IMAAMATI 20:3 - KITABI HABARI MOPIOHE

³ Taa udiila mopobake mao̒ walai̒o ode Molokh, moponajisi Kema-U̒ wau mohina tanggulu-U̒ umantali. Tio hukuu-maniyo-U̒ wau diilalo anggapuwo-U̒ pongawaa̒ lo umati-U̒.

IMAAMATI 20:3 ပူးပေါင်းရင်းမြစ်များ

PILOTIMUA̒TA 30:33

Taa u mohutu winulo debo odelo uito, meaalo mopomake mao̒ duo̒lo taa u diila iimamu, madiilalo anggapuolo pongawaa̒ lo umati-U̒.”

YEHESKIEL 20:39

Eeya Taa Laba-labaalo molanggato lotahuda mai, “Wuu tau-tauwalo Isirai̒lu, botia bolo totoonulalo olimongoli. Potolongalo mola mohutu dusa wolo molubo babaa-laahalaalo limongoli! Bo eelailo deu̒ lapatao̒ uito timongoli musi modungoheo̒ ola-U̒ wau diilalo mopokootolo tanggulu-U̒ u mantali lou̒ modelo dewo ode babaa-laahalaalo limongoli boito.

YEHESKIEL 5:11

Wau̒ yito Allahu Taa̒ala tatumu-tumulo, Eeya Taa Laba-labaalo molanggato, wau uti-utieelo potahudaa-U̒ mai: Sababu yio̒ malo pokootolo Bele-U̒ wolo totoonulalo huhutuumu u moleeto wau moo̒lonuo̒, yi Wau̒ mamongantulu olemu lou̒ diila o ambungulio.

IMAAMATI 15:31

Eeya lopoa̒hu olei Musa mopoe̒ela mao̒ bangusa lo Isirai̒lu alihu mopoo tuotao̒ omolua timongolio najisi wau omolua diila, alihu timongolio diila mopo najisi Kema lo Eeya uwoluo tohuungo kema limongolio. Wonu timongolio mopo najisi mao̒ Kema boito timongolio maamate.

IMAAMATI 17:10

Wonu ngotaalio lo Isirai̒lu meaambo ngotaalio lotau deli tadebo bilu-biluloa̒ towolota taulo Isirai̒lu molamela duhu, yi tio mahukuumanio lo Eeya wau diilalo anggapuolo pongawaa̒ umati-Lio.

IMAAMATI 18:21

Diila mao̒ tala ngota lowalau̒mu u pobakeelo todelomo pomujaalo Molokh, sababu huhutu boito mohina tanggulo Allahu Taa̒ala Eeyaamu.

IMAAMATI 19:12

Diila mao̒ podanti domi tanggulu-U̒ wonu timongoli diila omakusudu mopoo̒polu mao̒ danti boito, sababu woleeto timongoli mohina tanggulu-U̒. Wau̒ Eeya Allahu Taa̒ala limongoli.

IMAAMATI 20:4

Wonu ulipu momitoa̒a mato tohuhutu lotau boito wau diila moponao̒ mao̒ hukuumani mate to olio,

IMAAMATI 21:6

Tio tolomodu hakuu-U̒, wau diila mowali mopokootoro tanggulu-U̒. Tio mopodewo mao̒ bake lou̒ aalo ode Olau̒, oditolio tio musi mantali.

IMAAMATI 7:20

Wonu taa molamela tapu boito tou̒ tio donggo najisi, yi tio diilalo anggapuolo pongawaa̒ umati lo Allahu Taa̒ala.

IMAAMATI 7:21

Wonu bolo tahingota-ngotaawa molamela tapu lobake boito lapatao̒ moo̒dedeta u hitua-tuawua unajisi, mopio u asaliilio monto manusia meaalo monto binatangi, yi tio olo diilalo anggapuolo pongawaa̒ umati lo Allahu Taa̒ala.

YIA̒APO 19:13

Taa u otuhata lomilate wau diila mopo mantali batanga yito najisi, sababu tio diipo biluhuta wolo taluhu upacala. Tio moponajisi Kema lo Eeya wau sababu uito diilalo anggapuola pongawaa̒ umati lo Allahu Taa̒ala.

YIA̒APO 19:20

Taa umowali najisi wau diila mohutu mao̒ upacala pomantaliyalo batanga, debo najisi sababu diipo tiloohe wolo taluhu upacala. Tio moponajisi Kema lo Eeya, wau diilalo anggapuolo pongawaa̒ umati lo Allahu Taa̒ala.

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

1 PETRUS 3:12

Sababu Eeya laito mopoo̒tuoto tau-tauwalo tamodudua̒ otohilaa-Lio, wau Eeya laito modungohe duduu-awaalo limongolio; bo Eeya moluwali tau-tauwalo tahi pohutua u moleeto.”