IMAAMATI 1:3 - KITABI HABARI MOPIOHE

³ Wonu u podewolo yito sapi tuwau, binatangi boito musi ulai̒ wau diila o tailolio. Sapi boito musi deloolo ode huhebu Kema lo Eeya, alihu Eeya motuhatawa wolo tau boito.

IMAAMATI 1:3 ပူးပေါင်းရင်းမြစ်များ

ILOOWALI 22:13

Lapatao̒ tei Abraham lomilohe mota ode palitio wau loo̒onto himba tuwau ulai̒ u tungelio leia̒ita todelomo diu̒to. Tei Abraham malohama himba boito tulusi pilopo dewolio ode Eeya odelo bake yilalango poluloa̒a walai̒o.

ILOOWALI 22:2

Tahuda mao̒ lo Allahu Taa̒ala “Ponao̒lo ode huta lo Moria wolei Isihaka, walau̒mu tatuwa-tuwaulo, tao̒ tolia̒ngumu daa̒. Mola teto, to hui̒dee tuwau u mapotunuwo-U̒ mai olemu podewoa mao̒ walau̒mu odelo bake yilalango ode ola-U̒.”

ILOOWALI 22:8

Tei Abraham lolametao̒, “Allahu Taa̒ala lohihilao tamamo podapato walao̒ himba boito.” Lapatao̒ duduulotalo lopo mola lonao̒.

ILOOWALI 8:20

Tei Noho lopo tihulao̒ mesba tuwau ode Eeya. Hilamalio mao̒ tuwau monto timii̒du bulungi ngodalaala wau binatangi wewolio u halale tulusi pilopo dewolio odelo bake yilalango toitaato mesba boito.

OLUO TAWARI 29:32

Timongolio helodelo pitu lopulu sapi ulai̒, ngohetuto himba, wau dulo hetuto walao̒ himba wau helo podewo ode bake yilalango to Eeya.

OLUO TAWARI 35:12

Timii̒du polemboa̒ lou̒ ngaalaa̒ tawoluo teto heloo̒tapu tuwau bibii-natangiyalo u mapodewolo odelo bake yilalango. Lou̒ odito timongolio loo̒ podewo lodudua̒ wuu̒du u leituludu todelomo buku Butoe̒e Musa.

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

JABURU 40:8

Lapatao̒ watotia loloi̒ya, “Uti-utieelo watotia, todelomo lilibu buku leituladei duo̒lo watotia.

PILOTIMUA̒TA 12:5

Timongoli mowali molulaotao̒ himba meaalo batade, bo musi ulai̒, o umulu ngotaunu, wau diila o tailolio.

PILOTIMUA̒TA 24:5

Lapatao̒ tei Musa malolao dengolo lota tahi muudawa, wau timongolio lopodewo mao̒ bake yilalango ode Eeya wau longolotao̒ demohelu ngoolo sapi ode bake lo polodame.

PILOTIMUA̒TA 29:18

Podewowa mao̒ ngoa̒amila himba ulai̒ boito toitaato mesba duo̒lo bake yilalango. Boolo bake boito moo̒ sanangi hilaa-U̒.

PILOTIMUA̒TA 29:4

Ahuli mao̒ tei Haruna wau mongo walai̒o monao̒ mai ode huhebu lo Kema-U̒ wau mopobelesi mao̒ batanga.

PILOTIMUA̒TA 29:42

Wumbutio mola duo̒lo totoonulalo jamani, bake yilalango boito musi podewolo totalu-U̒ tohuhebu lo Kema-U̒. Teteetolo Wau̒ mamo dunggaya wolo umati-U̒ wau motahuda mai to olemu.

PILOTIMUA̒TA 32:6

Loombulio mola didimodupo daa̒, tau-tauwalo Isirai̒lu helodelo mai dengolo bibiahe duo̒lo bake yilalango wau dengolo poli duo̒lo bake lo polodame. Timongolio lotihuloa̒a lolamela wau longilu, lapatao̒ timihulo u helo tisana-sanangi.

PILOTIMUA̒TA 35:21

wau tatoonu wambai̒o talo oliyoo̒ hilaalio, modelo mota dewo ode Eeya u mowimumutao̒ Kema lo Eeya. Timongolio olo lodelo mota ngoa̒amila u palaluwolo uolo ibaadati wau baahani uolo pakeyangi li iimamu.

PILOTIMUA̒TA 35:29

Ngoa̒amila taulo Isirai̒lu wolo iloheela lohilao lodelo mota dewo limongolio ode Eeya duo̒lo kalaja upilo malenta lo Eeya loli olei Musa.

PILOTIMUA̒TA 35:5

Delowa mao̒ dewo ode Eeya. Tatoonu tai̒lu moliyoo̒ hilaalio, musi mopodewo mao̒ hulawa, talaa̒, wau polunggu;

PILOTIMUA̒TA 36:3

Tei Musa longohi mao̒ olimongolio totoonulalo u podembulo taulo Isirai̒lu duo̒lo kalaja momangu Kema lo Eeya. Bo bangusa lo Isirai̒lu donggo tulusi wambai̒o hemodelo mai dewo odelei Musa timi-timii̒du dumodupo.

PILOTIMUA̒TA 38:1

Tei Bejaleel lohama mao̒ ayu aakasia, lapatao̒ pilohutulio mesba duo̒lo bake yilaalango. Mesba boito moodelilio hitutu-tutuwa, hayai̒o wau tanggalio tinggai dulo koma dulo meeteri, wau langgatio tuwau koma tolo meeteri.

YESAYA 1:11

Eeya lotahuda mai, “To lantobumu Wau̒ motohilaa to ngoa̒amila bake u mololaalaaita hepo dewomu ola-U̒? Wau̒ madiilalo mohutu wolo hihii-mbawaalo bake yilalangumu wau tabo walao̒ sapimu. Duhu losapi ulai̒, himba wau batade diila otohilaa-U̒.

YEHESKIEL 20:40

Sababu tohuta lo Isirai̒lu, to bolitutuo̒ lo hui̒du-U̒ u mantali, timongoli ngoa̒amila, bangusa lo Isirai̒lu mamolubo ola-U̒. Mola teto Wau̒ masanangi olimongoli wau motuhatawa mololimo babaa-keyaalo limongoli, dedee-wowaalo limongoli ulaba-labaalo mopoihu wau ngoa̒amila wowohi limongoli utolo-tolomodu.

YEHESKIEL 40:39

To huwali leidaa̒ boito, omeja mohelu wopato, duluo to timii̒du biihio. Toitaato memee-jawaalo boitolo pongolotalo binatangi ode bake yilalango, meaalo bake polulutalo dusa meaalo bake poluloo̒ uiluhi.

IMAAMATI 1:10

Wonu u podewolo himba tuwau meaalo batade, binatangi boito musi ulai̒ wau diila o tailolio.

IMAAMATI 14:10

Todulahee u owalulio tau boito musi modelo mao̒ walao̒ himba ulai̒ duluo, wau walao̒ himba bilango tuwau u ou̒umulu ngotaunu u tinggai diila otailolio. Ngopohia leeto olo labu tolokilo labu umaa ilulau wolo winulo jaitun wau ngotayade totolu loliiteri winulo jaitun.

IMAAMATI 16:7

Batade ulai̒ duluo monto umati lo Isirai̒lu musi deloolio mota ode talu lohuhebu Kema lo Eeya.

IMAAMATI 17:8

Wonu bolo ngotaalio lo Isirai̒lu meaalo ngotaalio lotau deli tadebo bilu-biluloa̒ towolota taulo Isirai̒lu mopodewo bake yilalango meaalo bake wewo

IMAAMATI 17:9

ode Eeya, yi tio musi mopodewo mao̒ totalu lohuhebu Kema lo Eeya. Wonu tio mopodewo totambati uwewo, yi tio diilalo anggapuolo pongawaa̒ umati lo Allahu Taa̒ala.

IMAAMATI 23:12

Todulahee timongoli mopodewo pale boito, timongoli musi mopodewo olo ode bake yilalango tuwau walao̒ himba ulai̒ u ou̒umulu ngotaunu wau diila otailio.

IMAAMATI 23:18

Wolo roti boito bangusa lo Isirai̒lu musi mopodewo mao̒ pitu walao̒ himba ulai̒ u ou̒umulu ngotaunu, tuwau sapi ulai̒ buboto wau duluo batade. Tinggai diila mowali otailio wau musi podewolo duo̒lo bake yilalango ode Eeya, wolo bake pohinta wau bake taluhu lo angguru. Boolo bake boito moo̒sanangi hilaa lo Eeya.

IMAAMATI 3:1

Wonu bolo tahingota-ngotaawa mopodewo mao̒ sapi tuwau duo̒lo bake lo polodame, sapi boito mowali ulai̒, mowali bilango, bo diila mowali o tailolio.

IMAAMATI 4:15

Mongo tau̒wa lobangusa musi mopodutu mao̒ uluu̒ limongolio toitaato lunggongo binatangi boito, lapatao̒ mongolotao̒ totambati boito.

IMAAMATI 4:23

yi hua̒a lapatio mao̒ tio mongalati mai, tio musi mopobake mao̒ batade ulai̒ tuwau udiila o tailolio duo̒lo pongambungualo dusalio.

IMAAMATI 4:3

Wonu bolo tao̒dusa boito ti Iimamu Daa̒, tilinggula bangusa lo Isirai̒lu modudua̒ ilototala, tio musi mopobake mao̒ sapi ulai̒ buboto tuwau udiila o tailolio ode Eeya alihu dusaalio ambunguo-Lio.

IMAAMATI 4:32

Wonu bolo ngotaalio mopodewo mao̒ himba tuwau duo̒lo pongambungualo dusalio, himba boito musi bilango wau diila otailolio.

IMAAMATI 5:15

Wonu tahingota-ngotaawa lou̒ diila tilunggai helohutu dusa sababu lomalonga tou̒ mohudu mao̒ dedee-wowaalo u pilowajibu ode Eeya, yi tau boito musi modelo mao̒ bake poluloo̒ uiluhi. Bake boito musi himba tuwau meaalo batade ulai̒ udiila otailolio, wau wohiyalo halaga modudua̒a halaga upohu-pohutu to Kema lo Eeya.

IMAAMATI 5:18

Duo̒lo bake poluloo̒ uiluhi tio musi modelo mao̒ himba tuwau meaalo batade ulai̒ udiila otailolio wau wohiyalo halaga modudua̒a halaga upohu-pohutu to Kema lo Eeya. Ti iimamu mopobake mao̒ duo̒lo dusa lotau boito, yi tio maa ambunguo lo Eeya.

IMAAMATI 6:2

Tahingota-ngotaawa musi mopodewo mao̒ bake wonu tio odusa to Eeya, sababu diila mohuto mopo walingao̒ balangi upilo hangato to olio lo timongotaalio, meaalo mohimbulo totau, motao̒ balangilio, meaalo maloo̒ dungga balangi uilooli, bo lomaaheo̒ wolo tadia.

IMAAMATI 6:8

Eeya lopoa̒hu olei Musa

IMAAMATI 7:16

Wonu tahingota-ngotaawa modelo bake lo polodame duo̒lo mopoo̒polu mao̒ niyatilio, meaalo duo̒lo bake iloheela lohilao, yi diila palalu ngoa̒amilalo tamelolo todulahee boito olo. To wimbihu lebelio mowali tamelolo loombulio mola.

IMAAMATI 8:18

Lapatao̒ tei Musa lohama mao̒ himba ulai̒ duo̒lo bake yilalango, lapatao̒ tei Haruna wau mongo walai̒o helo podutu mao̒ uluu̒ limongolio toitaato lunggongo himba boito.

IMAAMATI 9:2

Ualei Musa odelei Haruna, “Hamawa mao̒ sapi ulai̒ buboto tuwau wau himba ulai̒ tuwau, duduuluolo udiila otailolio. Podewowa mao̒ binatangi duuduluo boito ode Eeya, sapi ulai̒ duo̒lo bake pongambunguala dusa, wau himba ulai̒ duo̒lo bake yilalango.

JAKARIA 13:7

Eeya Taa Laba-labaalo kawasa lotahuda, “Pobongulo mola, wuu wamilo, wau tuhuwalo diiti tahe mokalaja duo̒lo-U̒! Pateaalo tio mate-mateelo mao̒, yi hihii-mbaawaalo mamo bubuua̒yawa. Wau̒ mamoluhu umati-U̒,

MALEAKHI 1:14

Malaa̒-laa̒natilo tamoo-himbuloa tamopodewo ola-U̒ binatangi udiila ohalaga, wonu towolota lo bibiahio woluo binatangi mopiohu u mapilo dantilio ola-U̒! Sababu Wau̒ulo Olongia Daa̒, wau hilulumati lo ngoa̒amila bangusa.”

YIA̒APO 15:3

Duo̒lo bake meaalo bake pomayali danti meaalo bake iloheela lohilao meaalo to lalaa-mengiyalo biasa, timongoli mowali mopodewo mao̒ ode Eeya: sapi ulai̒, himba ulai̒, himba meaalo batade. Boolo babaa-keyaalo boito moo̒sanangi hilaa lo Eeya.

YIA̒APO 15:8

Wonu u pobakeelo boito sapi ulai̒ tuwau ode bake yilalango meealo bake pomayali danti meaalo bake lo polodame,

YIA̒APO 19:2

u mongohi wuwuu-uduwaalo botie ode bangusa lo Isirai̒lu: Hamaawa mao̒ sapi meela bilango tuwau udiila otailio wau diipo pee̒enta mao̒ pilomake u momota dudetohu.

YIA̒APO 23:19

Allahu Taa̒ala diila debo odelo manusia u gambangi molee̒ wau ohilaa mohimbulo. Wonu Allahu Taa̒ala modanti mai tantu eelaa-Lio! Wonu Tio motahuda mai, tantu mamotoduo!

YIA̒APO 23:27

Tei Balak loloi̒ya mao̒, “Dulo ito ode tambati wewo. Tanu Allahu Taa̒ala mopoluli mai olemu molaa̒nati Isirai̒lu ode olau̒ totambati boito.”

YIA̒APO 23:3

Lapatao̒ tei Bileam loloi̒ya mao̒ odelei Balak, “Tihuloolo mao̒ totili lobake yilalango li Tuaniu̒. Sambela uito watia mola momilohe wolo Eeya ohilaa modunggaya wolaatia meaalo diila. De poo̒taa mai lowatia totoonulalo u hitua-tuawua u potahuda mai lo Eeya olaatia.” Yi tei Bileam malonao̒ tutuuwau ode bolitutuo̒ huludu tuwau,

YIA̒APO 23:30

Tei Balak lohutu mao̒ debo odelo uiloi̒ya lei Bileam. Tio lopobake mao̒ sapi ulai̒ tuwau wau himba ulai̒ tuwau toitaato lotimii̒du mesba boito.

YIA̒APO 28:11

Tobohulo timii̒du hulalo musi podewolo ode Eeya bake yilalango debo odelo duluo sapi ulai̒ buboto, tuwau himba ulai̒, pitu walao̒ himba ulai̒ ou̒umulu ngotaunu, u tinggai diila otailio.

YIA̒APO 28:19

Podewowa mao̒ ode Eeya bake yilalango debo odelo duluo sapi ulai̒ buboto, tuwau himba ulai̒, wau pitu walao̒ himba ulai̒ ou̒umulu ngotaunu, tinggai udiila otailio.

YIA̒APO 28:31

Babaa-keyaalo boito wolo bake lo anggurulio, debo odelo poduhengo to bake timii̒du dulahu wau bake pohinta.

YIA̒APO 29:13

Todulahee u bohulio podewowa mao̒ ode Eeya bake yilalango debo odelo mopulaa totolu sapi ulai̒ buboto, duluo himba ulai̒ buboto, wau mopulaa pato walao̒ himba ulai̒ ou̒umulu ngotaunu, tinggai udiila otailio. Boolo bake boito moo̒sanangi hilaa lo Eeya.

YIA̒APO 29:2

Podewowa mao̒ ode Eeya bake yilalango debo odelo sapi ulai̒ tuwau buboto, himba ulai̒ tuwau, wau pitu walao̒ himba ulai̒ ou̒umulu ngotaunu, tinggai udiila otailio. Boolo bake boito moo̒sanangi hilaa lo Eeya.

LUKASI 1:35

Malai̒kati boito malo lametao̒, “Rohullah mamei dungga mai ode olemu, wau kawasa lo Allahu Taa̒ala mamo henggubei olemu. Uitolo sababuulio walao̒ tapotutumu mai boito mau̒nteelo Mantali, Walao̒ Allahu Taa̒ala.

YAHYA 1:36

Tou̒ tio loo̒onto li Isa yilumaodeo̒, tio maloloi̒ya, “Bilohi! Tioolo Walao̒ Himba lo Allahu Taa̒ala.”

YAHYA 10:7

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

YAHYA 10:9

Wau̒lo huhebu. Tatoonu tatumuwoto moli ola-U̒ mamoa̒ahu; tio tumuwoto lumualo wau moo̒tapu ua̒alo.

2 KORINTUS 8:12

Wonu timongoli iloheela lohilao mongohi, yi Allahu Taa̒ala mamololimo uilohi limongoli boito patopatoa̒ tou̒ wolo udiaaluo toli mongoli.

2 KORINTUS 9:7

Timii̒du tau musi mongohi modudua̒ oleela hilaalio. Tio diila mowali mongohi lou̒ panggu-panggu meaalo kalana pakusa, sababu Allahu Taa̒ala momonu taa u mongohi wolo hilaa sanangi.

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.

EPESUS 5:27

Lou̒ odito ti Almasi mohutu jamaa̒ boito tihutihula wolo lailaio̒ wau belesi totalu-Lio, diila oa̒aibu meaalo wentea̒ penu boli loolo.

TINGULI 12:27

Bake yilalango wau bake u tilamelo tapulio musi podewolo toitaato mesba lo Eeya Allahu Taa̒ala limongoli wau duhulio tuwatolo toitaato mesba boito.

TINGULI 15:21

Bo wonu bibiahe boito otailo, humayaalio penggo meaalo pitoo̒ meaalo otailo daa̒ wewolio, timongoli diila mowali mopodewo binatangi boito ode Eeya Allahu Taa̒ala limongoli.

TINGULI 17:1

Diila mao̒ podewowa sapi meaalo himba u otailo ode Eeya Allahu Taa̒ala limongoli, sababu oloonuo̒ Eeya uito.

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

IBRANI 9:14

Naa, wonu duhu wau peaahuo̒ boito moo̒ pobelesi onajisi lo tau-tauwalo boito, tidiyolo mao̒ duhu li Almasi! Lotimbulude to Rohu ubakaa ti Almasi lopodewo batanga-Lio lohihilao ode Allahu Taa̒ala odelo bake wimu-wimumuto tutu. Duhu-Lio lopobelesi hilaa u maloo̒tapu tinelo Eeya de olanto lonto upacala lo agama udiila ohuna, alihu ito mowali momaya Allahu Taa̒ala tatumu-tumulo.