IBRANI 2:12 - KITABI HABARI MOPIOHE

¹² Ti Isa loloi̒ya ode Allahu Taa̒ala, “Wau̒ mamo pohabari tomongo wutatu-U̒ pasali lo Allahu Taa̒ala. Wau̒ mamomuji mola Allahu Taa̒ala todelomo dudunggaya limongolio.”

IBRANI 2:12 ပူးပေါင်းရင်းမြစ်များ

JABURU 111:1

Pujiaalo mola Eeya! Wolo lealeaatu lohilao watia mosukuru mola to Eeya to huungo aambua umati lo Eeya.

JABURU 22:22

Watotia diila olotolo, lopataalo mai watotia monto tunge losapi oa̒ayua wau monto tunggilo hayahayao̒ singa.

JABURU 22:25

Sababu Eeya diila momilohe hina taa hideehea, wau diila momilohe gambangi polodutolio. Eeya diila mopalingo monta tau boito, bo modungohe wonu tio mei̒ tulungi to Eeya.

JABURU 40:10

To delomo aambua umati lo Eeya hepilo loladu lowatotia habari moe̒engahe deu̒ Eeya malo poa̒ahu to mongowatotia. Wolo diila ohuheliilio sua̒li boito pilopo malalumu mola lowatotia, otaawa lo Eeya ngoa̒amila boito, yaa Eeya.

YAHYA 18:20

Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

IBRANI 12:23

Timongoli modudua̒ tuwaulio lo dudunggaya ulame daa̒ – dudunggaya lomongo walao̒ Allahu Taa̒ala tamohuhula daa̒, u tataa-nggulio leidupatali todelomo sologa. Timongoli monao̒ mai motaalua lo Allahu Taa̒ala, Hakimu lo ngoilanggubu umati lomanusia. Timongoli motaalua wolo roroo-huwaalo lotau-tauwalo tamopiohu, tamaa pilowali wimu-wimumuto tutu.