HOSEA 5:9 - KITABI HABARI MOPIOHE

⁹ Isirai̒lu mabinasa, sababu malei dungga dulahio u mohukuumani mai olio. Dungohilo, wuu ulipu lo Isirai̒lu, sua̒li boito tantulo mao̒ mamotoduo.

HOSEA 5:9 ပူးပေါင်းရင်းမြစ်များ

AYUBA 12:14

Wolo u bilonggari lo Eeya diilalo mowali bonguloolo tatoonu tatilawalo Eeya diilalo mowali molopato.

YESAYA 37:3

Utieelo tahuli lei Hiskia u pilopo tungguli mongolio odelei Yesaya, “To dulahu botie dulahu ilopatea; ito hukuumanio wau hinaalio. Ito debo odelo taabua tamaa ilohilaa mopotutu mai, bo ilopulita lo lotolo.

YESAYA 46:10

Monto bohulio piloo̒taa-U̒ mai susuu-aliyaalo u momooli, tumulalo muloololio mai yilaamali-U̒ wolo mamotoduo mai. Tahuda-U̒: Putuusani-U̒ mamei ponao̒, kahandaki-U̒ tantuulo mao̒ ponao̒o-U̒!

YESAYA 48:3

Eeya lotahuda mai, “Dungohilo, wuu Isirai̒lu! Wolo u lotoduo muloololio mai, malohiheo piloo̒taa-U̒ mai; wolo u pilotahuda-U̒, debolo ponao̒o-U̒ wau powaliyo-U̒ moi̒laalo mai.

YESAYA 48:5

Tumulalo muloololio mai mailamali-U̒; tou̒ diipo lotoduo, maa piloo̒taa-U̒ mai, alihu yio̒ diila mao̒ moloi̒ya, deu̒ uito huhutu lo bubuu-iyaalo balaahalamu.

YESAYA 7:16

Sababu tou̒ diipo meidungga mai saaa̒ti boito, duduuluo lipu u hepalenta lomongo olongia tao̒ohemu boito matolaalio diila otua.

HOSEA 5:12

Uito sababuulio Wau̒ mamopo antulu bangusa lo Isirai̒lu, wau mopobinasa taulo Yehuda.

HOSEA 5:14

Debo odelo singa moluhu, odi-odieelo mola Wau̒ mamoluhu taulo Isirai̒lu wau Yehuda. Wau̒ lohihilao tamamo nganta-ngantanga olimongolio, lapatao̒ tolaa-U̒ mao̒. Wau̒ modedea̒ olimongolio monao̒, diaaluo penu boli ngotaa mao̒ tamoo̒ lopata olimongolio.

HOSEA 7:12

Bo timii̒du timongolio lumaodeo̒, Wau̒ mamolaalao̒ taalo wau moheu̒upa olimongolio debo odelo tau moheu̒upa bulungi. Wau̒ mamo hukuumani mai olimongolio sababu totoonulalo ololeeti mongolio umaa ilotaawa-U̒.

HOSEA 8:8

Debo odelo ulongo ulopoo̒, odi-odieelo mola bangusa lo Isirai̒lu diilalo oboliilio, wau malowali bangusa u biaasa debo odelo babaa-ngusawalo wewo.

HOSEA 9:7

Malei dungga wakutu pohukuu-maniyalo, wakutu u mololimo polomalasi tou̒ totoonulalo huhutu. Isirai̒lu mamolaasa mao̒! Timongoli moloi̒ya, “Nabi takiluwasa lo rohu botie abaloolo! Biyongo tio!” Timongoli loloi̒ya odito sababu timongoli molonuo̒ daa̒ to Olau̒ wau dusaamu udaa̒ tutu.

AMOS 3:7

Eeya Taa Laba-labaalo molanggato diila pee̒enta mao̒ mohutu mai u hi tua-tuawua olo lou̒ diila mopoi̒laalo mai patujuu-Lio ode mongonabi, mongo wato-Lio.

AMOS 7:17

Eeya lotahuda mai deu̒ dilemu mamowali suuntali to dadaa-lalaalo kota, wau mongo walau̒mu pateelio mate-mateelo mao̒ todelomo popaatea. Hutamu mataya-tayadulio ode taa wewo, wau yio̒ lohihilao maamate tolipu lotaa udiila motota to Eeya. Ulipu lo Isirai̒lu tantu mabintao̒lio mota ode polayahu, molaminga monto lipulio lohihilao.”

AMOS 7:9

Tataa-mbatiyalo u pilomake lo wali mai lei Isihaka u potabiaalo maa̒ntuluolo. Tataa-mbatiyalo mantali taulo Isirai̒lu maloohubuolo. Wau̒ mamo poo̒pulito wali mai li Olongia Yerobeam.”

MIKHA 6:13

Botia Wau̒ molumula molotaa̒ wau mongantulu olimongoli sababu duduu-saamu.

JAKARIA 1:6

Lotimbuludei to mongonabi mongo wato-U̒ boito, pilopo tunggulu-U̒ papaa-lentaalo wau popoo-eelaa-U̒ ode linenemoyaamu. Bo timongolio diila lomandungi tilinggula timongolio musi momanta akiibatilio. Lapatao̒ timongolio lolee̒ wau lotolongaku deu̒ Wau̒, Eeya Taa laba-labaalo kawasa, malo hukuumani olimongolio lotuuu̒de wolo totala limongolio, wau lotuuu̒de wolo u tilantu-U̒.”

YAHYA 16:4

Bo botia poo̒taa-U̒ mai uito olemu, alihu wonu uito bolo motoduo mai, mae̒ela mola limongoli deu̒ Wau̒ malo poo̒taa mai uito olimongoli.” “Sua̒li botie diila piloo̒taa-U̒ olimongoli tou̒ bohulio mai, sababu Wau̒ donggo pee̒-pee̒enta woli mongoli.