IBRANI 1:8 - KITABI HABARI MOPIOHE

⁸ Bo to Walao̒ boito, Allahu Taa̒ala lotahuda mao̒, “Bele biluloa̒a-Mu, oo Allahu Taa̒ala, mabakaa ohiheo-hiheolo mao̒! Pamalenta-Mu yito pamalenta u aadili.

IBRANI 1:8 ပူးပေါင်းရင်းမြစ်များ

OLUO LO SAMUEL 23:3

Allahu Taa̒ala lei Yako malo tahuda mai; ode olau̒ tamoo-duo̒laawa Isirai̒lu lotahuda mai odie: “Olongia tamomalenta ulipu wolo aadili tamo titau̒wa wolo ototaaa̒ti ode Eeya,

JABURU 145:13

Pamalenta lo Eeya debo ngohilayaa̒ lomaasa, okokawasa lo Eeya moo̒taahangi wawaalia mola. Eeya tatapu wau molotolo hilao to ngoa̒amila danti lo Eeya, Eeya lealeaatu loponu todelomo totoonulalo huhutu lo Eeya.

JABURU 72:7

Pohileaala dua̒ ua̒adila molaio̒ ngotilonggadu jamaniilio, wau omaa̒muru lepalepato ngotilonggadu hulalo woluo.

JABURU 99:4

Okokawasa duo̒lo Eeya, Olongia tai̒lohilao to butoo̒; Eeya malopolaia̒ u otutu; Eeya helo ponao̒ butoo̒ oa̒adili to Isirai̒lu.

YESAYA 45:25

Bo wali mai lei Yako mapoa̒ahuwolo, wau timongolio mamomuji ola-U̒, Eeya.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YEREMIA 38:15

Watia lolametao̒, “Wonu watia moloi̒ya mai u otutu, tantu ti Baginda mamopodehu hukuumani mate olaatia; wau wonu watia mongohi mai nasehati, ti Baginda diila tamohuto modudua̒ao̒ nasehati boito.”

HOSEA 1:7

Bo bangusa lo Yehuda maponuwo-U̒. Wau̒ Eeya, Allahu Taa̒ala limongolio, mamopoa̒ahu mai olimongolio, bo diila wolo popaatea, wau olo diila wolo wamilo meaalo pana meaalo wadala wau jokiilio.”

JAKARIA 13:9

Bo ngotayadio totolu mamoa̒ahu. Wau timongolio boito mapo mantaliyo-U̒ debo odelo talaa̒ u pilobelesi lotulu. Timongolio matesiyo-U̒ debo odelo tamotesi hulawa. Lapatao̒ timongolio mamodua̒ mai ode Olau̒, wau Wau̒ mamolametai olimongolio. Wau̒ mamotahuda ode limongolio deu̒ timongolio yito umati-U̒, wau timongolio olo mamongaku deu̒ Wau̒ulo Eeya Allahu Taa̒ala limongolio.”

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

LUKASI 1:75

laito taa̒luku wau hulumati o-Lio wau moposanangi hilaa-Lio ngotupa lo tutumulunto.

YAHYA 10:30

Wau̒ wau ti Paapa-U̒ yito tuwau.”

YAHYA 10:33

Tau-tauwalo Yahudi boito lolametao̒, “Diila bo kalana ngoa̒amila kalaja-Mu u mopiohu boito ami ohilaa momai̒ wolo botu ole-Mu, bo sababu Yio̒ hemo muayo Allahu Taa̒ala. Yio̒ ngotaalio lomanusia, wau ohilaa mopowali batanga-Mu Allahu Taa̒ala.”

YAHYA 20:28

Tei Tomas malo loi̒ya odeli Isa, “Eeyau̒ wau Allahu Taa̒alau̒!”

ROMA 9:5

Timongolio yito wali mai linenemoyanto. Ti Almasi odelo pohuli lomanusia asalii-Lio mai lonto bangusa limongolio. Tio lebe lailaio̒ wolo ngoa̒amilalo. Ilopujiaalo mola Allahu Taa̒ala u ohiheo-hiheolo mao̒! Amin.

1 KORINTUS 15:25

Ti Almasi musi tulusi momalenta dilumutu Allahu Taa̒ala mohutu mai ngoa̒amila musu li Almasi taa̒luku toli Almasi.

TINGULI 2:37

Bo ito diila lotahudeo̒ ode madala taulo Amon meaalo biihu Dutulaa Yabok meaalo kokoo-tawaalo tomadala hihui̒-hui̒dea meaalo penu boli tambati wewo udilini lo Eeya Allahu Taa̒alanto.”

TINGULI 7:14

Monto ngoa̒amila bangusa todunia, diaaluo penu tuwau mao̒ tamoo̒tapu balakati laba-labaalo daatalio debo odelo timongoli. Monto olimongoli ngoa̒amila wau monto totoonulalo bibiahi mongoli diaaluo penu boli tuwau mao̒ u bintela.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

2 PETRUS 1:11

Lou̒ odito timongoli mawohia-Lio haku polupolu u tumuwoto ode bele biluloa̒ saaha li olongia u ohiheo-hiheolo mao̒ monto Eeya wau Olongia Tamopo-poa̒ahua olanto Isa Almasi.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.