IBRANI 13:9 - KITABI HABARI MOPIOHE

⁹ Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.

IBRANI 13:9 ပူးပေါင်းရင်းမြစ်များ

JABURU 112:8

Tio diila molawalo meaalo moohe, sababu yakini musuulio mao̒laahe.

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

MATIUSI 24:4

Ti Isa lolametao̒, “Poo̒dahai mao̒, diila bolo o aakalialio timongoli.

LUKASI 5:38

Angguru u bohu musi tuwangolo ode delomo bututu u bohu olo.

WUNGGULI LOMONGO RASULU 20:30

Tumbao̒ towolota lo Mongo wutato lohihilao olo malumunetai tau-tauwalo tamamo pohabari habari udiila otutu. Timongolio mohutu u odito alihu tau-tauwala tamalo malacaya li Isa malapalolo wau modudua̒ olimongolio.

WUNGGULI LOMONGO RASULU 20:32

Botia mawuduo mai lowatia timongoli ode Allahu Taa̒ala alihu Tio tamaa molaala olimongoli wau alihu timongoli motidihu tohabari odehu hilaa lo Allahu Taa̒ala. Allahu Taa̒ala okawasa u mopoo̒ lotolai olimongoli wau mongohi olimongoli babaa-lakatiyalo umaa pilohetu-Lio ode ngoa̒amila umati-Lio.

ROMA 14:17

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah.

ROMA 14:2

Woluo taa otilihula deu̒ tio mowali molamelo penu boli wolo wambaio̒. Bo woluo taawewo tadiila boti yakini; tio molaasa deu̒ tio bo mowali molamela sasaa-yoriyaalo wambao̒.

ROMA 14:6

Taa u mopou̒daa̒ duduu-laheyaalo utantu-tantu, tau boito mohutu odito u mohulumati Eeya. Taa u molamelo tilolahepalo mao̒, mohutu odito u mohulumati Eeya, sababu tio mosukuru ode Allahu Taa̒ala to ua̒alo boito. Odito olo wolo taa bo molamelo ua̒alo utantu-tantu wambao̒; tau boito olo mohulumati Eeya wau mosukuru to Allahu Taa̒ala.

1 KORINTUS 6:13

Woluo olo talo loi̒ya deu̒ ua̒alo yito duo̒lo ombongo, wau ombongo yito duo̒lo ua̒alo. Bo duduuluwolo mapo diaaluo lo Allahu Taa̒ala. Batanga lomanusia diila mowali pomake u mopowoluo mai wumbuta u huloto, bo duo̒lo momaya to Eeya wambao̒. Wau Eeya mamolaala batanga boito.

1 KORINTUS 8:8

Otutuulio mao̒ ua̒alo lohihilao diila moo̒hutu wumbutanto wolo Allahu Taa̒ala mowali lebe mohulango daa̒. Wonu ito molamela ua̒alo boito, ito diila moo̒tapu pae̒eda wolo-wolo. Bolii̒o mao̒ wonu ito diila molamela ua̒alo boito, ito olo diila luhi wolo-wolo.

2 KORINTUS 1:21

Allahu Taa̒ala lohihilaolo talo powali mai olamiaatia wau Wutato molotolo motituwau woli Isa Almasi; Tiolo olo talo lulaota olanto tolomodu ode batanga-Lio.

GALATIA 6:1

Mongo wutato! Wonu hingota-ngotaawa odungga hemohutu dusa, mamusi timongoli tatumu-tumulo hidudua̒ to Rohullah, modelo tau boito mohualingao̒ ode dalalo u otutu. Bo timongoli mohutu uito wolo hilaa molumboyoto, wau dahai mao̒ diila bolo timongoli lohihilao olo oheingalio.

EPESUS 4:14

Yi ito diilalo mowali mongo walao̒ tahepo bale-baleangio wau heo̒ delo-delowalio odito mota odia mai lo pongaajali u hidala-dalaala lotahi o aakalia dadaata u moleeto. Timongolio hemopoo̒ lapala tau wolo yimbulo u hidala-dalaala limongolio.

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

KOLOSE 2:4

Poo̒taa mai lowatia utie alihu timongoli diila bolo o aakalia penu boli lotatoonu olo lotaa bo mopiohu totunggilo toli mongoli.

2 TESALONIKA 2:2

Diila mao̒ polamemeto molingu meaalo balisa sababu woluolio habari deu̒ malei dungga dulahio lo Eeya Isa muli meidungga mai. Tanu habari boito asaliilio mai monto tuwaulio lo nubuwati, meaalo monto tuwaulio lo pongaajali, meaalo mowaliilio woluo tamoloi̒ya deu̒ amiaatia mapee̒enta lolulade u odito todelomo tala tuwau lotulade lamiaatia.

1 TIMOTIUS 6:20

Wolo umapilo malacaya olemu, dahai mao̒ uito tio̒otutua, Timotius! Walahe mao̒ totoonulalo loi̒ya udiila ohuna wau polo hahaamawa tomimbihu susuu-aliyaalo u wolo talatala tilanggula “Pongotota”.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.

YUDAS 1:12

Tou̒ timongoli mohutu potihunggu lo totamelo, pii̒li lotau-tauwala boito moo̒lonuo̒ to wolotamu. Sababu timongolio helo lamela wolo motula lou̒ diila wolitao̒-wolitao̒, wau bo mopolohuna daa̒ batanga lohihilao. Timongolio debo odelo heengo u hiliipa lodupoto, bo diila mopo tuhutai didi. Timongolio olo debo odelo bungo lo ayu udiila momungo eleponu sembo lou̒ momungo; bubuu-ngowaalo ayu umaa bilunggato waa̒atio wau mailate sama-samaata.

YUDAS 1:3

Mongo wutato tao̒toliango! Watia tio̒otutua omakusudu moluladei tulade ode limongoli tomimbihu oa̒ahu upee̒-pee̒enta mai̒lo laasanto. Bo botia watia molaasa ilowuntula u monaseehati mai olimongoli wolo tulade botie alihu timongoli tulusi mohipate duo̒lo iimani u mapee̒enta yilohi mai lo Allahu Taa̒ala u ohiheo-hiheolo mao̒ ode umati-Lio.