IBRANI 12:3 - KITABI HABARI MOPIOHE

³ Nte pikiilangia mao̒ woloolo mola sikisaa-Lio li Isa lotaalua wolo tau-tauwalo tahi oduusawa tahe loluwali o-Lio lou̒ polu-polutuo̒! Sababu uito diila mao̒ pokikio̒ hilao wau motombolu.

IBRANI 12:3 ပူးပေါင်းရင်းမြစ်များ

POHUMAYA 24:10

Wonu yio̒ mooli halaapani todelomo owowoluwoa aa̒anjamu topotala, yi yio̒ taa u molulupuhu.

YESAYA 50:4

Eeya Taa laba-labaalo molanggato helo poo̒olatai olaatia mobisala, alihu loi̒ya lowatia mopoo̒ lotolo taa u molulupuhu. Timii̒du dimodupo Eeya mopotoodei sumaangati lowatia u modungohe pongaajali lo Eeya odelaatia.

MATIUSI 11:19

Botia Walao̒ Manusia, dungga-dungga mai – Tio helo lamela wau longilu; tulusi tau-tauwala hipo loi̒yawa, ‘Bilohe tau boito! Olaloa, tahe huwoa̒alo, waito lo tamootagia beya wau waito lotaa odusa.’ Penu boli odito, tinepo lo Allahu Taa̒ala obukuti monto hahaa-siliilio.”

MATIUSI 12:24

Tou̒ tau-tauwalo Parisi loo̒dungohe uito, timongolio lolametao̒, “Tau botie bo mowali mohinggi rohu moleeto, sababu Beeljebul, tau̒wa lo roroo-huwaalo moleeto boito malongohi kawasa boito o-Lio.”

MATIUSI 15:2

“Yilongola tahidudua̒ ole-Mu diila moduduo̒ uu̒du linenemoyanto? Tou̒ mamo lamelo, timongolio diila mohuwalo meimulo moduduo̒ wuu̒du!”

MATIUSI 21:23

Lapatao̒ ti Isa luli lohualinga mota ode Bele lo Eeya, tulusi tilumuwotao̒ wau helo ngaajali mota teto. Tou̒ Tio donggo hemo ngaajali, mongo iimamu tau̒wa wau mongo tau̒wa lo Yahudi malonao̒ mai ode o-Lio wau helohintu, “Pato-patoa̒a tolo Yio̒ helohutu ngoa̒amilalo boito? Tatoonu tahe longohi haku boito ole-Mu?”

MATIUSI 21:46

Oditolio timongolio lotolopani moheu̒pa o-Lio. Bo timongolio moohe totaa dadaata, sababu taa dadaata boito hemo nganggapu li Isa ngotaalio lonabi.

MATIUSI 22:15

Lapatao̒ tau-tauwalo Parisi lonao̒ lodulohupa pee̒-pee̒enta tomimbihu woloolo mola timongolio mowali mopotala li Isa wolo totoonulalo yiyintu.

LUKASI 14:1

Todulahu Saabati tuwau ti Isa lonao̒ lolamelo tobele ngotaalio lo Parisi tao̒ tanggulo. Teto tau-tauwalo helo poo̒tuoto li Isa lou̒ motombipidu.

LUKASI 15:2

Tau-tauwalo Parisi wau guguu-ruwaalo agama mahibiihe. Timongolio loloi̒ya, “Wii, tau botie lololimo tau-tauwalo tadiila mopiohu wau tumbao̒ lolamela woli mongolio!”

LUKASI 16:14

Tau-tauwalo Parisi loo̒dungohu ngoa̒amila upilo tahuda li Isa. Tulusi bo hei̒i̒ya limongolio Tio, sababu timongolio motohilaa doi.

LUKASI 2:34

Tei Simeon lobalakati olimongolio wau loloi̒ya mao̒ odeli Maria, tiilo lo Walao̒ boito, “Walao̒ botie maa tilulaotai lo Allahu Taa̒ala u mopobinasa wau mopoa̒ahu dadaata taulo Isirai̒lu. Tio mamowali tuoto monto Allahu Taa̒ala, u matehengia lotaa dadaata,

LUKASI 5:21

Guguu-ruwaalo agama wau tau-tauwalo Parisi malo loi̒ya ngota timongota, “Tatoonu tau botie buheli Mohina Allahu Taa̒ala? Tatoonu tamowali mongambungu dusa, ngopohia Allahu Taa̒ala lohihilao?”

YAHYA 10:20

Dadaata tahi poloi̒yawa, “Tio mai̒lo tuanga lolati! Tio biyongo! Pongoola timongoli modungohe o-Lio?”

YAHYA 18:22

Tou̒ ti Isa lotahuda mao̒ odito, tala ngota lo tamoo-kawalia teto, lolambali o-Lio wau loloi̒ya, “Buheli daa̒ Yio̒ mobisala debo odelo uito odeli iimamu daa̒!”

YAHYA 5:16

Wau sababu uito timongolio mahipo tolopania mopoo̒suusa li Isa, sababu Tio lopoo̒luli tau todulahu Saabati.

YAHYA 7:12

Dadaata tau mahipo loloohuma tomimbihu o-Lio. Woluo talo loi̒ya, “Tio taa mopiohu.” Waluo poli talo loi̒ya, “Diila! Tio hemo polapalo totaa dadaata.”

YAHYA 8:13

“Botia Yio̒ longohi sakusi pasali lo batanga-Mu lohihilao,” ualo tau-tauwalo Parisi boito to o-Lio, “Sakusi-Mu boito diila otutu.”

YAHYA 8:52

Lapatao̒ tau-tauwalo Yahudi boito loloi̒ya mao̒ odeli Isa, “Botia mai̒lotaawa lami deu̒ yio̒ botie otu-otutuulo mao̒ ilotuanga lolati! Tei Abraham lohihilao mailate, odito olo ngoa̒amila nabi. Bo Yio̒ malo tahuda, ‘Taa u modudua̒ tahuda-Mu, ohiheo-hiheolo mao̒ diila tamaate.’

YAHYA 8:59

Lapatao̒ tau-tauwalo Yahudi boito lohama botu u pomai̒lio o-Lio; boti Isa loluuo̒ batanga-Lio, tulusi lonao̒ lololaa mao̒ Bele lo Eeya.

YAHYA 9:40

Dengolo lota taulo Parisi tawoluo teto loo̒dungohe li Isa lotahuda odito, tulusi timongolio lohintu o-Lio, “Makusudu-Mu ami botie pitoo̒ olo?”

1 KORINTUS 15:58

Masababu uito, Mongo wutato taa otolia̒nguu̒, mamusi timongoli molotolo wau diila moe̒tu. Pokalajalo tulusi ode Eeya lou̒ otu-otutuulo mao̒, sababu otaawa limongoli deu̒ ngoa̒amila u kalajaa limongoli ode Eeya, ohunalio.

2 KORINTUS 4:1

Amiaatia helo ponao̒ kalaja botie sababu omuura hilaa lo Allahu Taa̒ala. Uito sababuulio amiaatia diila yooli halapani.

2 KORINTUS 4:16

Uitolo sababuulio amiaatia diila lotombodu. Eleponu amiaatia debo odelo sipati lobatanga he oduhenga mola lusaalio, bo debo odelo sipati lorohu amiaatia pilowali mai bohu timii̒du dulahu.

GALATIA 6:9

Sababu uito, ito diila mao̒ potolu mohutu susuu-aliyaalo u mopiohe; sababu wonu ito diila mohuheli mohutu susuu-aliyaalo boito pee̒enta mai ito mamo ngotolo tilapulio.

TINGULI 20:3

‘Mongo wutato, dungohi mai! Todulahee botie timongoli momaju u mopaatea. Diila mao̒ oohe meaalo okikiio̒ lohilao meaalo molingu.

2 TESALONIKA 3:13

Bo timongoli diila mao̒ potolu mohutu u mopiohe.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 12:5

Wau diila mao̒ lipata naseehati lo Allahu Taa̒ala botie, uilohi-Lio mai olemu odelo mongo wala-I̒o: “Walau̒-U̒, poo̒tuota mao̒ tio̒otutua pongaajali lo Eeya, wau diila pokikiio̒ hilao wonu Tio momuluka mai olemu.

IBRANI 3:1

Mongo wutato timongota lo Nasara tamaa tiliango olo lo Allahu Taa̒ala! Nte pikiilangia mola tio̒otutua tomimbihu li Isa botie! Allahu Taa̒ala lolao mai o-Lio tolomodu u mowali Iimamu Daa̒ todelomo agama u hedudua̒nto.

1 PETRUS 2:23

Tou̒ Tio hepilu-piluwayolio, Tio diila lomalasi wolo puwayo. Tou̒ Tio dutodutolo, Tio diila helo nganjamu; Tio bo lohudu mola palakala-Lio ode Allahu Taa̒ala, Hakimu taa̒adili boito.

WAHI 2:3

Timongoli sabali wau timongoli helo dutolo sababu Wau̒, wau timongoli diila lopulito halapani.

BOHULO SEMUEL 12:24

Pasisia mao̒ Eeya wau potiwatolo to Olio wolo tatapu wau molotolo hilao wau wolo lealeaatu lo hilaamu. Eelailo mola ngoa̒amila huhutu daa̒ u mapilohutu-Lio mai olimongoli.