IBRANI 4:2 - KITABI HABARI MOPIOHE

² Sababu Habari Mopiohe boito mapilo habari mai olanto tutuwauwa debo odelo tolimongolio. Bo toli mongolio, habari boito diila ohunalio. Sababu tou̒ timongolio lodungoheo̒, timongolio diila palacaya.

IBRANI 4:2 ပူးပေါင်းရင်းမြစ်များ

WUNGGULI LOMONGO RASULU 13:46

Tumbao̒ bo lebe buheli tei Paulus wolei Barnabas helo bisala lou̒ juujulu. Timongolio loloi̒ya, “Tahuda lo Allahu Taa̒ala memangi wajibu potunggulopo ode limongoli. Bo sababu timongoli diila mohuto mololimo uito, timongoli malolantu lohihilao deu̒ timongoli diila paatuti mololimo tutumulo utuutu wau ohiheo-hiheolo mao̒. Wau botia ami mamololaa mao̒ olimongoli wau monao̒ ode bangusa wewo.

WUNGGULI LOMONGO RASULU 3:26

Uito sababuulio Allahu Taa̒ala lolulaoto Wato-Lio, lapatao̒ lopoa̒hu mai o-Lio leimulo ode limongoli, alihu Tio mobalakati olimongoli. Dudelo-Lio u Tio mobalakati yito wolo mohutu to Mongo wutato ngoa̒amila molilihu monto pohuli lo tutumulumu u moleeto.”

ROMA 2:25

Wonu Wutato modungohe tobutoo̒ agama lo Yahudi, yi tuuna lo Wutato ohunalio olo. Bo wonu Wutato diila mowali moduduo̒ susuu-aliyaalo u pilomalenta todelomo butoo̒ boito, yi tuuna lo Wutato diila ohunalio sama-samaata.

ROMA 3:3

Bo woloolo mola wonu ngotaalio taulo Yahudi diila tatapu wau molotolo hilao? Wolo sababu uito Allahu Taa̒ala mamowali diila tatapu wau molotolo hilao?

1 KORINTUS 13:3

Eleponu ngoa̒amila u mililiki lowatia, posadakalo ode tamosikini, wau watia mohudu mao̒ batanga u pobuolio, bo watia diila motolia̒ngo tau-tauwalo wewo, yi ngoa̒amilalo boito diila ohunalio sama-samaata.

GALATIA 3:2

Nte poo̒taa mai olaatia sua̒li tuwau botie: Wolo timongoli malo lolimo Rohullah sababu loponao̒ butoo̒ lo agama, meaalo sababu timongoli lodungohe Habari Mopiohe lonto Allahu Taa̒ala wau palacaya li Almasi?

GALATIA 3:8

Kitabi maleimulo loo̒onto deu̒ Allahu Taa̒ala mopoluasi tau-tauwalo diila Yahudi muli mopiiohe wolo Allahu Taa̒ala, wonu timongolio palacaya o-Lio. Habari Mopiohe boito piloo̒taa-Lio leimulo odelei Abraham todelomo danti botie, “Motimbuludei olemu, Allahu Taa̒ala mamo balakati mai ngoa̒amila umati lomanusia todunia.”

GALATIA 4:13

Tantu donggo oe̒ela mola limongoli wolo uloo̒ sababu tou̒ bohulio mai watia helo pohabari Habari Mopiohe boito olimongoli. Sababuulio yito kalana watia ilodungga longongoto.

TINGULI 1:32

Bo eleponu watia malo loi̒ya odito, timongoli debo diipo lohuto palacaya to Eeya Allahu Taa̒ala limongoli,

1 TESALONIKA 1:5

Sababu amiaatia mopo tunggulai Habari Mopiohe tolimongoli diila wolo loi̒ya wambao̒, bo olo wolo kawasa wau wolo Rohullah. Wau amiaatia mayakini daa̒ lou̒ u obobanari lo Habari Mopiohe boito. Otaawa limongoli woloolo mola amiaatia tumutumulo ode polohuna daa̒ limongoli tou̒ amiaatia woluo tohuungi mongoli.

1 TESALONIKA 2:13

Donggo Woluo poli sua̒li tuwau uwewo ulohutu olamiaatia lolapali oduo̒lo ode Allahu Taa̒ala. Sua̒li boito yito, deu̒ tou̒ amiaatia lopo tunggulai habari lonto Allahu Taa̒ala olimongoli, timongoli lodungohe wau lololimo habari boito diila odelo habari lonto manusia, bo odelo habari u tutuulio tutu lonto Allahu Taa̒ala. Tiolo tadonggo kalakalaja todelomo batanga limongoli tapalacaya li Almasi.

1 TIMOTIUS 4:8

Latihani lobatanga bo ngoi̒di hunalio, bo latihani lorohu ohuna todelomo totoonulalo sua̒li, sababu wanto-wantohe danti ode tutumulo tomaasa botie wau maasa u mamei dungga mai.

IBRANI 11:6

Diila o iimani, diaaluo penu boli ngotaa mao̒ tamowali mopo sanangi hilaa lo Allahu Taa̒ala. Sababu tamonao̒ mai ode Allahu Taa̒ala musi palacaya deu̒ Allahu Taa̒ala woluo, wau deu̒ Allahu Taa̒ala momalasi mai totaa u hemololohe o-Lio.

IBRANI 3:12

Mongo wutato, poo̒daha-dahaalo mao̒ diila bolo woluo to wolotamu ngotaalio tahilaalio odito leetio wau diila o iimani, tilinggula tio mobale wau mohalahe monto Allahu Taa̒ala tatumu-tumulo!

IBRANI 4:6

Oditolio timongolio tabohu-bohulio lodungohe habari pasali lo Habari Mopiohe boito, diila mololimo pohuhelia boito, sababu timongolio diila palacaya. Wonu odito malo patato deu̒ woluo tau-tauwalo wewo tamohulodu mololimo pohuhelia boito.

YAKOBUS 1:21

Sababu uito, tapilalo timii̒du aadati u moleeto wau kootolo. Tolimowalo wolo dupa-dupapa lohilao tahuda uilodungo lo Allahu Taa̒ala todelomo hilaamu, sababu tahuda boito o olootolo u mopoa̒ahu olimongoli.

1 PETRUS 1:12

Tomongo nabi boito Allahu Taa̒ala lopoo̒taa deu̒ wolo u pilohutu limongolio diila bo upolohuna daa̒ olimongolio, bo ode olemu; deu̒ito-yito susuu-aliyaalo u masaatia botie u ilodungohe limongoli wolo mopatato monto tamoo-delowa Habari Mopiohe pasali li Isa Almasi. Timongolio lopo tunggulai susuu-aliyaalo boito olemu wolo kawasa lo Rohullah uilohi-Lio mai lonto sologa. Tumbao̒ penu boli mamaa-lai̒katiyalo ohilaa olo motota habari u pilohabari limongolio boito.