IBRANI 13:4 - KITABI HABARI MOPIOHE

⁴ Ngoa̒amila tau musi mopo biloheo̒ sikapu hulumati topolo nikawa, uito sababuulio mamusi tamo tolodile tatapu wau molotolo hilao ngota timongota. Taa u huloto wau taa u mojina maa aadilio lo Allahu Taa̒ala.

IBRANI 13:4 ပူးပေါင်းရင်းမြစ်များ

ILOOWALI 2:21

Lapatao̒ Eeya Allahu Taa̒ala lohutu mai manusia leinuloto daa̒, wau tou̒ tio donggo yinu-yinuloto, Eeya Allahu Taa̒ala lomahutao̒ tala tuwau lodatala lonto batanga lo manusia boito, tulusi lolau̒beo̒ bakasiilio wolo tapu.

ILOOWALI 2:24

Uitolo sababulio talolai̒ mololaa mao̒ tiyamo wau tiilolio, wau motituwau wolo dilelio, tulusi duduulota mowali tuwau.

OLUO MONGO OLONGIA 22:14

Yi malonao̒ tei Hilkia, Ahikam, Akhbor, Sapan wolei Asaya helohile potuhata totaabua ngota tai̒lunte Hulda. Tio ngotaalio lonabi tabilu-biluloa̒ to kambungu bohu to Yerusalemu. Dilelio tai̒lunte Salum walae̒e Tikwa, wombu lei Harhas; tio tamoo-ngulusia pakeyangi lo ibaadati to Bele lo Eeya. Tou̒ ti Hulda loo̒dungohe tombangi mongolio,

AYUBA 31:12

Dusa boito mopobinasa mai debo odelo tulu lonalaka, totoonulalo u mililiiki lowatotia maahu pobuolio.

YESAYA 8:3

Deengolo wakutu mola lapatio mao̒ dile laatia ilombodaa̒. Wau tou̒ walao̒ lami pilotutu mai, Eeya lotahuda mai olaatia, “Tangguli mao̒ tio ‘Polohehu taa Moolato, Pololambato taa Molinggahu.’

IMAAMATI 15:18

Lapatao̒ mou̒ulauwa mopio talolai̒ meaalo taabua musi molihu, bo timongolio debo najisi dilumutu dulahu tumolopaa mota.

IMAAMATI 18:20

Diila mao̒ pou̒ulauwa wolo dile lotaa wewo; huhutu boito mopowali mao̒ olemu najisi.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

1 KORINTUS 6:18

Pohalaheo̒ monto totoonulalo huhutu u huloto. Sababu ngoa̒amila dusa wewo u pilohutu lotau, lotoduo to bulemengo batanga lotau boito. Bo taa mohutu u huloto, boliilio mao̒ mohutu dusa ode batangalio lohihilao.

1 KORINTUS 6:9

Wolo diila otaawa limongoli deu̒ tau-tauwalo tadiila hipodudua̒ u otohilaa lo Allahu Taa̒ala diila tamowali pongawaa̒ umati lo Allahu Taa̒ala? Diila bolo oimbuloalio! Tau-tauwalo tahi pohutua huloto, tau-tauwalo tahi poluboa balaahala, tahi pojinawa, mongolo lai hisuntalia tahi pohutua huhutu umoo̒olito ode timongota pangelio,

1 KORINTUS 7:38

Ilaalolio taa u monika mopiohe huhutuulio, wau taa u diila monika lebe mopiohe poli huhutuulio.

1 KORINTUS 9:5

Wolo watia diila ohaku modelo ngotaalio dile taabua lo Nasara pee̒-pee̒enta wolaatia tononao̒ lowatia, debo odelo u pilohutu lomongo wutati Isa Eeya wau lomongo rasulu wewolio, leiwaito tei Petrus?

2 KORINTUS 5:10

Sababu tantuulo mao̒ ito ngoa̒amila mawuduwolio ode talu lo bubutoo̒ li Almasi, wau ngota-ngota mamoo̒tapu balasiilio motuuu̒de wolo huhutuulio todunia botie – huhutu mopiohe meaalo u moleeto.

GALATIA 5:19

U otohilaa watade lomanusia oontonga todelomo huhuu-lotowaalo, kootolo, wau diila paatuti;

GALATIA 5:21

wau hilaa mongiri, hemo tihu-tihuwoo̒, hemo poti-potihunggua wau wewolio mao̒. Ode ngoa̒amilalo boito poe̒ela mai lowatia botia debo odelo u piloe̒ela laatia olimongoli omoo̒omolu olo, deu̒ tau-tauwalo tamohutu susuu-aliyaalo debo odelo uito diila tamowali pongawaa̒ umati lo Allahu Taa̒ala.

EPESUS 5:5

Poo̒tuota mao̒ tio̒otutua: taa u opii̒li huloto, meaalo diila paatuti, meaalo langgamu (pii̒li debo odelo uito tutuuwauwa wambai̒o lou̒ molubo balaahala), tau boito diila mowali pongawaa̒ umati tapilalenta li Almasi wau Allahu Taa̒ala.

TINGULI 22:22

Wonu talolai̒ ngota odungga donggo uu̒ulauwa wolo dile lotaa wewo, yi duduulotalo musi hukuu-maniyolo mate. Lou̒ odito timongoli mopodiaa̒a ololeeto boito.

1 TESALONIKA 4:6

Todelomo sua̒li debo odelo uito, diila mao̒ pohutu totala penu boli ngotaa towutatio, meaalo mohimbulo olio. Omoo̒omolu amiaatia malo poe̒elai lou̒ moo̒ohuu̒ olimongoli, deu̒ Eeya mamo hukuumani mai tahipo hutua totala debo odelo uito.

1 TIMOTIUS 3:12

Tamoo mantua jamaa̒ musi bo odile taabua ngota. Musi otaawalio mongatulu mongo walai̒o wau dileaalio lou̒ mopiohu.

1 TIMOTIUS 3:2

Ngotaalio tamoo-ngimatoa jamaa̒ mamusi taa diila oa̒aibu, bo ngota dilelio bua, motota mongotongo batanga, molinepo, wau taratibu; tio ohilaa mololimo tau to belelio, wau mowali mongaajali tau;

1 TIMOTIUS 3:4

Tio musi motota mongatulu dileaalio lou̒ mopiohe, wau mongaajali mongo walai̒o u modunghe wau mohulumati olio.

1 TIMOTIUS 4:3

Timongolio mongaajali tau u diila monika wau diila molamelo ua̒alo utantu-tantu. Lebe-lebe pomao̒ ua̒alo boito pilowali mai lo Allahu Taa̒ala u mowali tameloolo wolo polo lapali oduo̒lo o-Lio lotau-tauwalo tamalo malacaya li Almasi wau malotota pongaajali u otutu lonto Allahu Taa̒ala.

1 TIMOTIUS 5:14

Uitolo sababuulio otohilaau̒ alihu mongo janda himuudawa muli monika, umoo̒ toduo mai walao̒ wau mongulusi dileaalio, alihu totoonulalo diila ohiyango u mopobuli-buliilo tanggulunto.

TITUSI 1:6

Tau̒wa ngota lojamaa̒ mamusi ngotaalio tadiila oa̒aibu; Tio musi bo odile taabua ngota; mongo walai̒o patutilio malo malacaya li Almasi wau diila otaawa lotau laputalo wau tadiila mowali atuluwolo.

IBRANI 12:16

Poo̒dahai mao̒ alihu diila bolo woluo tatumumulo huloto meaalo diila motolongaku susuu-aliyaalo urohu, debo odelo u pilohutu lei Esau. Tio lopotali hakuulio odelo walao̒ tamohuhula daa̒, bo duo̒lo ua̒alo ngomanggo.

WAHI 22:15

Bo tau-tauwalo tahi pohutua susuu-aliyaalo u hina, tahi pomakea ii̒i-limiyaalo gaibu, wau tau-tauwalo tahi pohutua huhuu-hutuwaalo u huloto, tamoomatea mate-mateelo mao̒, tahi polubowa balaahala, wau tau-tauwalo tahi pohimbuloa, mopio wolo loi̒ya meaalo wolo huhutu, ngoa̒amila tau boito tambatilio to bulemengo kota boito.