IBRANI 1:1 - KITABI HABARI MOPIOHE

¹ Tojamani muloololio mai poo̒-poo̒daata Allahu Taa̒ala helo tahuda mai odeli nene mayanto lotimbulude tomongo nabi wolo lomake dudelo u hidala-dalaala.

IBRANI 1:1 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

ILOOWALI 6:3

Yi malo tahuda mai Eeya, “Wau̒ diila mopoluasi manusia tumumulo ohiheo-hiheolo mao̒; timongolio mahaluku panaa, tamusi mate. Tumulalo mai botia umulu limongolio diila talebe tou̒ ngohetuto dulo pulu lotaunu.”

YOEL 2:28

“Lapatao̒ uito de ngoa̒amila tau mapoo̒ daata-U̒ daa̒ wolo rohu-U̒. Yi walau̒mu mongo lolai̒ wau mongobua mamopo tunggulao̒ totoonulalo tahuli-U̒; mongo panggola to wolotamu mamoo̒ toduo mai tohiilopo, bibilohe mawohi ode mongo bohulotau wau mongo dulahu.

LUKASI 1:55

Eeya diila lolipata danti-Lio, Tio ilomura lohilao odelei Abraham wau walilio mola tunggula ohiheo-hiheolo mao̒.”

LUKASI 1:72

U mopobilohei omura lohilaa-Lio ode loluhurunto, danti-Lio u mantali boito mapomataa-Lio mai.

LUKASI 24:27

Lapatao̒ ti Isa lotombangao̒ olimongolio wolo u tulatuladu todelomo ngoilanggubu Kitabi tomimbihu batanga-Lio tumulalo mai monto bubuu-kuwaalo lei Musa wau bubuu-kuwaalo lomongo nabi.

LUKASI 24:44

Lapatao̒ uito Tio lotahuda mao̒ olimongolio, “Utieelo susuu-aliyaalo umaa piloo̒taa-U̒ mai olimongoli tou̒ Wau̒ donggo pee̒-pee̒enta woli mongoli; deu̒ timii̒du sua̒li u tulatuladu tomimbihu tanggulu-U̒ todelomo Bubuu-kuwaalo lei Musa, lomongo Nabi, wau Jaburu, musi motoduo mai.”

YAHYA 16:13

Bo wonu Rohu boito meidungga mai, deu̒ito-yito Tio tamopo ilaalo mai obobanali pasali lo Allahu Taa̒ala, timongoli madeloo-Lio u moo̒onuheo̒ ngoa̒amilalo obobanali. Tio diila tamotahuda monto batanga-Lio lohihilao bo motahuda mai wolo u mai̒lo dungohe-Lio, wau Tio mamo poo̒taa mai olemu wolo u mamowali todulahu momooli.

YAHYA 7:22

Tei Musa longohi mai olimongoli wuu̒du u polunaalo – eleponu sunati boito otutuulio mao̒ asaliilio mai diila lonto olei Musa bo lonto mongo tiyamo loluuhuru tou̒ dipolulio mai tei Musa. Sababu uito, penu boli todulahu Saabati timongoli ohilaa moluuna tau.

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

WUNGGULI LOMONGO RASULU 13:32

Oditolio, masaatia botie ami mopo tunggulai Habari Mopiohe boito olemu: Wolo u mapilo dantia lo Allahu Taa̒ala odeli nene moyaanto,

WUNGGULI LOMONGO RASULU 2:30

Allahu Taa̒ala malodanti odelei Dauda, wolo tadia, deu̒ tala ngota lowaliilio mola mapuduo̒ lo Allahu Taa̒ala mowali olongia. Sababu mao̒taawa lei Dauda danti boito wau sababu tio nabi ngota olo,

WUNGGULI LOMONGO RASULU 28:23

Yi timongolio wolei Paulus lolantu mao̒ tou̒ dulahio tuwau u modunggaya. Todulahee boito ngohuntua tau lonao̒ mai ode tambati piloti biluloa̒ lei Paulus. Tumulalo mai dimodupo tunggula lolaango tei Paulus lotombangao̒ wau helo pohabari olimongolio habari pasali lou̒ woloolo mola Allahu Taa̒ala momalenta odelo Olongia. Wolo lomake aa̒a-yatiyaala lonto Buku lei Musa wau Buku lo Mongo nabi, tei Paulus helo tolopani mohutu olimongolio palacaya pasali li Isa.

WUNGGULI LOMONGO RASULU 3:21

Tio musi motibiluloa̒ tosologa tunggula Allahu Taa̒ala mopowali mai ngoa̒amilalo bohu debo odelo upilo tahuda lo Allahu Taa̒ala lotimbulude tomongo nabi-Lio tou̒ muloololio mai.

IBRANI 11:18

Allahu Taa̒ala malo tahuda odelei Abraham, “Motimbulude tolei Isihaka botieelo yio̒ mamoo̒tapu mai wali upilo danti-U̒ mai olemu.”

IBRANI 11:2

Sababu o iimani, yi tau-tauwalo tojamani yilalu mao̒ aahudu lo Allahu Taa̒ala.

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 2:2

Tataa-huliyalo upilo tunggulai lo mamaa-lai̒katiyalo toli nene moyanto malo ilaalo otutu, wau taa u diila moduduo̒ meaalo modungoheo̒ mololimo hukuumani u motuu̒de.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

IBRANI 3:5

Tei Musa tatapu wau molotolo hilao odelo tamoomayawa todelomo bele lo Allahu Taa̒ala wau mo po tunggulo susuu-aliyaalo u mapoo̒taa lo Allahu Taa̒ala todulahe u mamei dungga mai.

IBRANI 4:8

Wonu humayaalio tei Yosua malongohi ode tau-tauwala boito pohuhelia upilo danti mai lo Allahu Taa̒ala, yi Allahu Taa̒ala madiilalo motahuda pasali lou̒ tuwaulio lodulahe uwewo.

IBRANI 5:5

Odito olo ti Almasi. Tio diila lomudua̒ batanga-Lio lohihilao lowali Iimamu Daa̒. Allahu Taa̒ala lohihilaolo talo mudua̒ o-Lio. Allahu Taa̒ala lotahuda mao̒ o-Lio, “Yio̒olo Wala-U̒; todulahe botie Wau̒ mowali ti Paapa-Mu.”

IBRANI 9:19

Bohu-bohulio tei Musa lopo tunggulai ngoa̒amila palenta lobutoo̒ Allahu Taa̒ala tobangusa lo Isirai̒lu. Lapatao̒ uito tei Musa lohama mao̒ duhu lowalao̒ sapi wau walao̒ batade ulai̒, tulusi ilulaulio wolo taluhu, lapatao̒ pilomutatio mao̒ to Kitabi lo Bubuu-too̒waalo lonto Allahu Taa̒ala wau to ngoilanggubu bangusa lo Isirai̒lu wolo lomake huo̒yoto u hidala-dalala lohisopi wau lambuto himba lakulio meela molonihe.