IBRANI 5:2 - KITABI HABARI MOPIOHE

² Ti Iimamu daa̒ boito lohihilao molulupuhu todelomo dadaata sua̒li, wau sababu uito tio mowali motihutu molumboyoto lohilao totau-tauwalo tadiila hitootawa lolo-loolo wau tailapalo dalalio.

IBRANI 5:2 ပူးပေါင်းရင်းမြစ်များ

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

YESAYA 29:24

Taa mohulodu mamo balaajali mongalati wau taa u laito mohilimuta masanangi aajaliyolo.”

YESAYA 30:11

Potilamingolo mota, pohamaalo dalalo wewo. Diila pomuyu olami wolo Allahu Taa̒ala mantali lo Isirai̒lu.”

LUKASI 22:32

Bo Wau̒ malodua̒ mola olemu, Simon, alihu iimanimu diila mao̒ moluluto. Wau wonu yio̒ malo hualingai ode ola-U̒, yio̒ mamusi mopoo̒ lotolao̒ mongo wutatumu.”

2 KORINTUS 11:30

Naa, wonu watia musi mopomangga u hitua-tuawua, yi watia mopomangga susuu-aliyaalo u mopobilohe olulupuhu lowatia.

2 KORINTUS 12:5

Tomimbihu tau boitolo tao̒hilaa pomangga lowatia, diila tomimbihu batanga laatia lohihilao. Tomimbihu batanga laatia, bo susuu-aliyaalo umopo bilohe olulupuhu lowatia boitolo, u otohilaa pomangga lowatia.

GALATIA 4:13

Tantu donggo oe̒ela mola limongoli wolo uloo̒ sababu tou̒ bohulio mai watia helo pohabari Habari Mopiohe boito olimongoli. Sababuulio yito kalana watia ilodungga longongoto.

EPESUS 4:18

Pikiilangi limongolio malo dio̒lomo. Timongolio diila motota lo tutumulo uilohi mai lo Allahu Taa̒ala, sababu timongolio sama-samaata diila o pongotota wolo-wolo pasali lo Allahu Taa̒ala. Timongolio odito, sababu baa̒ngiyolo.

1 TIMOTIUS 1:13

eleponu omoo̒omolu watia helo pitana wau longalinaya wau lohina o-Lio. Bo Allahu Taa̒ala lomonu mai olaatia, sababu tou̒ boito watia diipo palacaya, oditolio diila otaawa laatia wolo umusi pohutuo laatia.

IBRANI 12:13

Ponao̒olo laito todalalo upaya-payadu, alihu oa̒atumu u penggo boito diila moheeide, bo tumbao̒ mowali moluli.

IBRANI 2:17

Utie boliilio deu̒ Tio musi mowali motutuwau wolo mongo wuta-Tio todelomo totoonulalo sua̒li. Wau woleeto boito Tio mowali Iimamu Daa̒ taatatapu wau molotolo hilao wau odehu hilao. Wolo bubayaa-Lio boito dusa lomanusia lowali ilambungu.

IBRANI 2:18

Wau sababu Tio lohihilao mapee̒enta lodutolo wau yilimontala, Tio loo̒ tulungi tau-tauwalo tahe ilotuhata loimontala, sababu Tio lohihilao mapee̒enta yilimontala wau lodutolo.

IBRANI 4:15

Ti Iimamu Daa̒anto boito diila iimamu tadiila moo̒ dudua̒ molaasa mao̒ totoonulalo oluluu-puhunto. Bolii̒o mao̒, Tio maili montala todelomo totoonulalo sua̒li, tutuuwauwa debo odelo ito lohihilao; bo Tio diila helohutu dusa!

IBRANI 7:28

Butoo̒ agama lo Yahudi momuduo̒ tau udiila wimu-wimumuto tutu daa̒ iimamu molamahu. Bo lapatio mao̒ lobutoo̒ boito, Allahu Taa̒ala lohutu mai danti wolo tadia deu̒ Tio momuduo̒ odelo Iimamu Daa̒, Walao̒ tamaa pilowali Tamoo-poa̒ahua tawimu-wimumuto tutu u ohiheo-hiheolo mao̒.

IBRANI 9:7

U tumuwotao̒ ode ambahu delomio daa̒ lokema boito boti iimamu molamahu wambao̒. Tio mohutu uito bo pee̒enta ngotaunu. Uito pohutuolio lou̒ modelo duhu u podewolo ode Allahu Taa̒ala sababu batangalio lohihilao wau sababu duduu-sawaalo u pilohutu lou̒ diila mongalati lo umati-Lio.

YAKOBUS 5:19

Mongo wutatuu̒! Wonu to wolotamu woluo tahingo-ngotaawa tadiilalo modudua̒ pongaajali monto Allahu Taa̒ala tulusi ngotaalio wewo mohutu mao̒ tau boito muli mohualinga ode Allahu Taa̒ala,

1 PETRUS 2:25

Omoo̒omolu timongoli debo odelo himba uilapalo, bo botia timongoli maluli dilelo-Lio u lodudua̒ Diti wau Tamoo-laalawa nyawa limongoli.

MONGO HAKIMU 2:17

Bo timongolio diila helo mandungi tomongo tau̒wa boito. Timongolio hipo lubowa ila-ila wewo, wau diila tatapu wau molotolo hilao to Eeya. Timongolio diila heloo̒ baaya toli nenemoya limongolio tamo dungohe papaa-lentawaalo Eeya.