IBRANI 3:5 - KITABI HABARI MOPIOHE

⁵ Tei Musa tatapu wau molotolo hilao odelo tamoomayawa todelomo bele lo Allahu Taa̒ala wau mo po tunggulo susuu-aliyaalo u mapoo̒taa lo Allahu Taa̒ala todulahe u mamei dungga mai.

IBRANI 3:5 ပူးပေါင်းရင်းမြစ်များ

NEHEMIA 9:14

Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

JABURU 105:26

Lapatao̒ Eeya lolao olei Musa wato-Lio wolei Haruna tatilulao-Tio.

PILOTIMUA̒TA 14:31

Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.

PILOTIMUA̒TA 40:16

Tei Musa helohutu ngoa̒amilalo debo odelo upilo malentao̒ lo Eeya.

YIA̒APO 12:7

Bo diila odito wolo wato-U̒ tei Musa. Tio-tiolo taa utatapu wau molotolo hilao towolota lo umati-U̒.

MATIUSI 24:45

Tahuda li Isa poli, “Wonu odito, tamoomayawa toonu utatapu wau molotolo hilao wau molinepo? Tio-tioolo tamaa puduo̒ lituanilio mowali tau̒wa totahi pomayawa wewo, alihu tio mongohi mao̒ ua̒alo olimongolio to wakutuulio.

MATIUSI 25:21

‘Ooo̒,’ uali tuani boito, ‘Yio̒ tamoomayawa mopiohe wau tatapu molotolo hilao. Sababu yio̒ mowali palacayalo tou̒ ngoi̒di, yi u dadaata olo debo mapo malacayau̒ mai olemu. Tuwotai wau dulo motisanangi wolau̒!’

LUKASI 12:42

Eeya lolametao̒, “Tatoonu tamoomayawa u tatapu wau molotolo hilao wau molinepo tilinggula piluduo̒ lituanilio mowali tau̒wa lo tahi pomayawa wewolio alihu tio mopotamela olimongolio to wakutuulio?

LUKASI 24:27

Lapatao̒ ti Isa lotombangao̒ olimongolio wolo u tulatuladu todelomo ngoilanggubu Kitabi tomimbihu batanga-Lio tumulalo mai monto bubuu-kuwaalo lei Musa wau bubuu-kuwaalo lomongo nabi.

LUKASI 24:44

Lapatao̒ uito Tio lotahuda mao̒ olimongolio, “Utieelo susuu-aliyaalo umaa piloo̒taa-U̒ mai olimongoli tou̒ Wau̒ donggo pee̒-pee̒enta woli mongoli; deu̒ timii̒du sua̒li u tulatuladu tomimbihu tanggulu-U̒ todelomo Bubuu-kuwaalo lei Musa, lomongo Nabi, wau Jaburu, musi motoduo mai.”

YAHYA 5:39

Timongoli mopoo̒olato kitabi sababu helantobu limongoli deu̒ wolo dudelo boito timongoli otutumulo ututuulio tutu wau ohiheo-hiheolo mao̒.

WUNGGULI LOMONGO RASULU 28:23

Yi timongolio wolei Paulus lolantu mao̒ tou̒ dulahio tuwau u modunggaya. Todulahee boito ngohuntua tau lonao̒ mai ode tambati piloti biluloa̒ lei Paulus. Tumulalo mai dimodupo tunggula lolaango tei Paulus lotombangao̒ wau helo pohabari olimongolio habari pasali lou̒ woloolo mola Allahu Taa̒ala momalenta odelo Olongia. Wolo lomake aa̒a-yatiyaala lonto Buku lei Musa wau Buku lo Mongo nabi, tei Paulus helo tolopani mohutu olimongolio palacaya pasali li Isa.

WUNGGULI LOMONGO RASULU 7:37

Tio-tiolo olo tei Musa talo loi̒ya ode bangusa lo Isirai̒lu, ‘Allahu Taa̒ala mamongohi mai olemu nabi ngota tatulaotolo to wolotamu lohihilao, tutuuwauwa debo odelo Tio lolulaota olau̒!’

ROMA 3:21

Bo botia Allahu Taa̒ala malo pobilohei dalalo woloolo mola manusia mopiiohe wo-Lio; wau dudelolio boito diaaluo aitalio wolo butoo̒ agama lo Yahudi. Bubuu-kuwaalo lei Musa wau bubuu-kuwaalo lomongo nabi tumbao̒ helo poi̒laalo mai sua̒li boito,

1 KORINTUS 4:2

Ubohu-bohulio pohileelo wolo moo̒ohuu̒ monto tamoomayawa u odito yito deu̒ tio musi tatapu wau molotolo hilao toli tuanilio.

TINGULI 3:24

Yaa Eeyaa Taa Laba-labaalo molanggato, otaawa lowatotia deu̒ upilo bilohei lo Eeya olo watotia botie boheli debo odelo huhuu-tuwaalo Eeya uleidaa̒ wau moo̒linggolabe. Diaaa̒ ila wewo tohulungo meaalo todunia tadebo odelo Eeya u moo̒ hutu susuu-aliyaalo upolu-polutuo̒.

TINGULI 34:5

Lapatao̒ mailatelo mola tei Musa wato lo Eeya tohuta lo Moab, debo odelo u tilahuda lo Eeya tou̒ dipo-dipolulio mai.

1 TIMOTIUS 1:12

Watia molapali mola oduo̒lo odeli Isa Almasi Eeyanto. Tio malongohi mai lotolo olaatia u lomaya o-Lio, wau Tio longanggapu olaatia lotuuu̒de ode tuugasi boito,

IBRANI 1:1

Tojamani muloololio mai poo̒-poo̒daata Allahu Taa̒ala helo tahuda mai odeli nene mayanto lotimbulude tomongo nabi wolo lomake dudelo u hidala-dalaala.

IBRANI 3:2

Tio tatapu wau molotolo hilao to Allahu Taa̒ala tamalo lulaoto o-Lio duo̒lo kalaja boito, debo odelo tei Musa olo omoo̒omolu tatapu wau molotolo hilao moponao̒ lo tuugasilio tobele lo Allahu Taa̒ala.

IBRANI 3:4

Memangi timii̒du bele woluo tamomongu mao̒, bo tamomongu totoonulalo u hitua-tuawua yito Allahu Taa̒ala lohihilao.

IBRANI 8:5

Kalaja u pilohutu limongolio odelo iimamu boito otutuulio mao̒ bo tala tuwaulio lobayahu wau wolilu lou̒ wolo uwoluo tosologa. Uito mapiloo̒taa lo Allahu Taa̒ala odelei Musa omoo̒omolu, tou̒ tei Musa ohilaa mopotihulo Kema lo Eeya. Allahu Taa̒ala lotahuda odie odelei Musa. “Poo̒toloma mao̒! Ngoa̒amilalo boito mamusi pohutuwomu modudua̒ gambali upilo bilohei olemu toitaato hui̒du.”

IBRANI 9:24

Sababu ti Almasi diila tilumuwoto ode Huwali Leidaa̒ Mantali huhutu lomanusia, u bo mopo bayahei Mantali u otutuulio mao̒. Ti Almasi tilimuwota mola ode sologa tutuwau; mola teto Tio masaatia lotahudeo̒ ode Allahu Taa̒ala ode polohuna daa̒ olanto.

YOSUA 1:15

Timongoli musi motulungi olimongolio tunggula timongolio motibiluloa̒ tohuta ambahu otolopa lo Dutulaa Yordan botie uilohi mai lo Allahu Taa̒ala limongoli ode limongolio. Lapatio mao̒ Eeya mongohi mai u aamani ode ngoilanggubu bangusa lo Isirai̒lu, deu̒yito timongoli mowali muli mohualinga mota ode huta limongoli lohihilao to ambahu tiimuru lo Yordan botie, uilohi lei Musa wato lo Eeya boito ode limongoli.”

YOSUA 1:2

Tahuda lo Eeya, “Wato-U̒ tei Musa mailate. Yi botia opiohelio yio̒ wau ngoilanggubu umati lo Isirai̒lu motidapa-dapato u mobalango Dutulaa Yordan, wau tumuwota mota ode lipu uwohi-U̒ mao̒ olimongolio.

YOSUA 1:7

Bo, mamusi yio̒ tio̒otutua yakini wau buheli. Yio̒ musi modaha mao̒ alihu yio̒ modungohe ngoa̒amila butoo̒ uilohi odelei Musa wato-U̒ boito olemu, wau diila mao̒ palongamu penu boli ngoi̒di mao̒, yi yio̒ maa otilapulo.

YOSUA 8:31

Mesba boito pilohutulio lotuuu̒de wolo totoonulalo potunu u todelomo Buku lei Musa, wato lo Eeya boito, ode tau tauwalo Isirai̒lu: “Mesba tuwau lonto boboo-tuwaalo udiipo pee̒enta mao̒ kilalajaalio wolo pakaa-kasiyaalo wate.” Toitaato mesba boito taulo Isirai̒lu helo podewo babaa-keyaalo wau olo bake lo polodame limongolio.

YOSUA 8:33

Tau-tauwalo Isirai̒lu, wolo mongo tau̒wa, mongo polowila, mongo hakimu, wau olo tau-tauwalo deli tahi biluloa̒wa towolota limongolio, hitihula to ambahu mohu-mohualia Bulua Daantia lo Eeya hitalua ode mongo iimamu lo Lewi tahi potaala Bulua Daantia boito. Ngotayade duluo lotau-tauwala boito hitalua ode Hui̒dee Gerijim, wau ngotayadio poli hitalua ode Hui̒dee Ebal. Tei Musa, wato lo Eeya boito, malo malentao̒ alihu timongolio moponao̒ mao̒ sua̒li boito wonu bolo meidungga wakutuulio ode limongolio mololimo balakati u pilodanti lo Eeya.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!