IBRANI 10:4 - KITABI HABARI MOPIOHE

⁴ Sababu memangi duhu losapi wau duhu lobatade ulai̒ diila mowali moluluta dusa.

IBRANI 10:4 ပူးပေါင်းရင်းမြစ်များ

JABURU 51:16

Lopataalo mai watotia monto mautu, yaa Allahu Taa̒ala tamoo-poa̒ahua olo watotia, yi wolo weengahu mapololadu lowatotia ua̒adili lo Eeya.

YESAYA 66:3

Bo bangusa boito hipohutua totoonulalo otohilaa limongolio; timongolio sanangi motabia wolo dudelo u moo̒lonuo̒. To limongolio diila o hiheedelio: mopobake sapi ulai̒ wau mopobake manusia, mopobake walao̒ himba wau momoli buloo̒ lo apula; mopodewo pale wau mopobake duhu loboi, momobu alama wau molubo bui̒.

YEREMIA 6:20

Pongoola alama u dilelo mai limongolio lonto Syeba ode Olau̒, meaambo ramba-ramba lonto lipu u molamingo? Diila ihilasi Wau̒ dewo limongolio. Wau̒ diila mohuto to babaa-keyaalo yilalango limongolio.

HOSEA 14:2

Muli pohualingolo ode Eeya Allahu Taa̒alaamu, wuu bangusa lo Isirai̒lu! Dusamu maa loo̒sababu olimongoli leihuluto wau lodehu.

HOSEA 6:6

Wau̒ lebe motohilaa deu̒ timongoli motota ola-U̒ wau laito motolia̒nga ola-U̒, lou̒ timongoli momobu wau mopodewo bake ode Olau̒.

MARKUSI 12:33

Wau manusia musi motolia̒ngo to Allahu Taa̒ala wolo lealeaatu lohilaalio, wau wolo lealeaatu lo aakalilio, wau wolo totoonulalo lotolio. Wau tio olo musi motolia̒ngo timongotalio debo odelo batangalio lohihilao. Uito lebe mopiohe wolo mopodewo bake yilalango wau babaa-keyaalo wewolio ode Allahu Taa̒ala.”

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

ROMA 11:27

Wau̒ mamo ngawade daantia botie woli mongolio tou̒ Wau̒ mongambungu duduu-sawaalo limongolio.”

IBRANI 10:1

Butoo̒ agama lo Yahudi bo mopo bayahei udiila mopatato pasali lo susuu-aliyaalo umopiohe u mamei dungga mai, wau diila bayahu u otutuulio mao̒ lo susuu-aliyaalo boito. Diila pongalo aakali butoo̒ boito mowali mopo wimumuto tutu taa u monao̒ mai molubo Allahu Taa̒ala lou̒ modelo podewo, eleponu timii̒du taunu tulusi hepilodewo babaa-keyaalo u tutuuwauwa.

IBRANI 10:11

Timii̒du iimamu lo Yahudi moponao̒ tuugasilio odelo iimamu timii̒du dulahu, wau wuwuulia tio hemo podewo babaa-keyaalo u tutuuwauwa. Bo babaa-keyaalo boito sama-samaata diila mowali moluluta dusa.

IBRANI 10:8

Bohu-bohulio ti Almasi loloi̒ya, “Allahu Taa̒ala diila mokahandaki bake wau dewo; Allahu Taa̒ala diila motuhatawa wolo bake lo binatangi upilobu odelo dewo wau to bake u pongambungualo dusa.” Ti Almasi loloi̒ya odito, eleponu babaa-keyaalo boito pilodewo lodudua̒ butoo̒ agama lo Yahudi.

IBRANI 9:9

Utie mopobayahei jamani botia; boliilio mao̒ deu̒ dedee-wowaalo wau babaa-keyaalo bake lo binatangi u podewolo ode Allahu Taa̒ala, diila mowali mopo wimumuto tutu hilaa u maloo̒tapu tinelo Eeya lotaa u hemodelo dewo.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.