IBRANI 6:2 - KITABI HABARI MOPIOHE

² meaalo dasali lo pongaajali tomimbihu polihu meaalo mopodutu lo uluu̒ toitaato lotau, meaalo tomimbihu muli tumumulai tou̒ mailate mao̒ meaalo hukuumani u ohiheo-hiheolo mao̒.

IBRANI 6:2 ပူးပေါင်းရင်းမြစ်များ

TAMOO-HUTUBAWA 12:14

Allahu Taa̒ala mamomutoa̒i totoonulalo huhutuunto; u mopiohu wau u mobulilo, tumbao̒ u tuutuuo̒ olo.

YESAYA 26:19

Umati lo Eeya tamailate mamuli tumumulai, mimii-lateyaalo limongolio mamuli mobongu mai. Taa u mailobungo todelomo huta mamobongu mai wau motingalaa̒ meengahu. Debo odelo wambulo u moposeehati dunia, Eeya mopo tumulai umati lo Eeya tamalo hiiheo yilate.

DANIALI 12:2

Dadaata to wolota limongolio taa maa yilate maa muli mobongu mai; ngotayade mamoo̒lasa tutumulo u kakaali, wau ngotayade poli maa moo̒rasa ohiihina wau oliliheela hapato u kakaali olo.

MATIUSI 28:19

Sababu uito ponao̒lo ode ngoa̒amilalo bangusa to ngoilanggubu dunia, pohutua mao̒ timongolio mowali muri-U̒. Wau lihua mao̒ timongolio lou̒ molanggula tangguli Paapa, wau Walao̒, wau Rohullah.

MATIUSI 3:14

Bo tei Yahya lohimontala diila lololimo hihiile-Lio boito, wau loloi̒ya mao̒, “wawaatiyalo tapatutilio lihua li Paaa̒. Botia tumbao̒ ti Paaa̒ tamalonao̒ mai ode laatia.”

MARKUSI 16:16

Taa diila palacaya mamoo̒tapu hukuumani. Bo taa palacaya wau lihualio, mamoa̒ahu.

MARKUSI 7:4

Wolo u taliyolo topaatali diila tamelolo, tou̒ diipo wulowalo meimulo. Wau ngohuntua wuu̒du wewo monto linenemoya limongolio u tio̒otutua hedihuma limongolio; debo odelo humayaalio wuu̒du mongulo halati, manggo, wau pakaa-kasiyaalo tombaha.

MARKUSI 7:8

Papaa-lentawalo Allahu Taa̒ala hepalongo limongoli, wau wuwuu-uduwaalo manusia hedihuma limongoli tio̒otutua.”

LUKASI 11:38

Taulo Parisi boito lolinggolabu loo̒onto li Isa lolamela lou̒ diila longulo uluu̒-Lio loduduo̒ wuu̒du lo agama.

LUKASI 12:50

Donggo woluo polodutolo polu-polutuo̒ umusi dutola-U̒. Wau hilaa-U̒ balisa daa̒ tou̒ uito boito diipo motoduo mai.

LUKASI 14:14

Yio̒ mabalakatia-Lio mai, sababu tau-tauwalo boito diila tamoo̒ baalasi opopiohumu. Opopiohumu mawohia mai pahala lo Allahu Taa̒ala tou̒ tau-tauwalo tamopiohu muli potumulo-Lio mai monto opopate.”

LUKASI 3:16

Uito sababuulio tei Yahya loloi̒ya mao̒ ode limongolio ngoa̒amila, “Watia mopolihu olimongoli wolo taluhu, bo demaa meidungga mai Taa lebe udaa̒ mao̒ wolaatia. Penu boli bo mongua̒de tali losapatu-Lio watia diila patuti. Tio mamo polihu olimongoli wolo Rohullah wau tulu.

YAHYA 1:33

Tou̒ boito diipo otaawa laatia tatoonu Tio. Bo Allahu Taa̒ala talo poa̒hu mai olaatia mopolihu wolo taluhu malo tahuda olaatia, ‘Wonu yio̒ moo̒onto Rohullah motuhutai, lapatao̒ motitolaa toitaato lo ngotaalio, yi Tioolo tamamo polihu wolo Rohullah.’

YAHYA 5:29

lapatao̒ lumualai monto kuubulu. Taa malohutu u mopiohe mamobongu mai ode tutumulo. Bo taa malohutu u moleeto mamobongu mai u hukuu-maniyolo.”

WUNGGULI LOMONGO RASULU 10:47

“Nte, bilohi, tau-tauwala botie maloo̒ toduo mai Rohullah debo odelo ito. Oditolio tingga mowali tau mongabu-ngabuto olimongolio u lihuwalo wolo taluhu?”

WUNGGULI LOMONGO RASULU 13:3

Lapatao̒ lopuasa wau lodua̒ mola timongolio lopodutu ului̒ mongolio toitaato lei Barnabas wolei Saulus tulusi longutolio olimongolio duulota.

WUNGGULI LOMONGO RASULU 16:15

Ti Lidia wau ngotuango belelio yiluhualio. Lapatao̒ yilihualio tio loloduo̒ olami. Ualio mao̒, “Wonu Mongo wutato molaasa u watia otu-otutuulo mao̒ malo malacaya li Isa, toduwolo motihangata tobele lowatia.” Tulusi tio helo huntula alihu ami moduduo̒ hihiilelio.

WUNGGULI LOMONGO RASULU 16:33

To tomutaa̒a lou̒ huilo boito, tau̒wa lotutupa boito lodelo olimongolio tulusi lopoo̒ belesi mao̒ papaa-liyaalo limongolio. Yi tio wau ngoa̒amila taa tobelelio lato yilihualio.

WUNGGULI LOMONGO RASULU 17:18

Guguu-ruwaalo alilani Epikuros wau alilani Stoa helo susuua̒lia olo wolio. Dengolo lota limongolio hipoloi̒yawa, “Wolo otaawa lotau botie? Pongototalio bo ngoi̒di, bo tio dadaata bisalaalio!” Dengolo lota tawewolio hipoloi̒yawa, “Oontonga mao̒ tio hemo pohabari pasali lo dedeewaalo bangusa wewo.” Timongolio loloi̒ya odito, sababu tei Paulus helo bisala pasali li Isa wau pasali lou̒ muli tumumulai monto opopate.

WUNGGULI LOMONGO RASULU 2:38

Tei Petrus lolametao̒, “Polilihulo monto duduu-sawaalo limongoli. Wau mawajibulio timongoli ngota-ngota lihuwalo to tangguli Isa Almasi, alihu ngoa̒amila dusa limongoli maa ambunguolo. Yi Mongo wutato mamololimo palaseni Rohullah monto Allahu Taa̒ala.

WUNGGULI LOMONGO RASULU 2:41

Ngohuntua tamaa pilalacaya tou̒ yiloi̒ya lei Petrus, lapatao̒ timongolio yilihualio. Yi jumulaa taa palacaya todulahee boito donggo iloduhenga mola tololihu lota.

WUNGGULI LOMONGO RASULU 23:6

Tei Paulus loo̒onto deu̒ ngotayadu lo popoo-ngawaa̒alo mahakama boito bo wambao̒ tau-tauwalo Saduki wau ngotayade poli bo wambao̒ tau-tauwalo Parisi. Sababu uito tio loloi̒ya mao̒ ode mahakama boito, “Mongo wutato! Watia ngotaalio lo Parisi, wali mai lo Parisi. Watia bilutoi̒o teea, sababu watia palacaya deu̒ tahe lopunungo mamuli tumumulai.”

WUNGGULI LOMONGO RASULU 24:15

Tutuuwauwa debo odelo timongolio, watia olo ohalapani to Allahu Taa̒ala deu̒ ngoa̒amila tau mamuli tumumulai tou̒ mailate mao̒ – tau-tauwalo mopiohu, meaambo tau-tauwalo moleeto!

WUNGGULI LOMONGO RASULU 24:21

Timongolio bo loo̒tapu mao̒ tolomodu kalima u ngotahe botie wambao̒ uiloi̒ya lowatia totalu limongolio, deu̒ito-yito kalima odie: Watia bilutoi̒o todulahee botie bo u sababu watia palacaya deu̒ tamailate mamuli potumulo-Lio mai.”

WUNGGULI LOMONGO RASULU 24:25

Bo tou̒ tei Paulus lopo tolonga mola lo bisalaalio pasali lou̒ juujulu wau mongotongo napusu wau pasali lo hukuumani to Dulahu Kiaama, tei Peliks mailoohe tulusi loloi̒ya mao̒, “Yio̒ mowali monao̒olo botia. Wau̒ mamuli motiangai olemu wonu ohiangio.”

WUNGGULI LOMONGO RASULU 26:8

Yilongola mongo wutato tau-tauwalo Yahudi diila moo̒ palacaya deu̒ Allahu Taa̒ala muli mopo tumulai taa mate?

WUNGGULI LOMONGO RASULU 4:2

Timongolio loingo sababu tei Petrus wolei Yahya loloi̒ya totau-tauwalo deu̒ ti Isa maluli tilumumulai lonto opopate. Wau uito mopo bukuti mai deu̒ taamate mamuli tumumulai.

WUNGGULI LOMONGO RASULU 6:6

Taapitu lota boito tiloo̒wolio mao̒ ode mongo rasulu, tulusi mongo rasulu boito lodua̒ mola wau lomolohone balakati to Eeya ode limongolio.

ROMA 2:16

Odieelo mola u de mamotoduo mai todulahee u matilantu boito. Todulahee boito – modudua̒ Habari Mopiohe upilo habari mai lowatia – Allahu Taa̒ala motimbulude li Isa Almasi, mamomutoo̒ ngoa̒amila u hitua-tuawua u sangaja hetutuo̒ lohilao wau pikiilangi lotaa ngoa̒amila.

1 KORINTUS 10:2

U mowali muri lei Musa, timongolio ngoa̒amilalo yilihualio todelomo heengo wau todelomo deheta boito.

1 KORINTUS 12:13

Odito olo ito ngoa̒amila, mopio taulo Yahudi meaalo taa diila Yahudi. Mongo wato meaalo taa molopato; ito ngoa̒amila mailihua lo Rohu u tutuuwauwa boito, alihu ito powaliyolo tuwau tobatanga li Almasi boito. Ito ngoa̒amila olo moo̒laasa Rohu u tuwau boito lealeaatulo mao̒.

2 KORINTUS 5:10

Sababu tantuulo mao̒ ito ngoa̒amila mawuduwolio ode talu lo bubutoo̒ li Almasi, wau ngota-ngota mamoo̒tapu balasiilio motuuu̒de wolo huhutuulio todunia botie – huhutu mopiohe meaalo u moleeto.

PILIPI 3:21

Batanganto u molulupuhu wau mowali moa̒antulu botie, mamowali debo odelo batanga-Lio lohihilao u molaio̒. Tio mowali mohutu mai uito sababu Tio motolo miliki kawasa umopo taa̒luku totoonulalo u hitua-tuawaua.

KOLOSE 2:12

Sababu tou̒ timongoli yilihualio, timongoli yilobungio pee̒-pee̒enta woli Almasi; wau wolo popolihu boito olo, timongoli lodudua̒ luli pilotumu-Lio mai pee̒-pee̒enta woli Almasi karana timongoli palacaya tokawasa lo Allahu Taa̒ala tamalo potumulai li Almasi lonto opopate.

2 TIMOTIUS 2:18

Timongolio malo palingo lonto pongaajali u otutu, wau lopo ambulati opopalacaya lotaa ngobutao̒. Timongolio hipo loi̒yawa deu̒ obobongu monto opopate malo toduo.

IBRANI 11:35

Sababu o iimani, yi mongobua luli loo̒tapu mao̒ tau-taulio tamailate. Woluo olo ta iloheela lohilao silikisaa tunggula yilate, wau diila mololimo u lopatolo, sababu ohilaa muli potumulolo duo̒lo tutumulo tuwau ulebe mopioheo̒.

IBRANI 9:10

Sababu uu̒upa-calawaalo boito bo motuhatawa lou̒ aalo, minumani wau upacala hidala-dalaala u pomantaliyalo. Ngoa̒amilalo bo wuwuu-uduwaalo lahiri u pohu-pohutu dilumutu saa̒tilio pobohua mai lo Allahu Taa̒ala.

2 PETRUS 3:7

Bo hulungo wau dunia uwoluo masaatia botie, tilaala lo pilimani Allahu Taa̒ala boito olo u de mopobinasa wolo tulu. Botia hulungo wau dunia donggo taataalo dilumutu todulahe tau-tauwalo tahileeta hukuumanio wau pobinasaalo.