IBRANI 8:9 - KITABI HABARI MOPIOHE

⁹ Diila debo odelo daantia u pilohutu-U̒ wolo loluhuru limongolio tou̒ lodelo olimongolio yilumualo lonto lipu lo Masiri. Timongolio diila tatapu wau molotolo hilao to daantia u pilohutu-U̒ woli mongolio; uitolo sababuulio Wau̒ diila momandungi olimongolio.

IBRANI 8:9 ပူးပေါင်းရင်းမြစ်များ

ILOOWALI 19:16

Tei Lot malolingu. Bo Eeya lodehu hilao olio; sababu uito tamulio duulota boito malodelo olei Lot wolo dilelio wau walai̒o duulota ode bulemengo kota.

AYUBA 8:20

Bo Allahu Taa̒ala diila pee̒enta mao̒, mololaa taa debo molotolo hilao, wau olo diila pee̒enta mao̒ Eeya motulungi taa juluhaka.

JABURU 105:43

Yi dilepito Eeya, umati-Lio wolo wengahu, wau tau-tauwalo tahe tilulao-Tio wolo hitingalaa̒ meengahu.

JABURU 77:20

Eeya monao̒ molibaya buo̒olo, monao̒ mobalango auhu, bo baa̒to Eeya diila oontonga.

JABURU 78:57

Timongolio helo hiyanati debo odelo loluuhuru limongolio, wau diila mowali yakiniyaalo debo odelo buutio̒ u keukeungo.

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

PILOTIMUA̒TA 34:10

Tahuda lo Eeya odelei Musa, “Botia Wau̒ mohutu mai daantia wolo bangusa Isirai̒lu. Totalu lomato limongolio Wau̒ mamohutu totoonulalo moo̒linggolabu udiipo pee̒enta mao̒ pilohutu-U̒ penu boli tou̒toonu todunia botie. Ngoa̒amila bangusa mamoo̒onto totoonulalo moo̒linggolabe u pohutuwo-U̒ boito, sababu Wau̒, Eeya mamohutu hitua-tuawua upolu-polutuo̒ uilohi-U̒ ode limongoli.

LAHU MOLAMAHU 8:5

Tatoonu uito talei dungga mai lonto huta datahu wau luasi udelita, wune-wunela to tilantahio? Bilonguu̒ yio̒ to walungo bungo lo apeli, tambati yio̒ bilanta wau pilotutu mai.

YESAYA 40:11

Debo odelo ngotaalio lo diiti Eeya molaalai himbalaa-Lio; Eeya lohihilao longambu olimongolio. Mongo walao̒ himba piludu-I̒o, wolo mopiohu hilao lodelo mongo tiilolio.

YESAYA 41:13

Sababu Wau̒ Eeya, Allahu Taa̒alamu, modihu uluu̒umu olowala; pirimani-U̒ mai, ‘Diila mao̒ oohe, Wau̒ mamotulungi mai olemu.’ ”

YESAYA 51:18

Monto tuango lipumu diaaluo tamopo dulunga olemu, monto tatome-tomele to olemu diaaluo tamodelo olemu.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 31:32

Bo daantia boito diila debo odelo daantia u pilohutu-U̒ wolo loluuhuru limongolio tou̒ lodepita olimongolio yulumualai lonto Masiri. Eleponu boli Wau̒ debo odelo ngotaali lodile talolao̒ ode limongolio, bo timongolio lomaahe daantiaa-U̒ woli mongolio.

HIYONGO MOPOILAALO SUUSA 4:16

Eeya diilalo lopoo̒-tuotai umati-Lio; Eeya lohihilao talopo bubuua̒lawa olimongolio wau lohutu tomongo iimamu diilalo hilaalaga; mongo tau̒wa diaaluo tamodehu hilao.

YEHESKIEL 16:59

Eeya Taa Laba-labaalo molanggato lotahuda, “Yio̒ mapohutuwo-U̒ mai motuuu̒de wolo huhutuumu, sababu yio̒ malomaahe tadiyamu wau lolambanga daantia-U̒ wolemu.

AMOS 5:22

Wonu timongoli modelo bake yilalango wau bake lopale, Wau̒ diila tamololimo mao̒. Wau̒ diila mohuto mololimo bibii-natangimu u hiliingohe boito u podewo limongoli ola-U̒ debo odelo bake lo polodame.

MALEAKHI 2:13

Wau utie huhutuumu uwewo. Mesba lo Eeya yilomu limongoli wolo ponu; timongoli hilumoyongo wau lohilimuta sababu Eeya diilalo lotuhatawa lololimo bakemu.

MARKUSI 8:23

Yi ti Isa malodihu uluu̒ lotaa pitoo̒ boito wau lodedea̒ olio ode bulemengo kota boito. Lapatao̒ ti Isa lonula loiyohu tomato lotaa pitoo̒ boito. Tio lopodutu uluu̒-Lio tomato lotaa pitoo̒ boito, tulusi lohintu mao̒ olio, “Mamowali moo̒onto yio̒ u hitua-tuawua masaatia?”

WUNGGULI LOMONGO RASULU 13:11

Botia bilohi, Eeya mamo hukuumani mai olemu! Yio̒ mamowali pitoo̒ tunggula yio̒ diilalo mowali moo̒onto tinelo mato lodulahu tou̒ ngopee̒ wakutu mola.” Tosaa̒tilo boito tei Elimas maloo̒laasa woluo wambulo moitomo lolau̒bei matolio, tilunggula tio bolo oa̒apao̒-oa̒apao̒ monao̒ hemo lolohe tamo dedea̒ olio.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

WUNGGULI LOMONGO RASULU 9:8

Lapatao̒ tei Saulus tilimihula mola wau lomulahei, bo matolio diilalo mowali moo̒onto wolo-wolo. Oditolio timongolio malodihu uluu̒lio wau lodedea̒ olio tilumuwoto mota ode Damusiki.

GALATIA 4:24

Utie mowali pomake odelo bayalo. Mongobua duulota boito yito debo odelo dulo daantia: u tuwaulio asaliilio lonto Hui̒dee Sinai ui-uitolo ti Hagar; mongo walai̒o pilotutu mai odelo wato.

TINGULI 29:1

Uutieelo tataa-heyaalo daantia u topalenta lo Eeya pilohutu lei Musa wolo bangusa lo Isirai̒lu tou̒ timongolio woluo tohuta lo Moab. Daantia boito debo odelo duhengio lou̒ daantia upilohutu lo Eeya woli mongolio to Hui̒dee Sinai.

TINGULI 29:12

Eeya Allahu Taa̒ala limongoli mohutu mai daantia woli mongoli, wau timongoli ngoa̒amila tahi ambuwa tewe u molihutao̒ daantia boito wau mololimo upilopo wajibulio todelomo daantia boito.

TINGULI 29:25

Wau tametio yito, ‘Sababu timongolio malomaahe daantia lo Eeya, Allahu Taa̒ala nenemoya limongolio; daantia u pilohutu-Lio woli mongolio tou̒ Tio lodelo wau lopolualao̒ olimongolio lonto Masiri.