IBRANI 8:3 - KITABI HABARI MOPIOHE

³ Timii̒du iimamu daa̒ piluduo̒ u mopodewo bake meaalo dewo ode Allahu Taa̒ala. Odito olo li Imamunto Daa̒; Tio musi o hitua-tuawua u podewolo.

IBRANI 8:3 ပူးပေါင်းရင်းမြစ်များ

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

ROMA 4:25

Ti Isa boito mailudu-Lio mai u pateelio mate-mateelo mao̒ sababu duduu-saanto; lapatao̒ luli pilopo tumulai lo Allahu Taa̒ala mai lohutu olanto luli lopiiohe wolo Allahu Taa̒ala.

ROMA 5:6

Tou̒ ito todelomo owowoluwoa didu okawasa, ti Isa Almasi mailate ode olanto towakutu u lotuhatawa lou̒ tilantu mai lo Allahu Taa̒ala; lebe-lebe pomao̒ ito tahi tau-tauwalo tahi laminga monto Allahu Taa̒ala.

ROMA 5:8

Bo Allahu Taa̒ala lopoi̒laalo mai ponu-Lio olanto tou̒ ti Isa Almasi yilate ode olanto tou̒ ito donggo taa odusa.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 2:17

Utie boliilio deu̒ Tio musi mowali motutuwau wolo mongo wuta-Tio todelomo totoonulalo sua̒li. Wau woleeto boito Tio mowali Iimamu Daa̒ taatatapu wau molotolo hilao wau odehu hilao. Wolo bubayaa-Lio boito dusa lomanusia lowali ilambungu.

IBRANI 3:1

Mongo wutato timongota lo Nasara tamaa tiliango olo lo Allahu Taa̒ala! Nte pikiilangia mola tio̒otutua tomimbihu li Isa botie! Allahu Taa̒ala lolao mai o-Lio tolomodu u mowali Iimamu Daa̒ todelomo agama u hedudua̒nto.

IBRANI 5:1

Timii̒du iimamu daa̒ tilulaoto towolota lo umati, wau piluduo̒ u momaya Allahu Taa̒ala odelo wakili limongolio. Tuugasilio yito mopodewo ode Allahu Taa̒ala wowoo-hiyaalo wau babaa-keyaalo u pongambunguwalo dusa.

IBRANI 7:27

Tio diila debo odelo mongo iimamu daa̒ uwewo, u timii̒du dulahu musi mopodewo bake sababu duduu-saalio lohihilao omoo̒omolu, bolo kalana duduu-sawaalo umati. Ti Isa mopodewo bake bo wambao̒ pee̒enta u ohiheo-hiheolo mao̒, tou̒ Tio lopodewo batanga-Lio lohihilao odelo bake.

IBRANI 8:4

Humayalio Tio woluo todunia botie, Tio diila tamowali iimamu, sababu mailoluo iimamu talo podewo bake u pilohile wolo moo̒ohuu̒ todelomo butoo̒ agama lo Yahudi.

IBRANI 9:14

Naa, wonu duhu wau peaahuo̒ boito moo̒ pobelesi onajisi lo tau-tauwalo boito, tidiyolo mao̒ duhu li Almasi! Lotimbulude to Rohu ubakaa ti Almasi lopodewo batanga-Lio lohihilao ode Allahu Taa̒ala odelo bake wimu-wimumuto tutu. Duhu-Lio lopobelesi hilaa u maloo̒tapu tinelo Eeya de olanto lonto upacala lo agama udiila ohuna, alihu ito mowali momaya Allahu Taa̒ala tatumu-tumulo.