HOSEA 7:4 - KITABI HABARI MOPIOHE

⁴ Timongolio ngoa̒amila tamoo-hiyanatia wau taa udiila tatapu wau molotolo hilao. Olonui̒ mongolio debo odelo tulu todelomo tihengo udiila pilo hintalabu lo tamoohutua roti tou̒ diipo ulambohio watuwatu u lalangolo.

HOSEA 7:4 ပူးပေါင်းရင်းမြစ်များ

YEREMIA 23:10

Lipunto polupolu wolo taa udiila tatapu wau molotolo hilao to Eeya. Timongolio hitumula moleeto wau hemoponao̒ kawasa limongolio u talatala. Sababu yilaa̒nati mai lo Eeya, huo̒yoto tohuta datahu u luasi daa̒ lowali lohengu wau ngoilanggubu lipu ilosuusa lohilao.

YEREMIA 9:1

Donggo boli piohio wonu lunggongo lowatia debo odelo ali u polupolu lotaluhu, wau mato laatia panjura u tulusi tolotolohu! Yi watia mowali humoyongo hui wau dulahu, mohilimutao̒ tau-tauwalo ngobangusa lowatia tahe pilatelio yila-yilateelo mao̒ lomusu.

YEREMIA 9:2

Humayaalio tohuta datahu u luasi daa̒ wau delita mowali odungga lowatia tambati pohuheliyalo duo̒lo taa u todelomo nonao̒olio! Yi watia mamololaa mao̒ bangusa lowatia, wau tumetea̒ mola odito u mopoo̒ lamingo monto olimongolio. Timongolio ngoa̒amilalo tamoo-hiyanatia, tuwaulio lo oa̒ambua lotaa u diila tatapu wau molotolo hilao,

HOSEA 4:10

Timongoli mamolamelo babaa-keyaalo upilodewo, bo timongoli madebo pola-polaango. Timongoli mamolubo dedee-waalo u molomiyodu, bo ulipumu debo diila oduhenga mola, sababu timongoli malo lolaa ola-U̒ u lolubo ila-ila wewo.”

HOSEA 4:12

Timongoli hipohilea potuhata monto ayu ngoputu! Tunggudu ngoputu hemo poo̒taa mai olemu wolo u otohilaa otaawa mao̒ limongoli! Timongoli debo odelo ngotaalio lodile taabua talowali suntali; timongoli lololaa ola-U̒ wau lohudu batanga ode ila-ila wewo.

HOSEA 4:2

Timongolio hemotadia bo timongolio diila moe̒elao̒; timongolio hemohimbulo, hemomate mate-mateelo mao̒, hemotao̒, wau hemojina. Ololeeto heo̒duhenga mola, wau polomatea mate-mateelo mao̒ helo toduo tutuuntunga.

1 KORINTUS 5:6

Diila paatuti timongoli molaasa sombongi. Otanu timongoli malotota pohumaya botie, “Ragi ungoi̒di moo̒hutu ngoa̒amila ulaulio momatango!”

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.