IBRANI 1:3 - KITABI HABARI MOPIOHE

³ Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 1:3 ပူးပေါင်းရင်းမြစ်များ

BOHULO TAWARI 29:11

Eeya otutu udaa̒, wau okawasa. Eeya molamahu, laito otilapulo wau udaa̒. Totoonulalo u hitua-tuawua tohulungo wau todunia yito miliki lo Eeya. Eeya olongia daa̒, takawa-kawaasa to ngoa̒amilalo mao̒.

AYUBA 37:22

Tinelo hei̒nta-intaawa lobutu mai to tilayo, wau ololamahu Allahu Taa̒ala heloo̒ linggolabe hilaanto.

JABURU 110:1

Jaburu lei Dauda. Eeya lotahuda odeli tuani laatia, “Potihuloo̒lo mola to ambahu olowala-U̒, tunggula mumuu-suumu potaa̒a-lukuwo-U̒ to olemu.”

JABURU 75:3

Allahu Taa̒ala lotahuda, “To wakutu u tilantu-U̒, Wau̒ mamomutoa̒ wolo aadili.

TAMOO-HUTUBAWA 8:4

Ti Olongia mopohutu mao̒ wolo tilihula; diaaluo tabuheli mobatata olio!

IMAAMATI 15:15

Ti iimamu musi mopodewo bulungi tuwau duo̒lo pongambungualo dusa, wau u tuwau poli duo̒lo bake yilalango. Lou̒ odito ti iimamu mopowoluo mao̒ upacala pomantaliyalo tau boito totalu lo Eeya.

MIKHA 5:4

wau Tio mamo pohabari ududame. Wonu bolo suludadu lo Asyur moluhu mai lipunto wau mongantulu bintenginto, ito mamongambu mai mongo tau̒wanto tahi lotola daa̒ u moluhu olimongolio. Mongo tau̒wanto boito mamopo olaaheo̒ Asyur wolo olootolo tingolo, wau mopoa̒ahu olanto monto uluu̒ limongolio.

MATIUSI 22:24

“Paaa̒ Guru,” uali mongolio, “Tei Musa helo ngaajali odie: Wonu talolai̒ ngota mate, wau tio diila loo̒tapu walao̒, wutatio boito mamusi monika wolo jandalio alihu mongohi mai wali ode taa mailate boito.

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 1:4

Tahuda boito bungo lo tutumulo, wau tutumulo boito mongohi mai tilango tomanusia.

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

WUNGGULI LOMONGO RASULU 7:56

“Bilohi,” loi̒ya mao̒ lei Stepanus, “Watia loo̒onto mola sologa lohuo̒ wau Walao̒ Manusia tihutihula to ambahu olowala lo Allahu Taa̒ala!”

ROMA 1:16

Watia palacaya daa̒ to Habari Mopiohe boito, sababu habari boito yito lotolo Allahu Taa̒ala u mopoa̒ahu mai ngoa̒amila taa palacaya; bohu-bohulio taulo Yahudi, wau bangusa wewo olo.

ROMA 8:34

Wolo woluo tao̒hilaa mopotala olanto? Deti Isa Almasi tamopo duulua olanto! Tiolo tamailate, wau tumbao̒ Tiolo tamaaluli pilopo tumu-Lio mai lonto opopate wau maito totambati lo Allahu Taa̒ala tao̒kawasa.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

KOLOSE 3:1

Timongoli maluli pilotumu-lai pee̒-pee̒enta woli Almasi. Sababu uito mamusi timongoli motolopani u moo̒tapu susuu-aliyaalo u tosologa, tou̒toonu ti Isa hemo malenta pee̒-pee̒enta wolo Allahu Taa̒ala.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 1:13

Allahu Taa̒ala diila pee̒enta mao̒ lotahuda odie penu boli ode ngotaalio lo malai̒kati, “Huloo̒olo towimbihu olowala-U̒, dilumutu mumuusu-Mu potaa̒lukuwo-Mu de ole-Mu.”

IBRANI 10:12

Bolii̒o mao̒, ti Almasi lopodewo bo tuwau bake u pongambungualo dusa, wau bake boito pohupohutu u ohiheo-hiheolo mao̒. Lapatao̒ lopodewo bake boito, ti Almasi lotihuloa̒ to ambahu olowala lo Allahu Taa̒ala wau momalenta pee̒-pee̒enta wo-Lio.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 4:14

Uitolo sababuulio ito musi mopoo̒ toheeto modihu tou̒ pilongakua opopalaa-cayanto. Sababu ito o Iimamu Daa̒ uleidaa̒, tamaa tilumuwoto demola ode talu lo Allahu Taa̒ala – Tiolo ti Isa Walao̒ Allahu Taa̒ala.

IBRANI 7:27

Tio diila debo odelo mongo iimamu daa̒ uwewo, u timii̒du dulahu musi mopodewo bake sababu duduu-saalio lohihilao omoo̒omolu, bolo kalana duduu-sawaalo umati. Ti Isa mopodewo bake bo wambao̒ pee̒enta u ohiheo-hiheolo mao̒, tou̒ Tio lopodewo batanga-Lio lohihilao odelo bake.

IBRANI 8:1

Bungo lou̒ ngoa̒amilalo bisalanto botie yito: Ito o Iimamu Daa̒ tadebo odelo uito, tahulo-huloa̒ hemomalenta pee̒-pee̒enta wolo Allahu Taa̒ala Laba-labaalo udaa̒ tosologa.

IBRANI 9:16

Wonu woluo tuladu warisi, musi olo woluo bukutiilio deu̒ taa u lohutu tulade boito mailate.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.

2 PETRUS 1:16

Tou̒ amiaatia lopoo̒taa mai olimongoli malo odito udaa̒alio podudungga mai lo Eeyanto Isa Almasi, amiaatia diila lotiwunela tou̒ totoonulalo tombilu lomanusia u bo latabu. Odudaa̒ li Almasi boito maa iloontonga lamiaatia wolo mato lunggongo lohihilao.

2 PETRUS 1:17

Amiaatia woluo teto mola tou̒ Tio hilulumati wau pilopo udaa̒ lo Allahu Taa̒ala ti Paapa. Tou̒ boito dungo-dungohei suala lonto Taa Laba-labaalo molamahu, u lotahuda ode o-Lio, “Botieelo Wala-U̒ tapilonu-U̒. Tio mopo sanangi hilaa-U̒!”

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.

YUDAS 1:25

Tiolo Allahu Taa̒ala tuwa-tuwaulo, Tamoo-poa̒ahua olanto motimbulude li Isa Almasi Eeyaanto. Tiolo Allahu Taa̒ala tamolamahu, udaa̒, okawasa wau otilihula anggadu muloololio mai daa̒ dilumutu botia wau u ohiheo-hiheolo mao̒! Amin. 4

WAHI 3:21

Timongolio taloo̒haama, mapo luasiyo-U̒ motihuloa̒a totambati lo huhuloa̒a-U̒ pee̒-pee̒enta wola-U̒, tutuuwauwa debo odelo Wau̒ lohihilao olo maloo̒haama wau masaatia hulohuloa̒a pee̒-pee̒enta woli Paapa-U̒ totambati lo huhuloa̒a-Lio.

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”