IBRANI 2:9 - KITABI HABARI MOPIOHE

⁹ Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

IBRANI 2:9 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

YESAYA 11:1

Wali mai li Olongia Dauda debo odelo batanga ayu u mailuwodu. Bo debo odelo monto tuodio mobutu tumbinga bohu, odieelo mola olo monto wali mai lei Dauda matumoodei ngotaalio li olongia.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

MATIUSI 16:28

Ototai mao̒! Towolota limongoli teewe woluo tadiila mate, tou̒ diipo moo̒onto Walao̒ Manusia meidungga mai odelo Olongia.”

MATIUSI 6:28

Yilongola timongoli molawalo pasali lou̒ pomakemu? Poo̒tuoti mota bubuu-ngawaalo baakungi u hibutua tohuta datahu wau luasi. Bubuu-ngawaalo boito diila hipo kalajawa wau diila hipo hewola;

MARKUSI 9:1

“Ototai mao̒!” tahuda li Isa, “Towolota limongoli tewe woluo tadiila mate tou̒ diipo moo̒onto Allahu Taa̒ala momalenta wolo kawasa!”

LUKASI 9:27

Ototai mao̒: towolota limongoli teewe woluo tadiila mate tou̒ tio diipo moo̒onto Allahu Taa̒ala momalenta.”

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 10:17

Ti Paapa lomonu ola-U̒ sababu Wau̒ lohudu nyawa-U̒, u muli tolimoolo poli.

YAHYA 12:32

Bo Wau̒ botie, wonu Wau̒ mapilo laii̒o toitaato dunia, mabantanga-U̒ ngoa̒amila tau ode ola-U̒.”

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

YAHYA 8:52

Lapatao̒ tau-tauwalo Yahudi boito loloi̒ya mao̒ odeli Isa, “Botia mai̒lotaawa lami deu̒ yio̒ botie otu-otutuulo mao̒ ilotuanga lolati! Tei Abraham lohihilao mailate, odito olo ngoa̒amila nabi. Bo Yio̒ malo tahuda, ‘Taa u modudua̒ tahuda-Mu, ohiheo-hiheolo mao̒ diila tamaate.’

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

ROMA 5:18

Oditolio, odelo woloolo mola totala lotaa ngota malo posababu ngoilanggubu umati lomanusia hilukuumani, odito olo huhutu lotaa ngota talo dudua̒ kahandaki lo Allahu Taa̒ala, maloo̒ sababu ngoa̒amila tau yilopato lonto totala wau yilohia-Lio tutumulo.

ROMA 5:8

Bo Allahu Taa̒ala lopoi̒laalo mai ponu-Lio olanto tou̒ ti Isa Almasi yilate ode olanto tou̒ ito donggo taa odusa.

ROMA 8:3

Wolo udiila mowali pohutuo butoo̒ lo agama, sababu ito manusia molulupuhu, uito mapilohutu mai lo Allahu Taa̒ala. Allahu Taa̒ala maloo̒-laaheo̒ kawasa lodusa todelomo pii̒li lomanusia lou̒ lolao mai Wala-I̒o lohihilao, tadungga-dungga mai todelomo owowoluwoa u tutuuwauwa wolo manusia tao̒dusa, mai loluluta dusa.

ROMA 8:32

Wala-I̒o lohihilao diila pilolee̒-Lio mai, bo tumbao̒ yiludu-Lio mai u polohuna daa̒ ode olanto ngoa̒amila; uwalita, Tio diila tamohudu mai de olanto totoonulalo hitua-tuawua uwewolio?

2 KORINTUS 5:15

Ti Almasi yilate ode taa ngoa̒amila, alihu tau-tauwalo tahitumula, diilalo tumumulo ode batangalio lohihilao, bo tumbao̒ odeli Almasi tamailate wau luli pilotumu-Lio mai domi polohuna daa̒ olimongolio.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

GALATIA 4:4

Bo tosaaa̒tilio utuhata, Allahu Taa̒ala molao mai Wala-I̒o ode dunia. Wala-I̒o boito potutulio mai lotaabua ngota wau tumumula to walungo okokawasa butoo̒ lo agama.

1 TIMOTIUS 2:6

Tio ngotaalio lomanusia tamalohudu batanga-Lio u lolopato ngoa̒amila tau lonto duduu-sawaalo limongolio. Woleeto Allahu Taa̒ala lopobilohu towakutu u tiluhata, deu̒ Tio ohilaa alihu ngoa̒amila tau poa̒ahuwolo.

IBRANI 1:9

Yio̒ mamotohilaa u aadili, wau mamolonuo̒ udiila juujulu; uitolo sababuulio Allahu Taa̒ala, Allahu Taa̒ala-Mu, molulaota ole-Mu wau mongohi ole-Mu ohulumati u moo̒toduo weengahe, mongilabota lomongo sahabati-Mu.”

IBRANI 10:5

Uitolo sababuulio tou̒ ti Almasi tilumuwotai ode delomo dunia, Tio lobisala ode Allahu Taa̒ala, “Eeya diila mokahandaki bake wau dewo; bolii̒o mao̒ Eeya malo podapato batanga de ola-U̒.

IBRANI 11:5

Sababu o iimani, yi tei Heno diila yilate, bo tumbao̒ bilintaa̒ mola wau dilelo ode Allahu Taa̒ala. Diaaluo penu boli ngotaa mao̒ taloo̒ dungga olio, sababu tio mabilintaa̒ mola ode Allahu Taa̒ala. Todelomo Kitabi tulatulade deu̒ tou̒ tei Heno bilintaa̒ mola, tio lopo sanangi hilaa lo Allahu Taa̒ala.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 2:7

Bo wolo ngoi̒nta lomato Eeya lopowali mai olio lebe dupadupapa ngopee̒ wolo malai̒kati. Eeya longohi mai olio huhuloa̒ u lailaio̒ wau hulu-hulumati,

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

IBRANI 8:3

Timii̒du iimamu daa̒ piluduo̒ u mopodewo bake meaalo dewo ode Allahu Taa̒ala. Odito olo li Imamunto Daa̒; Tio musi o hitua-tuawua u podewolo.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

WAHI 19:12

Mato-Lio debo odelo lei̒to tulu wau tolunggo-Ngio Tio pakepake makuta dadaata. To batanga-Lio tulatulade tanggulo tuwau; wau bo Tio lohihilao tamotota tanggulo boito.

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.