IBRANI 11:3 - KITABI HABARI MOPIOHE

³ Sababu o iimani, yi ito mongalati deu̒ aalamu botie pilowali wolo tahuda Allahu Taa̒ala; oditolio, wolo u mowali oontonga, yilowali mai monto wolo udiila mowali oontonga.

IBRANI 11:3 ပူးပေါင်းရင်းမြစ်များ

ILOOWALI 1:1

Tou̒ bohulio, wakutu Allahu Taa̒ala lolumulo lopowali mai ngoilanggubu aalamu,

JABURU 33:6

Eeya longohi palenta, yi hulungo yilowalilo mola; mato lo dulahu, hulalo wau poliyama pilopowali wolo tahudaa-Lio.

JABURU 33:9

Sababu Eeya lotahuda, tulusi ngoa̒amilalo yilowali; Eeya longohi palenta, yi ngoa̒amilalo yiloluo.

YESAYA 40:26

Pomilohulo mola ode hulungo, wau poo̒tuotalo! Tatoonu talopowali popoo-liyamaalo? Eeya talo ngaatulu olimongolio debo odelo pasuukani, Otaawa lo Eeya jumulaa limongolio ngoa̒amila, wau motianga ngota-ngota wolo tanggulio. Diaaluo penu boli tuwau mao̒ u yilooli, sababu udaa̒alio kawasa lo Eeya!

YEREMIA 10:11

Timongoli, wuu umati, musi mopoo̒taa mao̒ olimongolio deu̒ dedeewaalo u diila lopowali hulungo wau dunia boito mopobinasaalo. Timongolio mamooli monto dunia.)

YEREMIA 10:16

Allahu Taa̒ala lei Yako diila debo odelo babaa-laahalaalo boito; Eeya talopowali mai totoonulalo u hitua-tuawua. Tanggu-Lio yito Eeya Taa Laba-labaalo kawasa; Eeya malo lulaotai Isirai̒lu lowali umati-Lio.

YAHYA 1:3

Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio.

WUNGGULI LOMONGO RASULU 14:15

“Wuu, yilongola timongoli helohutu utie? Ami botie manusia olo debo odelo Wutato! Ami meeteea mai mopohabari Habari Mopiohe ode limongoli alihu timongoli mololaa mao̒ susuu-aliyaalo udiila ohuna botie wau monao̒ mai ode Allahu Taa̒ala tatumu-tumulo, talo powali hulungo wau dunia wau deheto boli ngoa̒amila uwoluo todelomio.

WUNGGULI LOMONGO RASULU 17:24

Allahu Taa̒ala tamalo powali mai dunia botie wolo totoonulalo tuangio, Tiolo Eeya lohulungo wau dunia. Tio diila bilu-biluloa̒ todelomo bebee-leyaalo lobui̒ u pilohutu lomanusia.

ROMA 4:17

Sababu Allahu Taa̒ala lotahuda odie odelei Abraham, “Wau̒ malo powali olemu tiyamo ode dadaata bangusa.” Odieelo mola Allahu Taa̒ala longohi mai danti boito odelei Abraham, wau tei Abraham palacaya to o-Lio. Tiolo Allahu Taa̒ala tamopo tumulai taa mate; Tiolo olo Allahu Taa̒ala u wolo tahuda-Lio wambao̒ helohutu mai wolo udipo pee̒enta woluo lowali woluo.

1 KORINTUS 2:7

Tinepo u tiloo̒owoli lowatia boito yito tinepo lonto Allahu Taa̒ala. Tinepo boito diila otaawa lodunia, bo Allahu Taaala mapilo dapatio ode osananginto tutu tou̒ dunia botie diipo pilowali-Lio mai.

1 TIMOTIUS 4:5

Sababu balakati monto Allahu Taa̒ala wau dua̒ mohutu ua̒alo boito mowali halale.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 6:5

Otaawa limongolio lonto pongalamani limongolio deu̒ tahuda lo Allahu Taa̒ala boito mopiohe, wau timongolio maloo̒laasa popoo-nuwaalo upolupolu kawasa lonto jamani umamei dungga mai.

2 PETRUS 3:5

Timongolio sangaja diila mohuto momasisi deu̒ muloololio mai daa̒ Allahu Taa̒ala lopowali mai hulungo wau dunia lo pilimani-Lio. Dunia pilowali-Lio mai monto taluhu, wau wolo taluhu;

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”