IBRANI 5:9 - KITABI HABARI MOPIOHE

⁹ Yi lapatio mao̒ Tio pilopowali tamoo-poa̒ahua tawimu-wimumuto tutu, Tio lowali pilobutua mai lo oa̒ahu u hiheo-hiheolo mao̒ ode ngoa̒amila tau tamo dungohe o-Lio,

IBRANI 5:9 ပူးပေါင်းရင်းမြစ်များ

JABURU 45:17

Yio̒, olongiaau̒, mamoo̒tapu mai dadaata walao̒ talolai̒ u motihuloa̒a tambati huhuloa̒ li olongia linene moyaamu. Timongolio mapo waliyomu tao̒kawasa to ngoilanggubu dunia.

JABURU 51:6

To Eeya, to Eeyaalo wambao̒ watotia ilodusa, wau hepilohutu lowatotia wolo u ilanggapu lo Eeya moleeto. Yi patutilio Eeya mohukuumani mai olo watotia, sababu aadili sama-samaata putuusani lo Eeya.

JABURU 51:8

Eeya hemohile wolo moo̒ohuu̒ otuulusi lohilao; poo̒poluwalo mai u hitua-tuawua uwoalu todelomo hilao lowatotia wolo hikimati lo Eeya.

YESAYA 45:22

Wuu, ngoilanggubu tuango dunia, pomalingolo mai de Olau̒ alihu timongoli poa̒ahuwolo, sababu bo Wau̒ulo Allahu Taa̒ala, diaaluo uwewo!

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 50:10

Wuu timongoli tamomasisi to Eeya, wau modungohe loi̒ya lo wato-Lio, dalalo u ponao̒wa limongoli otanu modio̒lomo, wau diaaluo tinelo u motinelai de olemu; bo poyakinilo to Eeya; potiwunelolo to Allahu Taa̒alamu.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

DANIALI 9:24

Poo̒opitu piu̒wa pitu lopulu lotaunu mola yito maasa u tilantu lo Allahu Taa̒ala u molopato bangusaamu wau kotamu umantali boito monto dusa wau ololeeto. Totoonulalo dusa maa ambunguolo wau oa̒adili u ohiheo-hiheolo mao̒ mapotihulolo, tilinggula bibilohe wau laamalani boito mamowali moi̒laalo, wau Bele lo Eeya umantali boito mamuli motaa̒luku wau mohulumati to Eeya.

JAKARIA 6:15

Tau-tauwalo mamonao̒ mai monto tambati molamingo wau motuulungi momongu Belee-U̒. Wonu huhutu u momongu boito lapato, timongolio mamotota mao̒ deu̒ Wau̒ Eeya Taa Laba-labaalo kawasa malolao olemu ode limongolio. Ngoa̒amila boito mamotoduo wonu timongolio tio̒otutua modungohe papaa-lentaa-U̒, Eeya Allahu Taa̒ala limongolio.”

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

LUKASI 13:32

Ti Isa lolametao̒, “Ponao̒lo poo̒taa mao̒ totaa diila ohunalio boito, ‘Dulahee botie wau loombu Wau̒ mopolahi rohu u moleeto wau mamo poo̒luli taa mongongoto, bo todulahee otolulio, Wau̒ mamopoo̒ lapato kalajaa-U̒.’

YAHYA 19:30

Ti Isa lolamitao̒ angguru boito tulusi lotahuda, “Mailapato!” Tulusi Tio lotidungu mola wau yilate.

WUNGGULI LOMONGO RASULU 3:15

Mongo wutato lomate o-Lio yila-yilateelo mao̒, lebe-lebe pomao̒ tumbao̒ Tiolo bungo lo tutumulo duo̒lo taa ngoa̒amila. Wau Allahu Taa̒ala maluli lopo tumulai o-Lio lonto opopate. Masilakusia lami lohihilao sua̒li boito.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

WUNGGULI LOMONGO RASULU 5:32

Amiaatiaalo sakusi tomimbihu ngoa̒amilalo boito – amiaatia wau olo Rohullah tailudu mai lo Allahu Taa̒ala ode tau-tauwalo tahemo dudua̒ palentaa-Lio.”

ROMA 1:5

Lotimbulude o-Lio olo Allahu Taa̒ala longohi mai olaatia ponu lowali rasulu, alihu watia – u mohulumati mao̒ li Isa Almasi – modelo tau-tauwala monto totoonulalo bangusa alihu palacaya wau modungohu.

ROMA 10:16

Bo diila ngoa̒amila tau lololimo Habari Mopiohe boito. Sababu tei Yesaya loloi̒ya, “Eeya, tatoonu tapalacaya tohabari lomongo watotia?”

ROMA 15:18

Watia buheli mobisala mai odito bo tomimbihu wolo u mapilohutu li Isa Almasi lotimbulude olaatia u mopowali tau-tauwala tadiila Yahudi modungohe to Allahu Taa̒ala. Watia helohutu uito wolo loi̒ya boli wolo huhutu,

ROMA 2:8

Bo tau-tauwala tamopo udaa̒ batangalio lohihilao wau diila mohuto modungohe to Allahu Taa̒ala, bo modudua̒ u moleeto yi tau-tauwalo boito malaba-labaalo mulukaa mai lo Allahu Taa̒ala.

ROMA 6:17

Bo sukuru ode Allahu Taa̒ala! Sababu muloololio mai timongoli lowali wato lodusa, bo botia timongoli wolo lealeaatu lohilao helo dungohe pongaajali u otutu u mailohilio olemu.

2 KORINTUS 10:5

wau helo ngantulu totoonulalo bintengi lo osombongi u bilongu motehengi pongotota pasali lo Allahu Taa̒ala. Amiaatia helo tawalo pikiilangi lotau-tauwalo wau lohutu olimongolio taa̒luku toli Almasi.

PILIPI 2:12

Sababu uito, Mongo wutato taa otolia̒ngo, odelo woloolo mola timongoli laito modungohe olaatia tou̒ watia donggo tohuungi mongoli, yi lebe-lebelo mao̒ botia tou̒ lalaaminga, mamusi timongoli debo modungohe olaatia. Timongoli mapilo aahu mai lo Allahu Taa̒ala, yi potolo panilo tulusi alihu osalaamati limongoli mowali wimu-wimumuto ngoa̒amilalo. Pohutua mao̒ uito wolo hulumati wau paatuti ode Allahu Taa̒ala,

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

2 TIMOTIUS 2:10

Uitolo sababuulio wau̒ sabali helomanta ngoa̒amilalo boito duo̒lo polohuna daa̒ ode tau-tauwalo tamaa tilulaoto Allahu Taa̒ala, alihu timongolio olo moo̒toduo oa̒ahu uilohi lotimbulude li Isa Almasi, wau u tilunuhe lo odudaa̒ ubakaa.

IBRANI 1:14

Wonu odito, otutuulio mao̒ mamaa-lai̒katiyalo boito tatoonu? Timongolio yito roroo-huwaalo tahi pomayawa to Allahu Taa̒ala, wau tai̒lahula lo Allahu Taa̒ala u momantu tau-tauwalo tamaa mololimo oa̒ahu.

IBRANI 11:40

sababu Allahu Taa̒ala o lanjana ulebe mopioheo̒ to olanto. Lanjana-Lio yito deu̒ bo pee̒-pee̒enta wolanto, timongolio mamowali wimu-wimumuto tutu.

IBRANI 11:8

Sababu o iimani, yi tei Abraham lodungohe Allahu Taa̒ala tou̒ Allahu Taa̒ala lotianga olio wau lopoa̒hu olio lonao̒ ode lipu upilo danti lo Allahu Taa̒ala olio. Lapatao̒ tei Abraham lomonggato wolo diila otaawa mao̒de utoonu ponao̒walio.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 2:10

Memangi mapatutilio Allahu Taa̒ala – talo powali mai totoonulalo u hitua-tuawua ode makusudu-Lio lohihilao – lohutu li Isa Tamoo-poa̒ahua u wimu-wimumuto tutu lotimbulude topolo dutolo. Woleeto Allahu Taa̒ala mowali moheinga taa dadaata u modudua̒ pou̒daa̒alo pee̒-pee̒enta woli Isa. Sababu Tiolo pomuo̒ dalalo olimongolio u mowali poa̒ahuwolo.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 9:12

Ti Almasi tilimuwoto ode Huwali Leidaa̒ Laba-labaalo mantali ode delomo kema boito bo wambao̒ pee̒enta ohiheo-hiheolo mao̒. Tou̒ boito Tio diila lodelo duhu lobatade ulai̒ meaalo duhu lowalao̒ sapi u pilodewo; Tio lodelo duhu-Lio lohihilao, wau woleeto Tio lopo lopato mai olanto u ohiheo-hiheolo mao̒.

IBRANI 9:15

Uitolo sababuulio ti Almasi lowali Pilo timbulude ode tuwaulio lodaantia u bohu, alihu taa umaa tiliyango Allahu Taa̒ala moo̒ tolimo babaa-lakatiyalo ubakaa umaa pilodanti mai lo Allahu Taa̒ala. Ngoa̒amilalo boito mowali motoduo sababu mailoluo tailate, deu̒ito-yito ti Almasi; wau opopate-Lio boito helo polopato tau lonto totoonulalo totala u pilohutu limongolio tou̒ dantia ubohulio donggo pohupohutu.

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

1 PETRUS 1:22

Sababu timongoli lodungohe to pongaajali lo Allahu Taa̒ala, yi timongoli lopo belesi batanga wau timongoli lotolia̒nga tau-tauwalo tango iimani lou̒ ihilasi. Sababu uito, mamusi timongoli motolia̒nga ngota timongota wolo lealeaatu lohilao.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

YUDAS 1:21

wau poti tumulolo laito todelomo ponu lo Allahu Taa̒ala ngotilonggadu timongoli hemohima odehu hilao li Isa Almasi Eeyaanto, tamaa mongohi mai olimongoli tutumulo u tutuulio tutu wau ohiheo-hiheolo mao̒.