IBRANI 6:9 - KITABI HABARI MOPIOHE

⁹ Bo Mongo wutato taa otolia̒ngo, eleponu amiaatia moloi̒ya mai odito, bo amiaatia yakini tomimbihu olimongoli. Amiaatia yakini deu̒ timongoli malo lolimo susuu-aliyaalo ulebe mopiohe, deu̒ito-yito babaa-lakatiyalo udebo odelo bagiyangi lo oa̒ahu limongoli.

IBRANI 6:9 ပူးပေါင်းရင်းမြစ်များ

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

WUNGGULI LOMONGO RASULU 11:18

Tou̒ loo̒dungohe uito, timongolio diilalo lobatata. Lapatao̒ timongolio lomuji mola Allahu Taa̒ala. Timongolio loloi̒ya, “Wonu odito tau-tauwalo tadiila Yahudi olo yilohia wakutu lo Allahu Taa̒ala u molilihu monto ngoa̒amila dusalio wau moo̒laasa mao̒ tutumulo utuutu!”

WUNGGULI LOMONGO RASULU 20:21

Mopio ode tau-tauwalo Yahudi meaalo ode tau-tauwala bangusa wewo watia laito hemopoe̒ela alihu timongolio molilihu monto duduu-sawaalo limongolio wau monao̒ mai ode Allahu Taa̒ala, wau palacaya li Isa Eeya.

1 KORINTUS 10:14

Masababu uito, Mongo wutato taa otolia̒ngo lowatia, mamusi timongoli molonuo̒ molubo balaahala.

2 KORINTUS 12:19

Mowaliilio timongoli hemo lantobe olamiaatia ngotilonggadu botie donggo hemo tolopani mopodulua batanga toli mongoli? Matilala daa̒ timongoli! Otaawa lo Allahu Taa̒ala deu̒ ngoa̒amila uiloi̒ya lamiaatia boito yito lodudua̒ kahandaki li Almasi. Wau ngoa̒amila u pilohutu lamiaatia yito u momongu tutumulo rohu limongoli.

2 KORINTUS 7:1

Mongo wutato tao̒tolia̒ngo! Ngoa̒amila danti boito pilodulungo ode olanto. Masababu uito wajibulio ito mopo belesi batanga monto totoonulalo umoo̒ kootolo jiwa wau batanganto. Mamusi ito mohe to Allahu Taa̒ala, alihu ito mowali tumumulo tolomodu ode o-Lio lou̒ molimomoto ngoa̒amilalo.

2 KORINTUS 7:10

Sababu osuukali debo odelo uito moo̒toduo mai hilaa mowali mobolio̒ wau mopodungga mai oa̒ahu. Wau taa u diila tamolee̒e tosua̒li boito. Bolii̒o mao̒, osuukali u bo ngopo nao̒wa wolo kahandaki lomanusia moo̒toduo opopate.

GALATIA 5:6

Sababu wonu ito malo tituwau woli Isa Almasi, sua̒li modudua̒ meaalo diila modudua̒ wuu̒du lotuuna diilalo mowali sua̒li. U polohuna daa̒ bo palacaya wambao̒ li Almasi, wau uito oontonga todelomo tolia̒ngonto ode taawewo.

IBRANI 10:34

wau timongoli lodudua̒ loo̒laasa osuukali hilao lotaa tilutupalio. Wau tou̒ ngoa̒amila u mililiki limongoli yilambatio, timongoli lololimo uito wolo hilaa sanangi sababu otaawa limongoli deu̒ donggo woluo hitua-tuawua ulebe mopiohe, umoo̒ tahangi ohiheo-hiheolo mao̒.

IBRANI 10:39

Ito botie diila umati tatoutouli wau yilapalo. Bolii̒o mao̒, ito yito umati tapalacaya to Allahu Taa̒ala wau tapilo aahu.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 5:9

Yi lapatio mao̒ Tio pilopowali tamoo-poa̒ahua tawimu-wimumuto tutu, Tio lowali pilobutua mai lo oa̒ahu u hiheo-hiheolo mao̒ ode ngoa̒amila tau tamo dungohe o-Lio,

IBRANI 6:10

Allahu Taa̒ala diila bo Allahu Taa̒ala tadiila aadili. Tio diila molipato wolo u kilalaja limongoli de o-Lio, wau tolia̒ngo upilo biloheo̒ limongoli o-Lio tou̒ lotulungi mongo wutato ngoi̒imani, omoo̒omolu wau botia.

1 PETRUS 2:11

Mongo wutato taa tao̒tolia̒ngo! Timongoli yito tau deli wau tamoo-leleyangia todunia botie. Sababu uito watia mohile lou̒ tio̒otutua alihu timongoli diila mao̒ modudua̒ napusu lomanusia ulaito mopaatea moluwali jiwa.

2 PETRUS 3:1

Mongo wutatuu̒ tao̒tolia̒ngo! Utieelo tuladu laatia u oluolio ode limongoli. Todelomo oluo lotulade botie, watia motolopani momongu totoonulalo pikiilangi ubelesi tolimongoli.

1 YAHYA 2:7

Mongo wutato tao̒tolia̒ngo! U tiluladei laatia botie diila odelo palenta u bohu. Utie palenta deedelo umapilo tunggulai olimongoli anggadu timongoli tumulalo mai palacaya li Almasi; uitolo habari monto Allahu Taa̒ala umaa ilodungohe limongoli tou̒ dipolulio mai.

YUDAS 1:3

Mongo wutato tao̒toliango! Watia tio̒otutua omakusudu moluladei tulade ode limongoli tomimbihu oa̒ahu upee̒-pee̒enta mai̒lo laasanto. Bo botia watia molaasa ilowuntula u monaseehati mai olimongoli wolo tulade botie alihu timongoli tulusi mohipate duo̒lo iimani u mapee̒enta yilohi mai lo Allahu Taa̒ala u ohiheo-hiheolo mao̒ ode umati-Lio.