IBRANI 4:3 - KITABI HABARI MOPIOHE

³ Bo ito tapalacaya malo lolimo pohuhelia upilo danti mai lo Allahu Taa̒ala boito. Uito lotuu̒de lou̒ wolo upilo tahuda mai lo Allahu Taa̒ala, odie, “Wau̒ muluka wau motadia, ‘Timongolio diila tatumuwoto umoo̒ huheli pee̒-pee̒enta wola-U̒.’ ” Allahu Taa̒ala lotahuda odito eleponu kalajaa-Lio mailapato tumulalo mai Tio lopowali dunia botie.

IBRANI 4:3 ပူးပေါင်းရင်းမြစ်များ

ILOOWALI 1:31

Allahu Taa̒ala lomilohe totoonulalo hitua-tuawua umaa pilohutu-Lio boito, wau Tio sanangi daa̒. Hui lopaluta wau lowaliilo mola dimodupo. Ui-uitolo dulahee u olomolio.

JABURU 95:11

Yi Wau̒ helotadia todelomo omulukaa-U̒, timongolio diila tatumuwota ode lipu boito u moo̒tapu pohuheliyalo pee̒-pee̒enta wola-U̒.”

PILOTIMUA̒TA 20:11

To delomo wolomo hui mola, Wau̒, Eeya, helo powali mai dunia, hulungo, deheto, wau totoonulalo uwoluo todelomio, bo todulahee u opitulio Wau̒ lohuheli. Uitolo sababuulio Wau̒, Eeya lobalakati mai dulahu Saabati wau lopo tolomodu mao̒ duo̒lo batanga-U̒.

YESAYA 28:12

Eeya lopoingo mai tambati pohuheliyaalo ode limongoli ngoa̒amila, bo timongoli diila mohuto modungohe to Eeya.

YEREMIA 6:16

Eeya lotahuda mai to umati-Lio, “Tihuloolo to titiili-tangowalo dalalo, wau poo̒tuotalo tio̒otutua! Yintua mao̒ dadaa-lalaalo u muloololio mai daa̒, wau toonu u mopiohe daa̒ to wolotalio. Dudui̒lo dalalo boito, alihu timongoli tumumula duo̒duo̒oto.” Bo timongolio loloi̒ya, “Diila, amiaatia diila mohuto modudua̒ dalalo boito!”

YEHESKIEL 20:38

Tahipo malakalawa wau tahileeta mainggilo-U̒ monto huungi mongoli. Timongolio madeloo-U̒ lumualo monto lilii-puwaalo tambati biluloa̒ limngolio botia wau diila luasiya-U̒ muli mohualinga ode huta lo Isirai̒lu. Yi mao̒taawa mao̒ limongoli deu̒ Wau̒ Eeya.”

MATIUSI 13:35

Lou̒ odito lotoduwolo mola uiloi̒ya lonabi, “Wau̒ momake pohumaya wonu mobisala woli mongolio; Wau̒ mamopo habari susuu-aliyaalo u tuutuo̒ tumulalo mai dunia botie lowali!”

MATIUSI 25:34

Lapatao̒ ti Olongia boito mamo tahuda ode tau-tauwala to ambahu olowala-Lio, ‘Duloolo timongoli tabilaa-katia li Paapa-U̒. Tuwotolo mai ode delomo Yiladia u piloheetu olemu tumulalo mai tobohulo dunia.

EPESUS 1:4

Tou̒ diipo dunia botie pilowali-Lio mai, Allahu Taa̒ala malo lulaota olanto lotimbulude li Almasi wolo makusudu alihu ito mowali tolomodu miliki-Lio tadiila oa̒ibu totalu-Lio. Sababu ponu lo Allahu Taa̒ala,

IBRANI 3:11

Wau̒ lomuluka wau lotadia, ‘Timongolio diila tatumuwoto odelipu boito u moo̒ huheli pee̒-pee̒enta wola-U̒.’ ”

IBRANI 3:14

Ito ngoa̒amila yito tamani ngopo hipate woli Isa Almasi, asali ito demola pulitio modihu tio̒otutua oyoyakini u mililikinto tou̒ bohulio mai.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.

1 PETRUS 1:20

Ti Almasi tilulaoto Allahu Taa̒ala tou̒ dunia botie diipo pilowali mai. Wau to duduu-laheyaalo meidungga mai pulito lojamani botie, Tio meidungga mai ode dunia alihu timongoli poa̒ahuwolo.