IBRANI 9:9 - KITABI HABARI MOPIOHE

⁹ Utie mopobayahei jamani botia; boliilio mao̒ deu̒ dedee-wowaalo wau babaa-keyaalo bake lo binatangi u podewolo ode Allahu Taa̒ala, diila mowali mopo wimumuto tutu hilaa u maloo̒tapu tinelo Eeya lotaa u hemodelo dewo.

IBRANI 9:9 ပူးပေါင်းရင်းမြစ်များ

ROMA 5:14

Bo, lonto jamani lei Adamu demola jamani lei Musa, opopate okawasa to ngoilanggubu umati lomanusia. Tumbao̒ tau-tauwalo tadiila helohutu totala wolo dudelo u tutuuwauwa debo odelo u pilohutu lei Adamu, tau-tauwalo boito olo lodudua̒ olo kiluwasa lo opopate. Tei Adamu yito bayahu monto o-Lio tamaa dungga-dungga mai lapatio mao̒.

GALATIA 3:21

Wolo uito boliilio deu̒ butoo̒ lo agama bubuu-lemenga wolo danti lo Allahu Taa̒ala? Tantulo mao̒ diila! Sababu wonu butoo̒ lo agama yilohi u mongohi tutumulo to manusia, yi manusia mowali mopiiohe wolo Allahu Taa̒ala motimbulude tobutoo̒ lo agama.

IBRANI 10:11

Timii̒du iimamu lo Yahudi moponao̒ tuugasilio odelo iimamu timii̒du dulahu, wau wuwuulia tio hemo podewo babaa-keyaalo u tutuuwauwa. Bo babaa-keyaalo boito sama-samaata diila mowali moluluta dusa.

IBRANI 11:19

Tei Abraham yakini deu̒ Allahu Taa̒ala mambo muli mopo tumulai olei Isihaka monto opopate – oditolio, mowali loi̒yaalo, tei Abraham maluli lololimo olei Isihaka lonto opopate.

IBRANI 5:1

Timii̒du iimamu daa̒ tilulaoto towolota lo umati, wau piluduo̒ u momaya Allahu Taa̒ala odelo wakili limongolio. Tuugasilio yito mopodewo ode Allahu Taa̒ala wowoo-hiyaalo wau babaa-keyaalo u pongambunguwalo dusa.

IBRANI 7:11

To walungo tau̒wa lomongo iimamu Lewi, butoo̒ agama lo Yahudi yilohilio mai ode umati lo Isirai̒lu. Sababu mongo iimamu Lewi omoo̒omolu boito diila mowali mohutu lou̒ wimu-wimumuto tutu wolo u musi kalajaalio, yi musi woluo iimamu wewo, deu̒ito-yito tadebo odelo ti Iimamu Melkisedek, wau diilalo monto kaumu li iimamu Haruuna!

IBRANI 8:4

Humayalio Tio woluo todunia botie, Tio diila tamowali iimamu, sababu mailoluo iimamu talo podewo bake u pilohile wolo moo̒ohuu̒ todelomo butoo̒ agama lo Yahudi.

IBRANI 9:24

Sababu ti Almasi diila tilumuwoto ode Huwali Leidaa̒ Mantali huhutu lomanusia, u bo mopo bayahei Mantali u otutuulio mao̒. Ti Almasi tilimuwota mola ode sologa tutuwau; mola teto Tio masaatia lotahudeo̒ ode Allahu Taa̒ala ode polohuna daa̒ olanto.

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,