IBRANI 3:3 - KITABI HABARI MOPIOHE

³ Boti Isa paatuti moo̒tapu hulumati ulebe udaa̒ mao̒ wolei Musa. Sababu tamomongu bele musi moo̒tapu hulumati lebe udaa̒ mao̒ wolo bele boito wambao̒.

IBRANI 3:3 ပူးပေါင်းရင်းမြစ်များ

JAKARIA 4:9

Tahudaa-Lio, “Tei Jerubabel malo podutu mao̒ pundasi lo Belee-U̒, wau tio mamo poo̒lapato ngoa̒amila u bilongu boito. Wonu uito motoduo mai, umati-U̒ mamotota mao̒ deu̒ Wau̒ulo tamalolao mai olemu Jakaria ode limongolio.

MATIUSI 16:18

Sababu uito ototai mao̒, yio̒ botie tei Petrus, botu u motoheeto. Wau toitaato wumbato botu botieelo Wau̒ mamomongu mao̒ galeja-U̒, udiila mowali olaahe; penu boli lomautu!

1 KORINTUS 3:9

Amiaatia yito tau-tauwalo tapee̒-pee̒enta hipo kalajawa ode Allahu Taa̒ala; wau timongoli yito debo odelo halabolu lo Allahu Taa̒ala. Mongo wutato yito debo odelo hudungu lo Allahu Taa̒ala olo.

2 KORINTUS 3:7

Tou̒ daantia u modelo ode mautu boito pilohutu wau iluukili tobotu, tinelo Allahu Taa̒ala lotinela lou̒ motilango tutu tobaya lei Musa. Tine-Lio malo odito tilangio tilinggula bangusa lo Isirai̒lu diila mambo momilohe baya lei Musa, eleponu tinelo tobayalio boito mahelo tambutio̒ tou̒ boito. Naa, wonu pilohutua daantia u modelo ode mautu boito pilosaaha wolo tinelo motilango tutu u odito udaa̒lio,

KOLOSE 1:18

Tiolo tau̒wa lo batanga-Lio, deu̒ito-yito jamaa̒, sababu Tiolo pilobutua mai lo tutumulo jamaa̒ boito. Tiolo Walao̒ tamohuhula daa̒, tabohu-bohulio luli pilotumulai lonto opopate, alihu Tio lohihilao wambao̒ tamowali laba-labaalo polohuna daa̒ lou̒ totoonulalo u hitua-tuawua.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

IBRANI 3:4

Memangi timii̒du bele woluo tamomongu mao̒, bo tamomongu totoonulalo u hitua-tuawua yito Allahu Taa̒ala lohihilao.

IBRANI 3:6

Boti Isa Almasi tatapu wau molotolo hilao odelo Walao̒ tatihu-tihula duo̒lo Bele lo Allahu Taa̒ala. Wau ito botieelo Bele lo Allahu Taa̒ala, wonu ito debo osumangati wau debo yakini u moo̒tapu mai wolo u hehalaa-puwonto.