IBRANI 5:7 - KITABI HABARI MOPIOHE

⁷ Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.

IBRANI 5:7 ပူးပေါင်းရင်းမြစ်များ

JABURU 22:24

Pujialo mola Eeya, wuu tau-tauwalo tahi saalea! Pou̒daa̒alo mola Eeya, wuu ngoa̒amila wali mai lei Yako! Posujudulo to Eeya, ngoa̒amila wali mai lo Isirai̒lu!

JABURU 69:1

Duo̒lo diriheni lopolemboa̒ tamoolahua. Lodudua̒a lahu: Bunga Baakungi. Lonto olei Dauda.

JABURU 88:1

Lahu. Jaburu lokaumu Korah. Duo̒lo diriheni lopolemboa̒ tamoolahua. Lodudua̒a lahu: Mahalat Leanot. Lahu pongaajali lei Hemani, taulo Ejrah.

YESAYA 49:8

Eeya lotahuda mai to umati-Lio, “Tou̒ Wau̒ motuhatawa, Wau̒ mamolameto; to dulahu Wau̒ mopoa̒ahu, Wau̒ motuulungi mai olimongoli. Timongoli duo̒la-U̒ wau dahaa-U̒, wau powaliyo-U̒ daantia ode babaa-ngusawalo. Ponguli-U̒ mai lipu u moliilo daa̒ mowali huta pusaka u potibiluloa̒lo.

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

YESAYA 53:3

Ito mohina wau mohalahu monto olio, taa u polupolu lo polodutolo wau biasa momanta ngongoto. Diaaluo penu boli ngotaa mao̒ tamohuto momilohe olio, penu boli ito olo diila momandungi olio.

IMAAMATI 2:2

Tio musi modelo mao̒ ode mongo iimamu wali lei Haruna. Iimamu tao̒ tuugasi musi mohama mao̒ labu ngaau̒po boito wolo winulo jaitunilio wau ngoa̒amila alamalio, lapatao̒ momobu mao̒ toitaato mesba odelo tuoto deu̒ ngoa̒amilalo mapilodewo ode Eeya. Boolo bake lou̒ aalo boito moo̒sanangi hilaa lo Eeya.

MATIUSI 27:46

Jamu tiga lolaango, ti Isa malo nguatia̒ wolo suala daa̒-daa̒alo mao̒, “Eli, Eli Lama Sabakhtani?” u boliilio, “oo Allahu Taa̒ala, oo Allahu Taa̒ala, yilongola matilolaa lo Allahu Taa̒ala Watotia?”

MATIUSI 27:50

Lapatao̒ ti Isa luli longuatio̒ wolo suala daa̒-daa̒alo mao̒, tulusi lopulitolo mola napasii-Lio.

MARKUSI 15:34

Wau tou̒ jamu tiga lolaango, ti Isa malo nguatio̒ wolo suala daa̒, “Eloi, Eloi, lama sabakhtani?” u boliilio, “Oo Allahu Taa̒alaa-U̒, oo Allahu Taa̒alaa-U̒ yilongola Allahu Taa̒ala lololaa mao̒ olaa-Tia?”

MARKUSI 15:37

Lapatao̒ ti Isa longuatia̒ mola, tulusi yilate.

LUKASI 23:46

Tulusi ti Isa longuatia̒ wolo suala daa̒, “Paapa! Ode delomo uluu̒ li Paapa wuduo mola lo Watia batanga lo Watia!” Tou̒ yilapato loloi̒ya odito, Tio yilate!

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 11:35

Lapatao̒ ti Isa mahilu moyongo. Yi tau-tauwalo Yahudi boito malo loi̒ya, “Bilohi, donggo boli ponu-Lio olei Lajarus!”

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

ROMA 8:3

Wolo udiila mowali pohutuo butoo̒ lo agama, sababu ito manusia molulupuhu, uito mapilohutu mai lo Allahu Taa̒ala. Allahu Taa̒ala maloo̒-laaheo̒ kawasa lodusa todelomo pii̒li lomanusia lou̒ lolao mai Wala-I̒o lohihilao, tadungga-dungga mai todelomo owowoluwoa u tutuuwauwa wolo manusia tao̒dusa, mai loluluta dusa.

GALATIA 4:4

Bo tosaaa̒tilio utuhata, Allahu Taa̒ala molao mai Wala-I̒o ode dunia. Wala-I̒o boito potutulio mai lotaabua ngota wau tumumula to walungo okokawasa butoo̒ lo agama.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

IBRANI 10:10

Ti Isa Almasi malohutu wolo u kilahandaki lo Allahu Taa̒ala wau lopodewo batanga-Lio odelo bake. Wolo dewo boito, u pilohutu-Lio bo pee̒enta wamabai̒o u ohiheo-hiheolo mao̒, ito ngoa̒amila pilobelesi lonto dusa.

IBRANI 10:5

Uitolo sababuulio tou̒ ti Almasi tilumuwotai ode delomo dunia, Tio lobisala ode Allahu Taa̒ala, “Eeya diila mokahandaki bake wau dewo; bolii̒o mao̒ Eeya malo podapato batanga de ola-U̒.

IBRANI 11:7

Sababu o iimani, yi tei Noho piloo̒taa lo Allahu Taa̒ala pasali lo susuu-aliyalo u mamotoduo mai lapatio mao̒, udiila mowali oontongalio. Tei Noho lodungohe to Allahu Taa̒ala tilinggula tio lohutu kapali tuwau u lapatio mao̒ loilaalo lopoa̒ahu batangalio wolo ngaalaa̒lio. Lou̒ odito dunia hilukuumani, hiambola tei Noho lohihilao sababu iimanilio piloilaalo lo Allahu Taa̒ala odelo taa mopiohe.

IBRANI 12:28

Sababu uito, mamusi ito molapali mola oduo̒lo ode Allahu Taa̒ala, sababu ito mololimo monto o-Lio tuwaulio lo bele biluloa̒ saaha li olongia udiila mowali molotau̒lo. Mamusi ito molapali mola oduo̒lo wau motabia to Allahu Taa̒ala wolo hulumati wau moohe, modudua̒ pohuli u otohila-Lio lohihilao.

IBRANI 13:20

Allahu Taa̒ala malo potumulai li Isa Eeyanto lonto opopate. Sababu opopate-Lio boito Tio masaatia lowali Diti Daa̒ de olanto, deu̒ito-yito hihii-mbaa-Lio. Opopate-Lio boito olo loposaaha mai daantia ohiheo-hiheolo mao̒ u pilohutu lo Allahu Taa̒ala wolanto.

IBRANI 2:14

Masababu tau-tauwalo walaa̒ boito, deu̒ito-yito mahaluku lomanusia tamowali mate, yi ti Isa lohihilao lowali tutuuwauwa woli mongolio wau tumutumulo todelomo owowoluwoa lomanusia. Tio lohutu odito, alihu wolo opopate-Lio Tio mowali mopoa̒ntulu Ibilisi u motolo kawasa to opopate.

1 YAHYA 4:3

Bo taa diila motolo akuo sua̒li botie tomimbihu li Isa, diila o Rohullah. Tau boito o rohu monto Musu li Almasi. Wutato malo dungohu deu̒ rohu boito mamei dungga mai, wau botia tio mawoluo todelomo dunia botie.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.