IBRANI 3:7 - KITABI HABARI MOPIOHE

⁷ Sababu uito, debo odelo tahuda lo Rohullah, “Wonu todulahe botie timongoli modungohe suala lo Allahu Taa̒ala,

IBRANI 3:7 ပူးပေါင်းရင်းမြစ်များ

OLUO LO SAMUEL 23:2

Rohullah malo tahuda lotimbuludei olau̒; tahuli wau amaanati-Lio woluo to tunggiluu̒.

JABURU 81:11

Wau̒lo Eeya Allahu Taa̒ala limongoli, tahe lodelo olimongoli yulumualai lonto Masiri. Tou̒ timongoli hipolaanga timongolio yilohiya-U̒ ua̒alo.

JABURU 81:13

Sababu uito piloluli-U̒ timongolio helo tibaaa̒ngi; huliilo mao̒ timongolio modudua̒ u otohilaa limongolio lohihilao.

POHUMAYA 27:1

Diila mao̒ pomiilu pasali lou̒ loombu, sababu diila otaawamu wolo u de mamotoduo mai.

TAMOO-HUTUBAWA 9:10

Kalajailo totoonulalo tuugasimu wolo tio̒otutua. Sababu de madiduuluo mai pikiilangi wau kalaja. Diduuluo ilimi meaambo hikimati todunia lotaa mate. Wau oditoolo mola umapo nao̒owamu.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

YESAYA 55:6

Muli pohualingolo ode Eeya ngotilonggadu donggo mowali; pongiibodulo to Eeya ngotilonggadu Eeya donggo meembidu.

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

MATIUSI 22:43

“Wonu odito,” yilintu mao̒ li Isa, “wolo sababuulio Rohullah longohi potuhata todelomo hilaa lei Dauda molanggula Olongia Tamoo-poa̒ahua boito ‘Eeya’? Sababu tei Dauda loloi̒ya,

MARKUSI 12:36

Lebe-lebe pomao̒ tei Dauda lohihilao – sababu ililihami mai lo Rohullah – loloi̒ya, ‘Eeya lotahuda ode Eeyaau̒: huloo̒olo to ambahu olowala-U̒ tunggula Wau̒ mohutu mumuu-suumu taa̒aluku to ole-Mu.’

YAHYA 10:16

Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 10:27

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 10:3

Tamoodahawa lantunga momuo̒ mao̒ huhebu to olio, wau hihii-mbawaalo mamo dudua̒ sualaalio tou̒ tio motiango timii̒du tanggulo hihii-mbawaalo boito wau modelo hihii-mbawaalo ode bulemengio.

YAHYA 5:25

Pomalacayalo: Mamei dungga wakutuulio – tumbao̒ malei dungga wakutuulio – taamate mamo dungohe suala lo Walao̒ Allahu Taa̒ala. Wau taa modungoheo̒ matumumulo.

WUNGGULI LOMONGO RASULU 1:16

“Mongo wutato! Wolo u tulatulade todelomo Kitabi, uito mamusi motoduo. Muloololio mai loli olei Dauda, Rohullah malo nubuwati mai pasali lei Yudas, tau̒wa lotau-tauwalo talo heu̒pa li Isa boito.

WUNGGULI LOMONGO RASULU 28:25

Wolo huhaama u tinggai bubulemenga timongolio lololaa mao̒ tambati boito, lapatao̒ tei Paulus loloi̒ya u odie mola botie olimongolio, “Memangi tiluhata daa̒ wolo upilo tahuda mai lo Rohullah lotimbulude toli Nabi Yesaya odeli nenemoya limongoli!

WUNGGULI LOMONGO RASULU 8:29

Rohullah lotahuda mai odelei Pilipus, “Ponao̒lo duduli mota kaleta boito.”

IBRANI 10:15

Tomimbihu sua̒li boito Rohullah longohi olo osakusii-Lio to olanto. Rohullah lotahuda,

IBRANI 3:13

Oditolio, alihu diaaluo penu boli ngotaa mao̒ to wolotamu u oimbulowa lodusa, tilinggula motehengi to Allahu Taa̒ala, mamusi timongoli monanaa-sehatia timii̒du dulahu ngotilonggadu ito donggo tumutumulo todelomo jamani u ilunte “Dulahe Botie” todelomo Kitabi.

IBRANI 3:15

Uti-utieelo u tulatulade todelomo Kitabi, “Wonu todulahe botie timongoli modungohe suala lo Allahu Taa̒ala, timongoli diila mao̒ potibaa̒ngi, debo odelo loluhurumu, tou̒ timongolio lomalakala to Allahu Taa̒ala.”

IBRANI 4:7

Sababu matilantu mai lo Allahu Taa̒ala tou̒ dulahe tuwau uwewo poli, u ilunte “Dulahe Botie”. Ota-otaunuwalio mola lapatio mao̒ Allahu Taa̒ala lotahuda mai tomimbihu sua̒li boito lotimbulude tolei Dauda, todelomo ayati u hilamalio engonti, “Wonu todulahe botie timongoli modungohe suala lo Allahu Taa̒ala, timongoli diila mao̒ potibaa̒ngi.”

IBRANI 9:8

Wolo wuu̒du boito, Rohullah mopo bilohei wolo mopatato deu̒, ngotilonggadu kema to ambahu talu boito donggo tihutihulo, dalalo tumuwoto ode delomo Huwali Leidaa̒ Laba-labaalo mantali boito diipo mohuo̒.

2 PETRUS 1:21

Sababu diila pee̒enta mao̒ tahuli monto Allahu Taa̒ala pilopo habari bo modudua̒ otohilaa lomanusia. Bo Rohullah motolo kawasa totaa umopo tunggulo tahuli monto Allahu Taa̒ala lohihilao.

WAHI 3:20

Bilohi! Wau̒ tihutihula totalu lohuhebu wau hemongokoo̒. Wonu woluo taa u modungohe sualaa-U̒, wau momuo̒ mao̒ huhebu, Wau̒ matumuwoto modunggaya wolio; Wau̒ mamo lamela pee̒-pee̒enta wolio wau tio molamela pee̒-pee̒enta wola-U̒.