IBRANI 1:9 - KITABI HABARI MOPIOHE

⁹ Yio̒ mamotohilaa u aadili, wau mamolonuo̒ udiila juujulu; uitolo sababuulio Allahu Taa̒ala, Allahu Taa̒ala-Mu, molulaota ole-Mu wau mongohi ole-Mu ohulumati u moo̒toduo weengahe, mongilabota lomongo sahabati-Mu.”

IBRANI 1:9 ပူးပေါင်းရင်းမြစ်များ

JABURU 11:5

Eeya hemotesi taa mopiohe wau taa moleeto, Eeya molonua̒a to taa udiila omanusia.

JABURU 119:104

Bubuu-too̒waalo Eeya longohi mai huhama olaatia, tilinggula watia molonua̒ pii̒li udiila juujulu.

JABURU 119:128

Sababu uito watotia tumutumulo motuuu̒de wolo ngoa̒amila potuhata lo Eeya; pii̒li udiila juujulu yilonuo̒ lowatia.

JABURU 2:2

Mongo olongia lo dunia lobongu pee̒entalo mao̒ wau tahi kawaasawa heloheeluma moluwali to Eeya wau olongia tatilulao-Tio.

JABURU 2:6

Tahudaa-Lio, “To Sion huludu-U̒ u mantali mapiludu-U̒ olongia tatilulaotu-U̒.”

JABURU 23:5

Eeya lopodapato potihunggu ode olau̒ totalu lolaawaniu̒. Eeya lolutulo olau̒ odelo tamu huru-hurumati. Eeya lohinta olau̒ minuumani mopiohu ulaba-labaalo daata.

JABURU 33:5

Eeya momonu u juujulu wau ua̒adili; ngoilanggubu dunia polupolu wolo ponu lo Eeya.

JABURU 37:28

Sababu Eeya momonu to huhutu u mopiohu wau aadili, taa utatapu wolo molotolo hilao to Eeya diila poluli lo Eeya iloloihia. Eeya moduo̒lai olimongolio tunggula ohiheo-hiheolo mao̒, bo waliilio mai lotaa moleeto mapoo̒ pulitolo.

JABURU 40:8

Lapatao̒ watotia loloi̒ya, “Uti-utieelo watotia, todelomo lilibu buku leituladei duo̒lo watotia.

JABURU 45:6

Panamu u molalito molaapata toputu lo musuumu, babaa-ngusawalo modehu totalu lo oa̒atumu.

JABURU 45:7

Allahu Taa̒ala mongohi mai kawasa olemu u momalenta, kawasaamu moo̒ taahangi u ohiheo-hiheolo mao̒; wolo aadili yio̒ momalenta ulipumu.

JABURU 89:20

Muloololio mai daa̒ todelomo bibilohe tuwau, Eeya lotahuda mai ode wato lo Eeya utatapu wau molotolo hilao, “Wau̒ malo tulungi ngotaalio lo pahalaawani, ngotaalio lo tatilulaotu-U̒ lonto ulipu mapilo laiu̒u-U̒.

JABURU 89:26

Yilaidialio mapoluasiyo-U̒ mola, monto Lau Tenga demola Dutulaa Eperat.

POHUMAYA 8:13

Mohurumati to Eeya boliilio molonuo̒ u moleeto; wau̒ diila motohilaa osombongi wau obatingga. Wau̒ molonua̒ to pii̒li u moleeto wau tataa-heyaalo udiila juujulu.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

YESAYA 61:3

u mopowengahu wau moposanangi totaa u siluukali lohilao wau limilimi; mai molomela osuukali lohilao limongolio mowali lahu poloi̒laalo momuji. Timongolio madebo odelo bungo lo ayu u pilomulo lo Eeya lohihilao. Timongolio mamohutu u mopiohu wau otutu, tilinggula Eeya pou̒daa̒alo.

YESAYA 61:8

Eeya lotahuda mai, “Wau̒ momonu ua̒adili wau molonuo̒ polodeehe boli ololeeto. Wau̒ mamongohi mai wuupamu wolo tatapu wau molotolo hilao, wau molihuta danti ohiheo-hiheolo mao̒ woli mongoli.

AMOS 5:15

Lonui̒ilo u moleeto wau tolia̒ngiilo u mopiohe, wau potihulaalo u aadili. Otanu Eeya modehu hilao totau-totauwalo tahe ilolabita monto bangusa lo Isirai̒lu.

JAKARIA 8:17

Diila mao̒ pomatuju u moleeto ode timongotamu. Diila mao̒ polapali tadia paaluti. Wau̒ molonua̒ to wimbulo wau udiila aadili boli diila omanusia.”

LUKASI 4:18

“Rohu lo Eeya woluo to ola-U̒, sababu Tio malo muduo̒ ola-U̒ mopohabari Habari Mopiohe ode taa mosikini. Tio lalao mai ola-U̒ mopo malalumu polobebasi totaa leitawalo wau mopoo̒luli totaa pitoo̒: u mopobebasi taa hideehe

YAHYA 1:41

Lolamemetao̒ tei Andreas lololohe olei Simon, wutatio, wau loloi̒ya olio, “Ami malo dunggaya woli Mesiasi!” (Mesiasi tutuuwauwa woli Almasi, deu̒ito-yito: Olongia Tamoo-poa̒ahua).

YAHYA 10:17

Ti Paapa lomonu ola-U̒ sababu Wau̒ lohudu nyawa-U̒, u muli tolimoolo poli.

YAHYA 20:17

“Diila mao̒ dihima Wau̒,” tahuda li Isa olio, “Sababu Wau̒ diipo lobotula mola odeli Paapa. Bo ponao̒lo mota ode mongo wutatu-U̒, wau polelea mao̒ olimongolio deu̒ botia Wau̒ mamo botula mola odeli Paapa-U̒ wau odeli Paapamu, Allahu Taa̒ala-U̒ wau Allahu Taa̒alamu.”

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 4:26

Mongo olongia lodunia dapadapato u mopaatea, wau mongo tau̒wa motituwau moluwali to Eeya wau Olongia Tamoo-poa̒ahua.’

WUNGGULI LOMONGO RASULU 4:27

Sababu memangi tei Herodes wau tei Pontius Pilatus malohutu dudunggaya wolo tau-tauwalo tadiila moo̒onuhe to Eeya wolo tau-tauwalo Isirai̒lu tokota botie. Timongolio lodunggaya u moluwali li Isa Wato lo Eeya tamantali boito, tamaa piluduo̒ lo Eeya lowali Olongia Tamoo-poa̒ahua.

ROMA 12:9

Potolia̒ngao̒ wolo ihilasi. Lonui̒ mao̒ u moleeto, wau potidihulo tou̒ wolo u mopiohe.

ROMA 15:13

Allahu Taa̒ala yito tambati potiwunela mola limongoli. Pohileaala dua̒ Tio mopoo̒polu mai hilaamu wolo ngoa̒amilalo wengahu wau salaamati sababu timongoli palacaya o-Lio, alihu wolo kawasa lo Rohullah timongoli lebe mao̒ motiwunela mola to Allahu Taa̒ala.

1 KORINTUS 1:9

Allahu Taa̒ala mowali palacayalo lou̒ leleaatulo mao̒. Tiolo Allahu Taa̒ala tamalo tianga olimongoli u lowali tuwau wolo Wala-I̒o, deu̒ito-yito ti Isa Almasi, Eeyanto.

2 KORINTUS 11:31

Allahu Taa̒ala, ti Paapa li Isa Eeya motota deu̒ watia diila mohimbulo. Ilopujiaalo mola tanggu-Lio ohiheo-hiheolo mao̒.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

EPESUS 1:3

Ilopujialo mola Allahu Taa̒ala, ti Paapa Eeyanto Isa Almasi! Tio labalakati mai olanto wolo totoonulalo balakati rohu todelomo sologa, sababu ito lotituwau woli Almasi.

PILIPI 2:9

Sababu uitolo Allahu Taa̒ala lomudua̒ o-Lio lolai-laio̒olo mao̒, wau longohi o-Lio okokawasa ulebe udaa̒ mao̒ wolo ngoa̒amila okokawasa uwewo.

IBRANI 2:11

Ti Isa lopo belesi manusia lonto duduu-sawaalo limongolio; wau Tio talo pobelesi, wau timongolio tapilo belesi boito pee̒-pee̒enta o Allahu Taa̒ala tuwa-tuwaulo. Uitolo sababuulio ti Isa diila loolito longaku olimongolio boito odelo mongo wuta-Tio.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

WAHI 2:15

Odito olo woluo towolota limongoli tahe lotidihu to pongaajali lo tahidudua̒ olei Nikolaus.