IMAAMATI 14:3 - KITABI HABARI MOPIOHE

³ wau ti iimamu modelo mao̒ tau boito ode bulemengo kema. Wonu moduduo̒ u tiluletelio tau boito maloluli,

IMAAMATI 14:3 ပူးပေါင်းရင်းမြစ်များ

OLUO MONGO OLONGIA 5:14

Sababu uito malonao̒ tei Naa̒man ode Dutulaa Yordan, tulusi tilumuwota mola wau lopolomo wawaai̒o todelomo dutulaa boito poo̒opitu debo odelo u ilahula mai lei Elisa. Yi maloluli lomola tei Naa̒man. Wawaai̒o maluli sileehati mai debo odelo wawaao̒ lowalao̒ tadonggo humula.

OLUO MONGO OLONGIA 5:3

Tou̒ dulahee tuwau malo loi̒ya tamoomayawa boito odeli mbuui̒, “Mbuui̒, humayaalio tituani monao̒ mota modunggaya woli nabi tabilu-biluloa̒ to Samaria, tantulo mao̒ tinabi boito mamo poo̒luli mai oli tuani.”

AYUBA 5:18

Sababu Allahu Taa̒ala tamopo ngongoto, Tio olo tamo hunemo. Wau uluu̒-Lio u momate, olo muli moponguli.

PILOTIMUA̒TA 15:26

Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

IMAAMATI 13:2

Wonu bolo tahingota-ngotaawa himunggu-munggula neneei̒, meaalo ambalowuta meaalo hibonto-bontoa̒ lanta to alipio u mowali ngongoto lo alipo umoo̒ topotala, tio musi deloolo odeli iimamu wali lei Haruna.

IMAAMATI 13:46

Ngotilonggadu duto-dutolo lo ngongota boito tio najisi wau musi motitolaa to bulemengo kekee-mawaalo, molamingo monto tau-tauwalo wewo.

IMAAMATI 14:48

Bo wonu ti iimamu monao̒ mai wau moduduo̒ u tiluletelio diilalo yilumenetai umotupo lapatao̒ bele boito luli tilaa̒apo, yi tio musi mopoi̒laalo mao̒ deu̒ bele boito belesi, sababu umotupo boito mailooli ngoa̒amilalo.

MATIUSI 10:8

Poo̒lulia mao̒ tau-tauwalo tahi ngongota; potumula mao̒ tau-tauwalo tahelo poowate; poo̒lulia mao̒ tau-tauwalo tao̒ngongoto lo alipo u moo̒tihela hapato, wau yinggila mao̒ roroo-huwaalo u moleeto. Timongoli malo lolimo ngoa̒amilalo boito lou̒ beebasi. Oditolio, pongohi mao̒ olo wolo beebasi.

MATIUSI 11:5

Taa pitoo̒ maloo̒onto, taa didu mowali monao̒ malowali lonao̒, tao̒ngongoto lo alipo u moo̒tihela hapato maloluli; taa bungolo maloo̒ dungohu, taa yilate maa tilumumulai, wau Habari Mopiohe monto Allahu Taa̒ala pilo habariilio ode tau-tauwalo tahi mosikinia.

LUKASI 4:27

Odito olo tojamani li Nabi Elisa woluo dadaata tau to Isirai̒lu ongongoto lo alipo u moo̒tihela hapato, bo diaaluo penu boli ngotaa mao̒ limongolio tapiloo̒luli. Ngopohia tei Naa̒man taulo Siria boito.”

LUKASI 7:22

Oditolio ti Isa lolametao̒, “Pohualingolo mola odelei Yahya wau poo̒taa mao̒ wolo u iloontonga wau ilodungohe limongoli: taa pitoo̒ loo̒onto, taadidu mowali monao̒ malowali lonao̒, taa ongongoto lo alipo u moo̒tihela hapato maloluli, taa bungolo maloo̒ dungohu, taa yilate luli tilumumulai, wau Habari Mopiohu lonto Allahu Taa̒ala pilopo habari totaa himosikinia.