IBRANI 11:9 - KITABI HABARI MOPIOHE

⁹ Lou̒ o iimani, tei Abraham lotibiluloa̒ odelo tau deli tolipu upilo danti lo Allahu Taa̒ala olio boito. Tei Abraham lotibiluloa̒ mota teto todelomo kema. Odito olo tei Isihaka wolei Yako, talo lolimo danti u tutuuwauwa lonto Allahu Taa̒ala.

IBRANI 11:9 ပူးပေါင်းရင်းမြစ်များ

ILOOWALI 12:8

Lapatao̒ uito tio lopotolonga mola lo nonao̒lio ode huliaalio, ode madala o huludu to ambahu tiimuru kota Betel, wau lotitikema to wolota lo Betel wau kota Ai: Betel to ambahu otolopa wau Ai to ambahu tiimuru. Mola teto olo tio lopotihula mesba wau helolubo to Eeya.

ILOOWALI 13:18

Lapatao̒ uito tei Abram lopolimbata mota kemalio tulusi lotitatapu totili bubuu-ngowaalo ayu aulia tambati potabiyalo to Mamre membideo̒ lo Hebron, wau mota teto tio lopotihula mesba duo̒lo Eeya.

ILOOWALI 13:3

Yi malonao̒ tio lonto tambati tuwau ode tambati uwewo, lotidulunga ode Betel. Tio malei dungga ode madala towolota lo Betel wau Ai, totambati aulia tou̒toonu tio muloloolio mai lotikemawa,

ILOOWALI 17:8

Wau̒ mamongohi olemu wau ode waliimu mai, huta botie, u botia bilu-biluloa̒ olemu odelo tau deli. Ngoa̒amila huta lo Kanaa̒n mamowali haku lo walao̒ wau wombumu ohiheo-hiheolo mao̒ wau Wau̒ mamowali Allahu Taa̒ala limongolio.”

ILOOWALI 18:6

Ali-alihu tei Abraham tilumuwoto ode delomo kema wau loloi̒ya mao̒ odeli Sara, “Aliheo̒olo, hamawa mai labu ngokado u mopiohe daa̒, wau pohutua mao̒ loti u hihuluula.”

ILOOWALI 18:9

Lapatao̒ timongolio malohintu mao̒, “Tou̒toonu ti Sara dilemu?” “Mola teto, todelomo kema,” tametao̒ lei Abraham.

ILOOWALI 21:34

Lapatao̒ uito tei Abraham lotibiluloa̒ lohiheo ngopee̒ tolipu lotau Pilistin.

ILOOWALI 23:4

“Watia botie tau deli tabilu-bilolaa̒ tohuungo lomongo wutato; luasia mai watia motali huta ngopita alihu watia mowali molobungao̒ dile lowatia.”

ILOOWALI 25:27

Walao̒ duulota boito he oduhenga mola udaa̒lio. Tei Esau lowali tamoo-ngalupawa u motoloo̒ wau yinao motibiluloa̒ tohuta datahu wau luasi daa̒, bo tei Yako owatade duo̒-duo̒oto wau yinao motibiluloa̒ to bele.

ILOOWALI 28:4

Hinta Allahu Taa̒ala mobalakati olemu wau walimu mai odelo woloolo mola mabilalakatilio tei Abraham, wau hinta yio̒ motolo miliki huta upiloti biluloa̒mu botie, u mailohi mao̒ lo Allahu Taa̒ala odelei Abraham!”

ILOOWALI 31:25

Tou̒ boito tei Yako malo potihulao̒ kemalio tohuludu tuwau. Lapatao̒ to huludio tuwau uwewo tomadala boito olo tei Laban wolo tau-tauli helo potihulo kemalio.

ILOOWALI 35:27

Lapatao̒ malei dungga mola tei Yako odelei Isihaka tiyamolio, totambati biluloa̒lio to Mamre membideo̒ lo Hebron. (Muloololio mai tei Abraham tiyombulio, bilu-biluloa̒ mola teto olo.)

ILOOWALI 36:7

Tei Esau lobua̒ala wolei Yako sababu halata limongolio mailaba daatalio tilinggula timongolio diila mowali tumumula pee̒-pee̒enta. Donggo poli tolipu upilo tibiluloa̒ limongoli boito diila moo̒tuheto ua̒alo duo̒lo bibiahu limongolio u mailaba daatalio boito.

ILOOWALI 47:9

Tametao̒ lei Yako, “Watotia matilu-mumulo ngohetuto tolo pulu lotaunu odelo taa lonao̒ deu̒ toonulalo mao̒ lou̒ diila opatuju. Tutumulo lowatotia boito polupolu lou̒ suukali wau limbu-limbu wonu pobandingio mola wolo umulu loluuhuru lowatotia odelo taa lonao̒ deu̒ toonulalo mao̒ lou̒ diila opatuju.”

JABURU 105:12

Muloololio mai umati lo Allahu Taa̒ala hitumula odelo tau deli mola teto jumulaa limongolio bo ngoi̒di wambao̒.

YEREMIA 35:7

Amiaatia diila mowali motolo kelekela pilomulo, wau olo diila mowali momuo̒ meaambo motolo miliki ilengi lo angguru. Ngotupa lo tutumulo, amiaatia olo diila mowali momongu bele. Amiaatia musi motitomele todelomo kema, alihu mowali motitatapu tohuta botie odelo tau deli.

IBRANI 6:17

Allahu Taa̒ala ohilaa mopo pintalai ode tau-tauwalo tahi pololimoa danti-Lio, deu̒ Tio diila tamo lomelo lanjana-Lio. Uitolo sababuulio Tio loduhengao̒ tadia todanti-Lio boito.