IBRANI 2:3 - KITABI HABARI MOPIOHE

³ Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 2:3 ပူးပေါင်းရင်းမြစ်များ

YESAYA 12:2

Otutu, Allahu Taa̒ala boito Tamoo-poa̒ahua olaatia, waatia yakini to Eeya. Watia diila moohe, sababu Eeya lopoo̒o lotolai olaatia. Tamoo-poa̒ahua olaatia yito Allahu Taa̒ala, to Eeya watia mopolahu mola.

YESAYA 20:6

Tou̒ boito tau-tauwalo tahi biluloa̒awa tobiihu pentadu mamoloi̒ya, ‘Bilohilo wolo u lotoduo mai wolo bangusa tahepo ngakuwanto u moduo̒la olanto monto li olongia lo Asyur. Diila pongalo aakali ito moa̒ahu?’ ”

YESAYA 51:5

Osalaamati u wohi-U̒ mai malo himbidei; saaa̒ti lo ohohaama-U̒ ngopee̒ meidungga. Wau̒ lohihilao mamomalenta babaa-ngusawalo. Lilii-puwaalo u molamingo hemohima ola-U̒ wau hemohalapu huhutuu-U̒ u molotolo boli buheli daa̒.

YESAYA 51:8

Timongolio mabinaasa wau mopulito, debo odelo pakeyangi iliila lotitio̒. Bo osalaamati u wohi-U̒ mai debo ohiheolo mao̒, ohohaama-U̒ pohupohutu wawaalia mola.”

YESAYA 62:11

Eeya longohi mai tahuli botie ode totoonulalo tutu lodunia, “Polelea mao̒ ode tuango lipu lo Sion, ‘Bilohi, Eeya Tamoo-poa̒ahua dungga-dungga mai! Eeya tilunuhe lotau-tauwalo tamailopa-Tio.’ ”

YEHESKIEL 17:15

Bo ti olongia lo Yehuda helo malakala wau lolao utolia ode Masiri u moo̒tapu mai wadala wau suludadu u dadaata. Wolo tio mamoo̒tapu mai? Wolo tio mapoluliilio molopato? Diila pongalo aakali tio momaahe daantia lou̒ diila dehualio hukuumani!

YEHESKIEL 17:18

Sababu tio malo lambanga tadia wau daantialio, tio diila tamoo̒ polahi batanga.

MATIUSI 23:33

Timongoli hileeta wau wali mai lotaa moleeto! Woloolo mola timongoli mowali mopoa̒ahu batanga limongoli lohihilao monto hukuumani tonalaka?

MATIUSI 4:17

Tumulalo mai tou̒ boito ti Isa lolumula lopo habari, “Polilihulo monto duduu-sawaalo limongoli, sababu Allahu Taa̒ala mahua̒a momalenta odelo Olongia!”

MARKUSI 1:14

Lapatao̒ tei Yahya tilutupaalio, ti Isa malonao̒ mola ode Galilea, wau lopohabari Habari Mopiohe lonto Allahu Taa̒ala mola teto.

LUKASI 1:2

Timongolio loluladu lotuuu̒de lou̒ u sililitalio mai ode olanto lotau-tauwala taloo̒onto lohihilao popoo-lou̒tiyalo boito monto bohulio, wau lapatao̒ helo pololadu habarilio.

LUKASI 1:69

Tio longohi mai olanto tamoo-poa̒ahua tamolotolo boli buheli, wali lei Dauda, wato-Lio.

LUKASI 24:19

“Polou̒tia wolo?” yilintu mao̒ li Isa. “Pasali uilowali woli Isa, talonto Najaret boito,” tametao̒ limongolio. “Tio Nabi. Tataahe-Lio wau huhutuu-Lio okawasa daa̒ – mopio moduduo̒ huhama lo Allahu Taa̒ala meaalo moduduo̒ huhama lotaa ngoa̒amila.

YAHYA 15:27

Wau timongoli olo musi mongohi sakusi pasali ola-U̒, sababu timongoli mapee̒-pee̒enta wola-U̒ anggadu bohuliolo mai.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

ROMA 11:14

Watia hemohalapu deu̒ watia mowali mopotoodei hiihia tobangusa lowatia lohihilao, alihu woleeto watia mowali mopoa̒ahu ngotayadu monto olimongolio.

ROMA 2:3

Bo timongoli, Mongo wutato, helohutu lohihilao olo susuu-aliyaalo u pilotuludi mongoli ode tau-tauwala wewo! Wau to pikiilangi limongoli u timongoli moo̒lopato monto hukuumani lo Allahu Taa̒ala?

1 KORINTUS 1:21

Sababu penu boli woloolo mola totaalio lomanusia, tio diila mowali moo̒onuhe Allahu Taa̒ala motimbulude to pongotalio lohihilao. Bo tumbao̒ sababu Allahu Taa̒ala molinepo, yi Tio lotuhatawa lopoa̒ahu mai tau-tauwalo tapalacaya o-Lio lotimbulude tohabari upilo loladei lamiaatia u hea̒nggapuo lodunia yimbulo.

1 TESALONIKA 5:3

Wonu bolo tau moloi̒ya, “Ngoa̒amilalo aamani wau moduo̒to,” yi tou̒ boitolo debolo timongolio mao̒dungga lou̒ obobinasa, wau diaaluo penu boli ngotaa mao̒ tamoo̒lahi. Sua̒li boito debolo motoduwolo mola, debo odelo laasa mongongoto u meidungga ode taabua ngota tamamo potutu mai.

1 TIMOTIUS 1:15

Otutu banari loi̒ya botie – sababu uito paatuti tolimoolo wau palacayalo tio̒otutua –: “Ti Isa Almasi leidungga mai ode dunia botie u lopoa̒ahu taa odusa.” Wau watiaalo taa odusa wau tamoleeta daa̒.

TITUSI 2:11

Sababu Allahu Taa̒ala malo pobilohei odehu hilaa-Lio huna mopoa̒ahu ngoilanggubu umati lomanusia.

IBRANI 1:1

Tojamani muloololio mai poo̒-poo̒daata Allahu Taa̒ala helo tahuda mai odeli nene mayanto lotimbulude tomongo nabi wolo lomake dudelo u hidala-dalaala.

IBRANI 1:14

Wonu odito, otutuulio mao̒ mamaa-lai̒katiyalo boito tatoonu? Timongolio yito roroo-huwaalo tahi pomayawa to Allahu Taa̒ala, wau tai̒lahula lo Allahu Taa̒ala u momantu tau-tauwalo tamaa mololimo oa̒ahu.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 4:1

Naa, danti lo Allahu Taa̒ala donggo pohu-pohutu, wau ito mawohia-Lio pohuhelia upilo danti-Lio mai. Oditolio, mamusi ito modaha alihu diila bolo woluo penu boli ngota mao̒ towolota limongoli u meinaasao̒ diila moo̒rasa huheli upilo danti-Lio mai boito.

IBRANI 4:11

Sababu uito, duloolo ito motolopani tio̒otutua u mololimo pohuhelia upilo danti mai lo Allahu Taa̒ala boito. Diila bolo penu boli ngotaa mao̒ monto olanto diila otilapulo debo odelo timongolio omoo̒omolu, sababu diila palacaya to Allahu Taa̒ala.

IBRANI 5:9

Yi lapatio mao̒ Tio pilopowali tamoo-poa̒ahua tawimu-wimumuto tutu, Tio lowali pilobutua mai lo oa̒ahu u hiheo-hiheolo mao̒ ode ngoa̒amila tau tamo dungohe o-Lio,

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

1 YAHYA 1:1

Tuango tulade botie tomimbihu tahuda u mongohi tutumulo, deu̒ito-yito tahuda u mawoluo anggadu bohulio mai daa̒. Amiaatia maloo̒ dungoheo̒, wau maloo̒onto mao̒ uito wolo mato lamiaatia lohihilao. Amiaatia malo miloheo̒ wau malodihu mao̒ wolo uluu̒ lamiaatia.

YUDAS 1:17

Bo mongo wutatuu̒ tao̒tolia̒ngo, eelai mola mawolo u muloololio mai uiloi̒ya lomongo rasulu lo Eeyaanto Isa Almasi.

WAHI 7:10

Lapatao̒ wolo suala daa̒ timongolio helo ngiibodu, “Oa̒ahunto dudunggaalio mai lonto Allahu Taa̒ala, tahulo-huloa̒ toitaato tambati huhuloa̒ li olongia, wau lonto Walao̒ Himba boito!”