IBRANI 1:2 - KITABI HABARI MOPIOHE

² Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 1:2 ပူးပေါင်းရင်းမြစ်များ

ILOOWALI 49:1

Lapatao̒ tei Yako malo tiangai mongo walai̒o wau loloi̒ya mao̒, “Potia̒mbulo mai tewe, totiliu̒. Mapoleleu̒ mai olemu wolo u mao̒lasaawa limongoli todulahee momooli;

YESAYA 2:2

To duduu-laheyaalo u dungga-dungga mai huludu tambati Bele lo Eeya mopantongo molanggato wau tihutihula motulidu toitaato huhuu-ideyaalo wau huhuu-luduwaalo. Totoonulalo bangusa tutuuyuta dadaata daa̒ odito mola,

YESAYA 44:24

Odieelo mola tahuda lo Eeya Tamoo-poa̒ahua olemu talo powali olemu tumulalo mai todelomo talomo, “Wau̒ulo Eeya talopowali mai totoonulalo u hitua-tuawua, u tutuuwau lomua̒de hulungo, wau lou̒ diila bilantu lopowali dunia.

YESAYA 45:12

Wau̒ulo Eeya talopowali dunia, wau lopowali mai manusia u motibiluloa̒ao̒. Wolo kawasaa-U̒ Wau̒ longoa̒bu hulungo, wau lomalenta mato lodulahu, hulalo wau popoo-liyamaalo.

YESAYA 45:18

Eeyaalo talopowali hulungo, Eeyaalo Allahu Taa̒ala! Eeyaalo talopowali wau lopomoodeli dunia, pilohutu-Lio motoheeto wau debo tihutihulo. Eeya diila lopowali mai tambati u moliilo daa̒, bo tambati potibiluloa̒lo. Eeyaalo talo tahuda mai, “Wau̒ulo Eeya, wau diaaluo wewolio.

YEREMIA 48:47

Bo to dulahee momooli Wau̒ mamoponguli mai owowoluwoa lipu lo Moab. Wau̒, Eeya, malo tahuda mai!” Uitolo u mapohutuo mai lo Eeya ode Moab.

YEHESKIEL 38:16

Lapatao̒ tiluhumu umati-U̒ Isirai̒lu debo odelo dutaalo lolemba mai dunia. Wonu wakutuulio meidungga, yio̒ malaolo-U̒ u motibiluloa̒ hutaa-U̒. Wolo huhutuu-U̒ motimbuludei olemu, wuu Gog, babaa-ngusawalo mamotota mao̒ totoonu Wau̒, deu̒yito-yito Allahu Taa̒ala tamantali.

DANIALI 10:14

Wau̒ monao̒ mai u mohutu olemu u momaahamu mao̒ wolo de mamotoduo mai to bangusaamu. Bibilohe botie pasali lou̒ dulahee momooli.”

DANIALI 2:28

Bo tosologa woluo Allahu Taa̒ala tamomuo̒ ngoa̒amila hitua-tuawua u milakusudu hetuuo̒lo, wau Eeya boito tamaa lopoo̒taa mai odeli Tuani lowatotia wolo u mamotoduo mai to dulahee momooli. Botia, poluasia mai watotia motombangai tohiilopo wau bibilohe u tilolimo li Tuani lowatotia tou̒ tuutuluhu boito.

HOSEA 3:5

Bo mamei dungga wakutuulio bangusa lo Isirai̒lu muli mohualinga ode Eeya Allahu Taa̒ala limongolio, wau odeli olongia limongolio monto wali mai lei Dauda. Lapatao̒ timongolio mamoohe wau mohulumati mola to Eeya, wau mololimo babaa-lakati-Lio.

MIKHA 4:1

To duduu-laheyalo u dungga-dungga mai huludu, tambati Bele lo Eeya, matihu-tihula motiludu wau oontonga mongilabotao̒ huhuu-ideyaalo wau huhuu-luduwaalo. Totoonulalo bangusa tutuuyuta dadaata daa̒ odito mola

YIA̒APO 24:14

Ualei Bileam odelei Balak, “Botia watia ohilaa mohualinga ode bangusa lowatia. Bo tou̒ diipo monao̒, opiohelio watia mopoo̒taa mai odeli Tuaniu̒ pasali wolo u mapohutuo bangusa lo Isirai̒lu ode bangusa li Tuaniu̒ todulahee momooli.”

MATIUSI 13:39

Musu talomulo papaa dengowalo boito yito Ibilisi. Sembo lo pongotolo yito Dulahu Kiama, wau tau-tauwalo tahi pongotola boito yito mamaa-lai̒katiyalo.

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

MATIUSI 21:38

Bo tou̒ tahi pokalajawa boito loo̒onto walao̒ lotaa ohuu̒wo lohuta boito, timongolio malo loi̒ya ngota timongota, ‘Naa, botie tio, ahali lowalisilio. Dulo mapateento tio mate-mateelo mao̒, alihu mamo tapunto walisanilio!’

MATIUSI 26:63

Boti Isa wambao̒ lotipoo̒oyo. Donggo pee̒entapo ti iimamu daa̒ loloi̒ya mao̒ o-Lio, “Domi Allahu Taa̒ala tatumu-tumulo, polelea mai olami wolo Yio̒ botie Olongia Tamoo-poa̒ahua, Walao̒ Allahu Taa̒ala?”

MATIUSI 28:18

Ti Isa lohimbideo̒ olimongolio wau lotahuda mao̒, “Ngoa̒amila kawasa tosologa wau todunia mailudu-Lio mai ola-U̒.

MATIUSI 3:17

Lapatao̒ dungo-dungohei suala lo Allahu Taa̒ala lotahuda mai, “Tabotieelo walau̒u-U̒ tapilonu-U̒. Tio moo̒sanangi hilaa-U̒.”

MARKUSI 1:1

Uti-utieelo Habari Mopiohe pasali li Isa Almasi, Walao̒ Allahu Taa̒ala.

MARKUSI 12:6

Donggo tatoonu poli tamowali laololio botia lotaa ohuu̒wo lo ilengi boito? Bolo ngota wambao̒, deu̒ito-yito walai̒o lohihilao taa otolia̒ngio. Oditolio pulitio mao̒ tio malo poa̒hu mota walai̒o boito ode tahi pokalajawa ilengi boito. ‘To pikilangilio tantu walai̒o mahulumatio mai limongolio.’

MARKUSI 12:7

Bo tahi pokalajawa ilengi boito maloloi̒ya ngota timongota, ‘Botie tio taa̒ahali lo walisilio. Dulo pateento tio mate-mateelo mao̒, alihu ito tamoo̒tapu tayadio boito!’

YAHYA 1:10

Tahuda woluo todunia, dunia pilowali mai lotimbulude o-Lio, bo dunia diila moo̒onuhe o-Lio.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:3

Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 13:32

Wonu Allahu Taa̒ala pou̒daa̒alo moli o-Lio, Tio olo pou̒daa̒ mai lo Allahu Taa̒ala moli batanga-Lio lohihilao. Tumbao̒ Allahu Taa̒ala mahua̒a mopou̒daa̒ mai o-Lio.

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

YAHYA 16:15

Ngoa̒amila uwoluo toli Paapa yito hakuu-U̒. Uito sababuulio Wau̒ motahuda mai deu̒ wolo upilo tunggulai lo Rohu olemu, tilolimo-Lio lonto ola-U̒.”

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:25

Dengolo lota tahidudua̒ olei Yahya helo haamawa wolo taulo Yahudi pasali lowuu̒du u mopoo̒ belesi.

YAHYA 5:26

Debo odelo Allahu Taa̒ala lohihilao bungo lo tutumulo, yi Tio olo mopowali mai wala-I̒o bungo lotutumulo.

YAHYA 5:27

Tio malohudu ode wala-I̒o haku u momutoo̒, sababu Tio Walao̒ Manusia.

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

WUNGGULI LOMONGO RASULU 10:36

Mongo wutato malotota tuango habari upilo tunggulai lo Allahu Taa̒ala ode bangusa lo Isirai̒lu. Habari boito yito pasali lo Habari Mopiohe tomimbihu lou̒ damee lotimbulude li Isa Almasi, deu̒ito-yito Eeya lotaa ngoa̒amila.

WUNGGULI LOMONGO RASULU 2:17

Allahu Taa̒ala lotahuda mai, ‘Topulito lojamani Wau̒ mamo luwatai Rohu-U̒ ode ngoa̒amila tau. Mongo walau̒mu talolai̒ wau mongo walau̒mu taabua mamopoo̒taa olemu susuu-aliyaalo u piloo̒taa-U̒ olimongolio. Tahi-muudawa limongoli mamoo̒onto susuu-aliyaalo upilopo bilohu-U̒ olimongolio. Mongo dulaa̒mu mamoo̒ tohiilopo tomimbihu tohiilopo uilohi-U̒ olimongolio.

ROMA 1:4

bo debo odelo watade lo Eeya, Tio yito malo ilaalo walao̒ Allahu Taa̒ala. Uito ilobukuti wolo kawasa upolu-polutuo̒ lotimbulude to obobongu-Lio mai tou̒ mailate mao̒.

ROMA 8:17

Naa, wonu ito yito mongo wala-I̒o, yi ito olo ahali lowarisi-Lio u mamololimo babaa-lakatiyalo upilohetu lo Allahu Taa̒ala ode mongo wala-I̒o. Ito mamololimo pee̒-pee̒enta woli Isa Almasi wolo u mapilohetu lo Allahu Taa̒ala o-Lio; sababu wonu ito modutolo pee̒-pee̒enta woli Isa Almasi, ito mapolaio̒-Lio olo pee̒-pee̒enta wo-Lio.

1 KORINTUS 2:7

Tinepo u tiloo̒owoli lowatia boito yito tinepo lonto Allahu Taa̒ala. Tinepo boito diila otaawa lodunia, bo Allahu Taaala mapilo dapatio ode osananginto tutu tou̒ dunia botie diipo pilowali-Lio mai.

1 KORINTUS 8:6

Bo olanto, Allahu Taa̒ala bo tuwau. Tio Allahu Taa̒ala talo powali mai totoonulalo u hitua-tuawua. Ode o-Liolo ito tumumulo. Wau Eeya bo tuwau olo, deu̒ito-yito ti Isa Almasi. Lotimbulude o-Lio totoonulalo u hitua-tuawua pilopowali, wau sababu Tioolo yi ito tumutumulo.

GALATIA 4:4

Bo tosaaa̒tilio utuhata, Allahu Taa̒ala molao mai Wala-I̒o ode dunia. Wala-I̒o boito potutulio mai lotaabua ngota wau tumumula to walungo okokawasa butoo̒ lo agama.

EPESUS 1:10

Lanjana boito yito alihu totoonulalo u hitua-tuawua, mopio u tosologa meaalo u todunia, mowali tuwau woli Almasi odelo tau̒wa. Wau sua̒li boito mapoo̒ lapato lo Allahu Taa̒ala wonu malei dungga wakutuulio.

EPESUS 3:9

wau olo alihu motimbuludei olaatia ngoa̒amila tau motota mao̒ woloolo mola Allahu Taa̒ala, Talopowali ngoilanggubu aalamu botie, moponao̒ lanjana-Lio u anggadu muloololio mai daa̒ hitua-tuawua u milakusudu hetuuo̒lo duo̒lo dunia.

TINGULI 18:15

Bolii̒o mao̒ monto bangusanto lohihilao Tio mamolao mai ode limongoli ngotaalio lo nabi debo odelo watia botie, wau timongoli musi modungoheo̒ olio.

TINGULI 31:29

Otaawa lowatia deu̒ lapatao̒ watia mate mao̒, tau-tauwalo boito mamowali moleeto wau diila mololimo wolo u mapilo ngaajali mao̒ lowatia ode limongolio. Wau de timongolio odungga lobaala, sababu lopomuluka to Eeya helohutu wolo u dilini-Lio.”

TINGULI 4:30

Wonu bolo timongoli odungga lo ngoa̒amila baala boito wau timongoli todelomo u suukali, yi timongoli mamuli mohualinga ode Eeya Allahu Taa̒ala limongoli wau modungoheo̒ o-Lio.

IBRANI 1:5

Diila pee̒enta mao̒ Allahu Taa̒ala helo tahuda odie penu boli ode ngotaalio lo malai̒kati, “Yio̒olo Wala-U̒; todulahe botie Wau̒ mowali ti Paapamu.” Diila pee̒enta mao̒ Allahu Taa̒ala helo tahuda odie penu boli tomimbihu malai̒kati toonu olo, “Wau̒ mamowali ti Paapa-Lio, wau Tio mamowali Wala-U̒.”

IBRANI 1:8

Bo to Walao̒ boito, Allahu Taa̒ala lotahuda mao̒, “Bele biluloa̒a-Mu, oo Allahu Taa̒ala, mabakaa ohiheo-hiheolo mao̒! Pamalenta-Mu yito pamalenta u aadili.

IBRANI 11:3

Sababu o iimani, yi ito mongalati deu̒ aalamu botie pilowali wolo tahuda Allahu Taa̒ala; oditolio, wolo u mowali oontonga, yilowali mai monto wolo udiila mowali oontonga.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 3:6

Boti Isa Almasi tatapu wau molotolo hilao odelo Walao̒ tatihu-tihula duo̒lo Bele lo Allahu Taa̒ala. Wau ito botieelo Bele lo Allahu Taa̒ala, wonu ito debo osumangati wau debo yakini u moo̒tapu mai wolo u hehalaa-puwonto.

IBRANI 4:14

Uitolo sababuulio ito musi mopoo̒ toheeto modihu tou̒ pilongakua opopalaa-cayanto. Sababu ito o Iimamu Daa̒ uleidaa̒, tamaa tilumuwoto demola ode talu lo Allahu Taa̒ala – Tiolo ti Isa Walao̒ Allahu Taa̒ala.

IBRANI 5:8

Ti Isa yito Walao̒ Allahu Taa̒ala, bo eleponu odito Tio helo balajali lowali lodungohe lotimbulude to dudutoo-Lio.

IBRANI 7:28

Butoo̒ agama lo Yahudi momuduo̒ tau udiila wimu-wimumuto tutu daa̒ iimamu molamahu. Bo lapatio mao̒ lobutoo̒ boito, Allahu Taa̒ala lohutu mai danti wolo tadia deu̒ Tio momuduo̒ odelo Iimamu Daa̒, Walao̒ tamaa pilowali Tamoo-poa̒ahua tawimu-wimumuto tutu u ohiheo-hiheolo mao̒.

IBRANI 7:3

Tomimbihu olei Melkisedek botie diaaluo mao̒ tombango penu boli tou̒toonu deu̒ tio otiyamo meaalo otiilo meaalo onene moya; diaaluo olo tombango pasali pilotutua olio, meaalo opopatelio. Tio tutuuwauwa debo odelo Walao̒ Allahu Taa̒ala; tio yito iimamu tabakaa.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.

1 PETRUS 1:20

Ti Almasi tilulaoto Allahu Taa̒ala tou̒ dunia botie diipo pilowali mai. Wau to duduu-laheyaalo meidungga mai pulito lojamani botie, Tio meidungga mai ode dunia alihu timongoli poa̒ahuwolo.

2 PETRUS 3:3

Bohu-bohulio, musi otaawa mao̒ limongoli deu̒ to duduu-laheyaalo pulitio malumenetai tau-tauwalo tatutumulio he kiluwasa lonapusu limongolio lohihilao. Timongolio mamososero olimongoli

YUDAS 1:18

Timongolio lopoo̒taa mai leimulo olemu deu̒ topulito jamani malumenetai tau-tauwalo tamaa mohentea̒ olimongoli, deu̒ito-yito tahitumula lodudua̒ totoonulalo otohilaa limongolio u odusa.