IBRANI 2:8 - KITABI HABARI MOPIOHE

⁸ wau lopowali olio takawa-kawasa tou̒ totoonulalo u hitua-tuawua.” Naa, wonu loi̒yalo deu̒ Allahu Taa̒ala mopowali mai manusia “takawa-kawasa tou̒ totoonulalo u hitua-tuawua”, uito boliilio diaaluo penu boli tuwau mao̒ udiila to walungo kawasa lomanusia. Eleponu odito, ito diila moo̒onto botia manusia okawasa tou̒ totoonulalo u hitua-tuawua.

IBRANI 2:8 ပူးပေါင်းရင်းမြစ်များ

JABURU 2:6

Tahudaa-Lio, “To Sion huludu-U̒ u mantali mapiludu-U̒ olongia tatilulaotu-U̒.”

JABURU 8:6

Bo piluduo̒ Eeya tio ngopee̒ motutuuwaua wolo Allahu Taa̒ala, wau milakuta lo Eeya tio wolo odudaa̒ wau ohurumati.

DANIALI 7:14

Tio yilohia ohulumati wau okokawasa odelo olongia, tilinggula tau-tauwalo monto totoonulalo bangusa, suku bangusa wau bahasa momaya olio. Okokawasaalio mamoo̒ taahangi ohiheo-hiheolo mao̒, pamalentaalio diila tapo wulidulo.

MATIUSI 28:18

Ti Isa lohimbideo̒ olimongolio wau lotahuda mao̒, “Ngoa̒amila kawasa tosologa wau todunia mailudu-Lio mai ola-U̒.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 3:35

Allahu Taa̒ala momonu Wala-I̒o, wau malohudu totoonulalo kawasa to o-Lio.

1 KORINTUS 15:27

Todelomo Kitabi tulatulade odie, “Allahu Taa̒ala malohutu mai totoonulalo u hitua-tuawua taa̒luku to o-Lio.” Malo patatai deu̒ u pilatuju lou̒ “totoonulalo u hitua-tuawua” uito diila leituwoto Allahu Taa̒ala lohihilao, tamohutu totoonulalo u hitua-tuawua boito taa̒luku toli Almasi.

IBRANI 1:13

Allahu Taa̒ala diila pee̒enta mao̒ lotahuda odie penu boli ode ngotaalio lo malai̒kati, “Huloo̒olo towimbihu olowala-U̒, dilumutu mumuusu-Mu potaa̒lukuwo-Mu de ole-Mu.”

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 2:5

Mamaa-lai̒katiyalo diila loo̒tapu kawasa lonto Allah Taa̒ala u momalenta dunia bohu umamei dungga mai, deu̒ito-yito dunia udonggo hebisalanto botie.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.

WAHI 1:18

Wau̒lo Tio tatumu-tumulo! Wau̒ mailate, bo bilohilo, Wau̒ tumutumulo u ohiheo-hiheolo mao̒. Wau̒ okawasa to opopate, wau todunia lotaamate.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,