

PILOTIMUA̒TA 29:21

Hamawa mao̒ ngoi̒di duhu uwoluo toitaato mesba wau ngoi̒di winulo upacala, lapatao̒ pomolotia̒a mao̒ odelei Haruna wau mongo walai̒o wau pakeyangi limongolio. Wolo dudelo boito tei Haruna wau mongo walai̒o wau pakeyangi limongolio pohetuwola ola-U̒.

PILOTIMUA̒TA 29:7

Lapatao̒ hamawa mao̒ winulo upacala, poloohe mola toitaato lunggongio wau winuli mao̒ tio.

PILOTIMUA̒TA 30:10

Poe̒enta ngotaunu tei Haruna musi mohutu mao̒ upacala pomantaliyalo mesba wolo pohuli mopo molotio̒ ode opato tungeelio duhu lobibiahu u pobakeolo huna pongambungualo dusa. Sua̒li boito musi pohutuwola timii̒du taunu ngotupa lo jamani. Mesba boito musi mantali ngoa̒amilalo wau pohetuwola ola-U̒.”

YEHESKIEL 40:39

To huwali leidaa̒ boito, omeja mohelu wopato, duluo to timii̒du biihio. Toitaato memee-jawaalo boitolo pongolotalo binatangi ode bake yilalango, meaalo bake polulutalo dusa meaalo bake poluloo̒ uiluhi.

YEHESKIEL 43:19

Bo ti i̒imamu wali mai lei Jadok monto suku Lewi wambao̒ tamowali modudulai ode Olau̒ u mohutu ibaadati. Wau̒, Eeya Taa Laba-labaalo molanggato tamo malentai sua̒li boito. Wohia mao̒ olimongolio sapi ulai̒ buboto tuwau duo̒lo bake polulutalo dusa.

YEHESKIEL 44:27

lapatao̒ monao̒ ode palepelo delomio lo Belee-U̒, wau mopodewo bake u mopobelesi batangalio alihu tio mowali motuugasi poli to Belee-U̒. Wau̒, Eeya Taa Laba-labaalo molanggato malo tahuda mai.

IMAAMATI 1:10

Wonu u podewolo himba tuwau meaalo batade, binatangi boito musi ulai̒ wau diila o tailolio.

IMAAMATI 1:3

Wonu u podewolo yito sapi tuwau, binatangi boito musi ulai̒ wau diila o tailolio. Sapi boito musi deloolo ode huhebu Kema lo Eeya, alihu Eeya motuhatawa wolo tau boito.

IMAAMATI 16:11

Lapatao̒ tei Haruna mopodewo wau mongolotao̒ sapi ulai̒ ode bake pongambungualo dusa duo̒lo batangalio lohihilao wau duo̒lo ngaalaa̒lio,

IMAAMATI 16:3

Bo wolo dudelo mopodewo mao̒ sapi ulai̒ buboto duo̒lo bake pongambungualo dusa wau himba ulai̒ buboto tuwau duo̒lo bake yilalango, tei Haruna mowali tumuwotao̒ ode Huwali Leidaa̒ Laba-labaalo mantali.”

IMAAMATI 16:5

Lapatao̒ umati lo Isirai̒lu musi mohudu mao̒ odelei Haruna batade ulai̒ duluo duo̒lo bake pongambungualo dusa wau himba ulai̒ tuwau duo̒lo bake yilalango.

IMAAMATI 16:6

Tei Haruna musi mopodewo sapi ulai̒ tuwau duo̒lo pongambungualo dusa ode batangalio lohihilao wau ngaalaa̒lio.

IMAAMATI 4:14

yi hua̒a lapatio mao̒ dusa boito mailotaawa, umati boito musi modelo mota sapi ulai̒ buboto tuwau ode talu Kema lo Eeya. Binatangi boito musi podewolo duo̒lo bake pongambunguala dusa.

IMAAMATI 4:23

yi hua̒a lapatio mao̒ tio mongalati mai, tio musi mopobake mao̒ batade ulai̒ tuwau udiila o tailolio duo̒lo pongambungualo dusalio.

IMAAMATI 4:28

yi hua̒a lapatio mao̒ tio mongalati mai, tio musi mopobake mao̒ batade bilango udiila otailolio.

IMAAMATI 4:5

Ngotayadu monto duhulio musi deloolio mota potuwotolo ode delomo Kema.

IMAAMATI 5:6

Wau duo̒lo potoloto dusalio, tio musi modelo mao̒ himba tuwau meaalo batade bilango ode Eeya. Ti iimamu musi mopodewo mao̒ bake boito alihu dusa lotau boito ambunguolo.

IMAAMATI 6:18

U ohiheo-hiheolo mao̒ timii̒du mongo lolai̒ wali mola lei Haruna mowali molamela roti boito; ui-uitolo tayadi mongolio u debo monto ua̒alo u pilopodewo ode Eeya. Taa wewo tamo dedeetao̒ ua̒alo u mapilobake boito, matopotala sababu olootolo omantaliilio.

IMAAMATI 8:12

Lapatao̒ uito tei Musa lopo mantali mao̒ olei Haruna wolo loluwato ngoi̒di winulo upacala ode yitaato lunggongio.

IMAAMATI 9:2

Ualei Musa odelei Haruna, “Hamawa mao̒ sapi ulai̒ buboto tuwau wau himba ulai̒ tuwau, duduuluolo udiila otailolio. Podewowa mao̒ binatangi duuduluo boito ode Eeya, sapi ulai̒ duo̒lo bake pongambunguala dusa, wau himba ulai̒ duo̒lo bake yilalango.

IMAAMATI 9:3

Lapatao̒ ahuli mao̒ bangusa lo Isirai̒lu mopodewo batade ulai̒ tuwau duo̒lo bake pongambungualo dusa wau tuwau walao̒ sapi wau tuwau walao̒ himba u tinggai o umulu ngotaunu wau diila otailolio duo̒lo bake yilalango.

YIA̒APO 16:22

Bo tei Musa wolei Haruna losujudu lolubo wau loloi̒ya, “Yaa Allahu Taa̒ala, Eeyaalo talongohi mai tutumulo ode totoonulalo u hitumula. Wonu bo ngotaalio wambao̒ tao̒dusa, ambunguolo wolo Eeya momuluka mai ode ngoilanggubu umati?”

YIA̒APO 8:8

Lapatao̒ ahuli mao̒ timongolio mohama sapi ulai̒ buboto wolo bake pohinta monto labu ilulau lowinulo. Lapatao̒ yio̒ musi mohama mao̒ sapi ulai̒ tuwau uwewo duo̒lo bake pongambungualo dusa.

ROMA 8:3

Wolo udiila mowali pohutuo butoo̒ lo agama, sababu ito manusia molulupuhu, uito mapilohutu mai lo Allahu Taa̒ala. Allahu Taa̒ala maloo̒-laaheo̒ kawasa lodusa todelomo pii̒li lomanusia lou̒ lolao mai Wala-I̒o lohihilao, tadungga-dungga mai todelomo owowoluwoa u tutuuwauwa wolo manusia tao̒dusa, mai loluluta dusa.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

IBRANI 5:3

Wau sababu tio lohihilao molulupuhu, yi tio musi mopodewo bake, diila bo sababu duduu-sawaalo lo umati, bo olo sababu duduu-saalio lohihilao.

IBRANI 9:12

Ti Almasi tilimuwoto ode Huwali Leidaa̒ Laba-labaalo mantali ode delomo kema boito bo wambao̒ pee̒enta ohiheo-hiheolo mao̒. Tou̒ boito Tio diila lodelo duhu lobatade ulai̒ meaalo duhu lowalao̒ sapi u pilodewo; Tio lodelo duhu-Lio lohihilao, wau woleeto Tio lopo lopato mai olanto u ohiheo-hiheolo mao̒.