IBRANI 3:8 - KITABI HABARI MOPIOHE

⁸ timongoli diila mao̒ potibaa̒ngi, debo odelo loluhurumu, tou̒ timongolio lomalakala to Allahu Taa̒ala wau lotesi Allahu Taa̒ala tohuta hungayo u luasi daa̒.

IBRANI 3:8 ပူးပေါင်းရင်းမြစ်များ

OLUO MONGO OLONGIA 17:14

Bo Isirai̒lu wau Yehuda diila mohuto modungohu. Timongolio baaa̒ngiolo odelo loluuhuru limongolio tadiila palacaya to Eeya, Allahu Taa̒ala limongolio.

OLUO TAWARI 30:8

Diila mao̒ potibaaa̒ngi debo odelo timongolio, bo podungohulo to Eeya. Ponao̒lo mai ode Yerusalemu, ode bele lo Eeya u mapilo tolomodu lo Eeya Allahu Taa̒ala limongoli ode batanga-Lio u ohiheo-hiheolo mao̒. Duloolo poi̒baadatilo to Eeya alihu mooleelo mola omulukaa-Lio toli mongoli.

OLUO TAWARI 36:13

Ti Olongia Nebukadnejar malo makusa olei Jedekia u lotadia mola domi Allahu Taa̒ala deu̒ tio matatapu wau molotolo hilao to olei Nebukadnejar. Bo lapatio mao̒ tei Jedekia helo mintaa̒a tingolo to olei Nebukadnejar. Tei Jedekia baaa̒ngiolo to Eeya, Allahu Taa̒ala lo Isirai̒lu. Tio diila lohuto lololaa duduu-saalio wau diila lohuto lohualinga ode Eeya.

NEHEMIA 9:16

Bo loluuhuru lo mongowatotia soombongi wau baaa̒ngiolo; totoonulalo palenta lo Eeya diila dilungohe limongolio.

AYUBA 9:4

Allahu Taa̒ala boito aaripu daa̒ wau okawasa; tatoonu tamoo̒ taahangi moluwali to Eeya?

JABURU 106:14

Tohuta datahu wau luasi udelita timongolio iloa̒anga lo napusu, wau helo himontala to Allahu Taa̒ala.

JABURU 78:18

Timongolio sangaja lohimontala to Allahu Taa̒ala, wolo helohile wolo moo̒ohuu̒ ua̒alo u otohilaa limongolio.

JABURU 78:56

Bo timongolio helo malakala wau lotesi Allahu Taa̒ala Taa Laba-labaalo molanggato, papaa-lentawalo Eeya diila dilungohe limongolio.

JABURU 95:8

“Diila mao̒ potibaaa̒ngi debo odelo loluuhurumu to Meriba, debo odelo timongolio tou̒ to Masa, tohuta datahu wau luasi udelita.

PILOTIMUA̒TA 17:7

Tambati boito ilunteelio Masa sababu totambati boito taulo Isirai̒lu helo himontala to Eeya tou̒ timongolio helohintu, “Wolo Eeya wolanto meaalo diila?” Tambati boito olo ilunteelio Meriba sababu totambati boito taulo Isirai̒lu helo hungoto.

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

POHUMAYA 28:14

Pohurumatilo Eeya laito, yi yio̒ masanangi tutu. Wonu yio̒ moluwali to Eeya, yio̒ moo̒toduo topotala.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

YEREMIA 7:26

Bo diaaluo talo dungohe meaambo helo po̒tuoto. Timongoli tumbao̒ lowali lebe bilaaa̒ngi wau moleeto wolo loluuhuru limongoli.”

DANIALI 5:20

Bo tou̒ tio lowali sombongi, baaa̒ngiola wau parangiola, tio yilinggilio lonto tambati huhuloa̒ li olongia lo yilaidialio tilinggula tio iloolia lo odudaa̒alio.

YIA̒APO 14:11

Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

MATIUSI 13:15

Sababu pikiilangi lotau-tauwalo botie malowali lopuntuhu, bulonga limongolio malowali bungolo wau mato limongolio maloheu̒to. Utie motoduo mai alihu mato limongolio diila mao̒ moo̒onto, bulonga limongolio diila mao̒ modungohe, pikiilangi limongolio diila mao̒ mongalati wau diila mao̒ mohualingai ode ola-U̒, lapatao̒ Wau̒ mopoo̒luli mao̒ olimongolio.’ ”

WUNGGULI LOMONGO RASULU 19:9

Bo dengolo lota towolota lotau-tauwala boito baa̒ngiola wau diila mohuto palacaya. Totalu lo ngoa̒amila tahia̒mbua teto hilantia̒ limongolio pongaajali pasali lanjana lo Allahu Taa̒ala, mopoa̒ahu manusia motimbulude li Isa. Masababu uito tei Paulus lololaa mao̒ olimongolio, tulusi lonao̒ wolo tahidudua̒ li Isa ode huwali leidaa̒ lokulia lei Tiranus. Mota teto ngohui-ngohui tio helo susuu-alia wolo tau-tauwalo.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

1 KORINTUS 10:9

Ito diila mowali mohimontala to Eeya debo odelo u hepilohutu lou̒ ngotayadi mongolio muloololio mai, tilinggula timongolio yilate tilopango tulidee obisa.

TINGULI 6:16

Diila mao̒ pohimontala to Eeya Allahu Taa̒ala limongoli debo odelo u pilohutu limongoli to Masa.

BOHULO SEMUEL 6:6

Wolo hunalio timongoli motibaaa̒ngi debo odelo olongia wau taulo Masiri muloololio mai? Diila mao̒ lipata woloolo mola Allahu Taa̒ala helopoi-poitohei olimongolio, tilinguula timongolio loliliihu wau taulo Isirai̒lu boito piloluli limongolio lololaa mao̒ Masiri.