HOSEA 5:4 - KITABI HABARI MOPIOHE

⁴ Ololeeto upilohutu lotau Isirai̒lu maloo̒ sababu olimongolio diila mowali muli mohualinga ode Allahu Taa̒ala limongolio. Timongolio makiluwasa lo polotubowa to balaahala, tilinggula timongolio diilalo lomandungi to Eeya.

HOSEA 5:4 ပူးပေါင်းရင်းမြစ်များ

JABURU 78:8

alihu timongolio diila debo odelo tinene moya limongolio tao̒hilaa momalakala wau momaahe parenta; hilaide taloe̒etu iimanilio, wau diila tatapu wau molotolo hilao to Allahu Taa̒ala.

JABURU 9:10

Eeya boito tambati potiduo̒la lotaa hideehea, tambati potiwunela tou̒ oweepita.

YEREMIA 24:7

Wau̒ mamongohi ode limongolio hilaa u mongalati deu̒ wau̒ulo Eeya. Yi timongolio mamowali umati-U̒, wau Wau̒ mowali Allahu Taa̒ala limongolio, sababu timongolio mamuli mohualingai ode Olau̒ wolo lealeaatu lohilao.

YEREMIA 50:38

Pohenguwalo ngoa̒amila dutulaa wau halabolulio! Sababu, Babel polupolu wolo balaahala u moo̒tihela hapato, u helohutu tahipo mujawa olio lowali biyongo.

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

HOSEA 13:13

Isirai̒lu ohiyango u tumumulo, bo tio odito mohulodu tilinggula diila pilopohuna hiyangio boito. Tio debo odelo tau̒nge ubolo ngopee̒ mola mapotutu mai bo diila mohuto lumualai monto talomo liilolio.

HOSEA 4:1

Eeya o palakala wolo ulipu lolipu botie. Wuu Isirai̒lu, dungohe mao̒ wolo upilo tahudaa-Lio mai, “To lipu botie diaaluo otatapu wau molotolo hilao meaambo tolia̒ngo, wau ulipulio diila momasisi ola-U̒ odelo Allahu Taa̒ala.

HOSEA 4:11

Eeya lotahuda mai, “Wuu umati-U̒, mopio angguru u deedelo meaalo angguru u bohu malo podiaaa̒ omambowamu u momikiilangi mola wolo seehati.

HOSEA 4:12

Timongoli hipohilea potuhata monto ayu ngoputu! Tunggudu ngoputu hemo poo̒taa mai olemu wolo u otohilaa otaawa mao̒ limongoli! Timongoli debo odelo ngotaalio lodile taabua talowali suntali; timongoli lololaa ola-U̒ wau lohudu batanga ode ila-ila wewo.

HOSEA 4:14

Bo Wau̒ diila tamo hukuumani huhutu limongolio boito, sababu timongolio lohihilao olo helonao̒ mota ode tahi suntalia tahipo kalajawa to kukuu-wiliyalo, wau pee̒-pee̒enta woli mongolio helo podewo bake ode dewa. Otutu banali tahuda botie: ‘Bangusa tadiila ohuhama pasali lo Allahu Taa̒ala mamoa̒antulu.’

HOSEA 4:6

Timongoli, mongo iimamu, diila helo mandungi ola-U̒ tilinggula timongolio tilopotala. Timongoli helo potouli popoo-ngaajali-U̒. Oditolio, Wau̒ olo mamo potouli olimongoli, wau mongo walau̒mu diila taa̒kuwo-U̒ odelo mongo iimamu-U̒.

HOSEA 7:11

Isirai̒lu odito mota odia mai debo odelo bulungi poombo u mohulodu. Bohu-bohulio tau-taulio lei̒tuulungi to Masiri, lapatao̒ timongolio tilumetea̒ ode Asyur!

HOSEA 8:11

Lebe dadaata mesba bongulo lotau Isirai̒lu u moluluta dusa, lebe dadaata olo tambati u pohutua limongolio dusa!

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

BOHULO SEMUEL 2:12

Mongo walae̒e Eli hileeta daa̒. Timongolio diila momandungi to Eeya