IBRANI 3:6 - KITABI HABARI MOPIOHE

⁶ Boti Isa Almasi tatapu wau molotolo hilao odelo Walao̒ tatihu-tihula duo̒lo Bele lo Allahu Taa̒ala. Wau ito botieelo Bele lo Allahu Taa̒ala, wonu ito debo osumangati wau debo yakini u moo̒tapu mai wolo u hehalaa-puwonto.

IBRANI 3:6 ပူးပေါင်းရင်းမြစ်များ

JABURU 2:12

posujudulo totalu-Lio wolo humuhela, diila bolo Eeya mamo muluka mai wau timongoli pobinasaa-Lio ngoi̒ntaalo mato, sababu omulukaa-Lio wali-walihuhu wolo tumahuo̒lo mola. Potisangilo tutu taa u motiwunela to Eeya!

YEHESKIEL 46:10

Takawa-kawasa musi tumuwota ode Bele lo Eeya pee̒-pee̒enta wolo ulipu wau wuwalingio olo musi pee̒-pee̒enta.

MATIUSI 10:22

Timongoli malonuo̒ lotaa ngoa̒amila sababu timongoli muri-U̒. Bo taa u moo̒taahangi tunggula pulitio mapo aahuwolo.

MATIUSI 16:18

Sababu uito ototai mao̒, yio̒ botie tei Petrus, botu u motoheeto. Wau toitaato wumbato botu botieelo Wau̒ mamomongu mao̒ galeja-U̒, udiila mowali olaahe; penu boli lomautu!

MATIUSI 24:13

Bo tamoo̒ tahangi demola pulitio, mapo aahuwolo.

ROMA 11:22

Oditolio teea ito moo̒onto donggo boli piohio Allahu Taa̒ala wau donggo boli toheeto olo Tio. Tio lohutu lou̒ moo̒ohuu̒ olimongolio tao̒dusa, bo hilaa-Lio mopiohe ode Wutato – asali Wutato debo tumutumulo wolo opopio-Hio, wonu diila, yi Wutato olo matapilo-Lio.

ROMA 12:12

Mamusi Wutato motiwunela to Eeya wolo wengahu, posabalilo todelomo usuusa, wau poti otutuulo modua̒.

ROMA 15:13

Allahu Taa̒ala yito tambati potiwunela mola limongoli. Pohileaala dua̒ Tio mopoo̒polu mai hilaamu wolo ngoa̒amilalo wengahu wau salaamati sababu timongoli palacaya o-Lio, alihu wolo kawasa lo Rohullah timongoli lebe mao̒ motiwunela mola to Allahu Taa̒ala.

ROMA 5:2

Masababu ito palacaya li Isa, yi Tio lohutu olanto loo̒laasa hitua-tuawua todelomo hilao wau ponu lo Allahu Taa̒ala, wau wolo ponu boitolo ito botia hitumula. Sababu uito hilaanto meengahe sababu ito ohalapani deu̒ ito mamoo̒laasa sanangi tutu uwohi mai lo Allahu Taa̒ala!

1 KORINTUS 3:16

Tingga otaawa lo Wutato deu̒ timongoli yito Bele lo Allahu Taa̒ala? Wau deu̒ Rohullah bilubiluloa̒ todelomi mongoli?

1 KORINTUS 6:19

Musi otaawa mao̒ limongoli deu̒ batangamu yito tambati potibiluloa̒ lo Rohullah. Rohu boito bilubiluloa̒ todelomi mongoli. Wau Allahu Taa̒ala lohihilaolo talongohi mai Rohu boito olimongoli. Batanga lo Wutato diila haku limongoli. Uito yito haku lo Allahu Taa̒ala.

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

GALATIA 6:10

Oditolio, ngotilonggadu ito ohiyangio, mamusi ito mohutu u mopiohe ode ngoa̒amila tau, laba-labaalo mopiohu ode mongo wutatonto tangoi̒imani.

GALATIA 6:9

Sababu uito, ito diila mao̒ potolu mohutu susuu-aliyaalo u mopiohe; sababu wonu ito diila mohuheli mohutu susuu-aliyaalo boito pee̒enta mai ito mamo ngotolo tilapulio.

EPESUS 3:12

Lou̒ palacaya li Almasi wau sababu lotituwau wo-Lio ito loo̒tapu ololopato u motahude Allahu Taa̒ala wolo opopalacaya lealeaatulo mao̒.

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

1 TESALONIKA 5:16

Mamusi timongoli laito motiwengahu,

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

1 TIMOTIUS 3:15

alihu wonu wau̒ langgali mai, mai̒lo taawamu woloolo mola ito musi tumumulo, odelo ngaalaa̒ lo Allahu Taa̒ala, deu̒ito-yito jamaa̒ lo Allahu Taa̒ala tatumu-tumulo. Jamaa̒ botieelo tadebo odelo wolihi potihulo wau pobowo pongaajali u otutu monto Allahu Taa̒ala.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 10:19

Naa, Mongo wutato, wolo opopate li Isa boito ito botia buheli tumuwoto ode Huwali Leidaa̒ Laba-labaalo mantali.

IBRANI 10:21

Wau ito masaatia o ngotaalio iimamu tau̒daa̒, tatihu-tihula duo̒lo Bele lo Allahu Taa̒ala.

IBRANI 10:23

Mamusi ito motidihu tio̒otutua to halapani upilo ngakuwanto, sababu Allahu Taa̒ala mowali palacayalo wau Tio mamoe̒elai danti-Lio.

IBRANI 10:35

Masababu uito, diila mao̒ potombolu, sababu wonu timongoli debo palacaya, yi woluo wuupa udaa̒ woleeto!

IBRANI 11:1

O iimani boliilio mao̒ yakini tio̒otutua to susuu-aliyaalo uhe halapuwolo, boliilio o tantuulio to susuu-aliyaalo udiila oontonga.

IBRANI 3:14

Ito ngoa̒amila yito tamani ngopo hipate woli Isa Almasi, asali ito demola pulitio modihu tio̒otutua oyoyakini u mililikinto tou̒ bohulio mai.

IBRANI 4:11

Sababu uito, duloolo ito motolopani tio̒otutua u mololimo pohuhelia upilo danti mai lo Allahu Taa̒ala boito. Diila bolo penu boli ngotaa mao̒ monto olanto diila otilapulo debo odelo timongolio omoo̒omolu, sababu diila palacaya to Allahu Taa̒ala.

IBRANI 4:14

Uitolo sababuulio ito musi mopoo̒ toheeto modihu tou̒ pilongakua opopalaa-cayanto. Sababu ito o Iimamu Daa̒ uleidaa̒, tamaa tilumuwoto demola ode talu lo Allahu Taa̒ala – Tiolo ti Isa Walao̒ Allahu Taa̒ala.

IBRANI 4:16

Sababu uito, duloolo ito wolo lealeaatu obobuheli modudulao̒ ode Allahu Taa̒ala tahe momalenta wolo hilaa mopiohe. Allahu Taa̒ala mamomonu mai olanto wau mobalakati olanto alihu ito moo̒tapu tulungi tuhata to wakutuulio.

IBRANI 6:11

Amiaatia motohilaa daa̒ alihu timongoli ngota-ngota osumangati tulusi demola pulitio tilinggula timongoli mololimo wolo u hehala-halapuo limongoli boito.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

IBRANI 7:19

Butoo̒ agama lo Yahudi diila mowali mohutu penu boli hitua-tuawua mowali wimu-wimumuto tutu. Uito sababuulio ito botia yilohia halapani tuwau ulebe mopioheo̒; woleeto ito mowali mohimbide Allahu Taa̒ala.

1 PETRUS 1:8

Timongoli motolia̒nga o-Lio, eleponu muloololio mai timongoli diila loo̒onto o-Lio. Wau timongoli palacaya to o-Lio eleponu botia timongoli diila moo̒onto olio. Uito sababuulio timongoli motiwengahe, wau molaasa hilaa meengahe u udaa̒ wau diilalo mowali loi̒yaalo.

1 PETRUS 2:5

Timongoli debo odelo boboo-tuwaalo utumu-tumulo. Sababu uito mamusi timongoli mohuto pomakelio u momongu bele lo Allahu Taa̒ala u rohu. Lou̒ odito timongoli mowali mongo iimamu tatumu-tumulo tolomodu ode Allahu Taa̒ala, wau u motimbulude li Isa Almasi mopodewo ode Allahu Taa̒ala, bake lorohu u motuhatawa tohilaa lo Allahu Taa̒ala.

1 PETRUS 4:17

Malei dungga wakutuulio Allahu Taa̒ala momutoa̒i dunia. Wau umati lo Allahu Taa̒ala lohihilaolo tamaa butoo̒olo meimulo. Naa, wonu Allahu Taa̒ala mamolumula wolanto, de woloolo mola waliilio wolo tau-tauwalo tadiila palacaya to Habari Mopiohe monto Allahu Taa̒ala boito?

WAHI 2:18

“To malai̒kati lojamaa̒ to Tiatira, tulade mola odie: Utieelo tahuli monto Walao̒ Allahu Taa̒ala, taamato-Lio lei̒lei̒ta debo odelo tulu, wau oa̒a-Tio moputio̒ lei̒lei̒ta debo odelo tombaha tilumbila.

WAHI 2:25

Bo tunggula de tou̒ Wau̒ meidungga mai, mamusi timongoli debo modudua̒ wolo umaa mililiki limongoli.

WAHI 2:26

Timongolio tamoo̒haama, wau u demola pulitio debo hemohutu wolo u kilahandaki-U̒, mawohiya-U̒ mai kawasa u tutuuwauwa debo odelo u tilolimo-U̒ mai lonto li Paapa-U̒. Timongolio mamo lolimo kawasa monto ola-U̒ u momalenta babaa-ngusawalo wolo tunggudu wate, wau u mopo aantulu babaa-ngusawalo boito debo odelo ulongo huta.

WAHI 3:11

Wau̒ hua̒a meidungga mai! Poo̒dahai tio̒otutua wolo u mililiki limongoli, alihu diaaluo penu boli ngotaa mao̒ tamohehu palaseni u ilohaamamu.