IBRANI 4:1 - KITABI HABARI MOPIOHE

¹ Naa, danti lo Allahu Taa̒ala donggo pohu-pohutu, wau ito mawohia-Lio pohuhelia upilo danti-Lio mai. Oditolio, mamusi ito modaha alihu diila bolo woluo penu boli ngota mao̒ towolota limongoli u meinaasao̒ diila moo̒rasa huheli upilo danti-Lio mai boito.

IBRANI 4:1 ပူးပေါင်းရင်းမြစ်များ

POHUMAYA 14:16

Taa obudi laito mopoo̒daha wau mopohalahu u moleeto, taa mohulodu mowali moingo daa̒, lapatao̒ molaasa aamani.

POHUMAYA 28:14

Pohurumatilo Eeya laito, yi yio̒ masanangi tutu. Wonu yio̒ moluwali to Eeya, yio̒ moo̒toduo topotala.

YEREMIA 32:40

Wau̒ mamohutu daantia u ohiheo-hiheolo mao̒ woli mongolio. Wau̒ diila tamohuheli mohutu u mopiohu ode limongolio. Wau̒ mamohutu mai olimongolio moohe wau mohulumati to Olau̒ wolo lealeaatu lohilao alihu timongolio diila mohalahu monto Olau̒.

YIA̒APO 14:34

Timongoli mamomanta totoonulalo akiibati lodusaamu wopato pulu lotaunu mola hiheolio; ngotaunu lekeniyolo duo̒lo ngohui monto timii̒du wopato puluhui mola upilomake limongoli u helo tulete huta boito. Timongoli mamotota mao̒ woloolo mola rasaalio wonu Wau̒ moluwali olimongoli!

MATIUSI 24:48

Bo wonu tamoomayawa boito moleeto, tio mamoloi̒ya todelomo hilaalio,

WUNGGULI LOMONGO RASULU 3:19

Masababu uito Mongo wutato, polilihulo monto duduu-sawaalo limongoli, wau pohualingolo ode Allahu Taa̒ala, alihu Tio moluluto duduu-sawaalo limongoli.

ROMA 11:20

Uito memangi otutu. Bo timongolio tilapi sababu timongolio diila palacaya. Hiambola Wutato tilolimo sababu Wutato palacaya. Oditolio Wutato diila mao̒ potimenge kalana uito; bo bolii̒o mao̒ Wutato musi molaasa mohe.

ROMA 3:23

Ngoa̒amila tau mai̒lodusa wau lolamingo lonto Allahu Taa̒ala tao̒hilaa mopoa̒ahu olimongolio.

1 KORINTUS 10:12

Taa u molantobe batangalio tihutihula motoheeto, mamusi mopoo̒daha-dahaalo mao̒; tio diila bolo modehu.

2 KORINTUS 6:1

Sababu amiaatia hemo kalaja pee̒-pee̒enta wolo Allahu Taa̒ala, yi halapuo lamiaatia lou̒ tio̒otutua diila mao̒ polemea limongoli opopiohu hilaa lo Allahu Taa̒ala boito.

GALATIA 5:4

Wonu timongoli motolopani mopiiohe wolo Allahu Taa̒ala motimbulude tobutoo̒ lo agama, uito boliilio wumbuta limongoli woli Almasi malobunto. Lou̒ odito timongoli tumutumulo to bulemengo odehu hilaa lo Allahu Taa̒ala.

2 TIMOTIUS 2:13

Wonu ito diila tatapu wau molotolo hilao, Tio debo tatapu wau molotolo hilao, sababu diila mowali Tio mobulemenga wolo batanga-Lio lohihilao.”

IBRANI 12:15

Poo̒dahai diila bolo woluo penu boli ngotaa mao̒ talumualo monto opopiohu hilaa lo Allahu Taa̒ala, alihu diaaluo tamowali debo odelo pilomulo u opedi tohuungi mongoli tilinggula mopotoodei usuukali wau mopoluusa taa dadaata wolo pedilio.

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 13:7

Diila mao̒ lipata tomongo tau̒wamu talopo tunggulai tahuli lo Allahu Taa̒ala olemu. Poo̒tuota mao̒ woloolo mola timongolio tumutumulo wau woloolo mola timongolio yilate, wau dudui̒ mao̒ iimani limongolio.

IBRANI 3:11

Wau̒ lomuluka wau lotadia, ‘Timongolio diila tatumuwoto odelipu boito u moo̒ huheli pee̒-pee̒enta wola-U̒.’ ”

IBRANI 4:11

Sababu uito, duloolo ito motolopani tio̒otutua u mololimo pohuhelia upilo danti mai lo Allahu Taa̒ala boito. Diila bolo penu boli ngotaa mao̒ monto olanto diila otilapulo debo odelo timongolio omoo̒omolu, sababu diila palacaya to Allahu Taa̒ala.

IBRANI 4:9

Oditolio, duo̒lo umati lo Allahu Taa̒ala donggo woluo danti u mohuheli debo odelo Allahu Taa̒ala lohuheli todulahe opitulio boito.

BOHULO SEMUEL 2:30

Wau̒ Eeya Allahu Taa̒ala lo Isirai̒lu, muloololio mai malodanti mai, deu̒ ngaalaa̒mu wau malagaamu mamomaya to ola-U̒ odelo iimamu u ohiheo-hiheolo mao̒. Bo botia Wau̒ diilalo mokahandaki sua̒li boito! Sababu tamo hurumati ola-U̒, mahurumatio-U̒ bo tamohina ola-U̒, mahinaa-U̒.