IBRANI 8:2 - KITABI HABARI MOPIOHE

² Tio helo kalaja mao̒ tuugasi odelo Iimamu Daa̒ to Huwali Leidaa̒ Laba-labaalo mantali, deu̒ito-yito todelomo kema lo Allahu Taa̒ala u tutuulio tutu, upilo tihulo Eeya, diila lo manusia.

IBRANI 8:2 ပူးပေါင်းရင်းမြစ်များ

PILOTIMUA̒TA 25:9

Kema wau pohi wimumutio musi pohutuo mao̒ limongolio modudua̒ lanjana u mapilotunu-U̒ mai olemu.”

PILOTIMUA̒TA 28:1

“Tianga mao̒ tei Haruna tamo huhulamu wolo mongo walai̒o lei Nadab, Abihu, Eleasar wolei Itamar, wau potolomoduo mao̒ timongolio alihu mowali momaya ola-U̒ odelo iimamu.

PILOTIMUA̒TA 28:35

Jumba boito musi pomake mao̒ lei Haruna wonu tio otuugasi odelo iimamu. Tou̒ tio modudulai ode talu-U̒ to Huwali Leidaa̒ Mantali meaalo mololaa mao̒ tambati boito, mao̒dungohe tingohu lo maruwasi boito, alihu tio diila mao̒ mate.

PILOTIMUA̒TA 33:7

Timii̒du, wonu bangusa lo Isirai̒lu motitikema, tei Musa mohama mao̒ kema wau mopo tihulao̒ molaminga ngopee̒ monto polokema limongolio. Kema boito iluntelio Kema lo Eeya, wau tatoonu tamohuto mohile potuhata to Eeya, ponao̒ mota odito.

LUKASI 24:44

Lapatao̒ uito Tio lotahuda mao̒ olimongolio, “Utieelo susuu-aliyaalo umaa piloo̒taa-U̒ mai olimongoli tou̒ Wau̒ donggo pee̒-pee̒enta woli mongoli; deu̒ timii̒du sua̒li u tulatuladu tomimbihu tanggulu-U̒ todelomo Bubuu-kuwaalo lei Musa, lomongo Nabi, wau Jaburu, musi motoduo mai.”

ROMA 15:8

Sababu, eelai mao̒ deu̒ ti Isa Almasi malomaya taulo Yahudi u lopobilohe deu̒ Allahu Taa̒ala tatapu wau molotolo hilao todelomo lopoo̒polu totoonulalo danti-Lio odeli nenemoyanto.

2 KORINTUS 5:1

Sababu otaawa lamiaatia deu̒ wonu bele – deu̒ito-yito batanga – u biluloa̒anto todunia botie onggalolio, Allahu Taa̒ala mamopohetu olanto bele ngowale tosologa, upilohutu lo Allahu Taa̒ala lohihilao wau moo̒ tahangi ohiheo-hiheolo mao̒.

KOLOSE 2:11

Sababu lotituwau woli Almasi, timongoli matiluuna, diila wolo tuuna upilohutu lomanusia, bo wolo tuuna u pilohutu li Almasi, talopo lopato olimongoli lonto kawasa lo watade u odusa.

IBRANI 10:11

Timii̒du iimamu lo Yahudi moponao̒ tuugasilio odelo iimamu timii̒du dulahu, wau wuwuulia tio hemo podewo babaa-keyaalo u tutuuwauwa. Bo babaa-keyaalo boito sama-samaata diila mowali moluluta dusa.

IBRANI 10:21

Wau ito masaatia o ngotaalio iimamu tau̒daa̒, tatihu-tihula duo̒lo Bele lo Allahu Taa̒ala.

IBRANI 11:10

Sababu tei Abraham donggo hemohima kota uilanjana wau bongulo lo Allahu Taa̒ala wolo wapidio motoheeto.

IBRANI 9:1

Daantia ubohulio o wuwuu-uduwaalo potabiaalo, wau olo o tambati potabiaalo huhutu lomanusia.

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.