HOSEA 5:3 - KITABI HABARI MOPIOHE

³ Otaawa-U̒ totoonulalo u hitua-tuawua pasali lo batangamu, wuu Isirai̒lu! Diila pongalo aakali yio̒ moluuo̒ u hitua-tuwaua monto ola-U̒. Sababu uito, ngoa̒amila taumu diilalo paatuti molubo ola-U̒.”

HOSEA 5:3 ပူးပေါင်းရင်းမြစ်များ

YESAYA 7:16

Sababu tou̒ diipo meidungga mai saaa̒ti boito, duduuluo lipu u hepalenta lomongo olongia tao̒ohemu boito matolaalio diila otua.

YESAYA 7:17

Eeya mamopo dungga mai olongia lo Asyur, lapatao̒ yio̒ wau noga̒amila ngaalaa̒mu boli ulipumu mamoo̒laasa duduu-laheyaalo upolupolu lo ileepita ulebe moo̒tihela hapato lou̒ wolo u pee̒enta ilolaasawa limongoli tumulalo mai lopoo̒ yilaidia lo Isirai̒lu wau Yehuda.

YESAYA 7:5

Siria malo woomboa wolo Isirai̒lu wau olongialio.

HOSEA 1:2

Tou̒ Eeya u bohulo tahuda mai ode bangusa lo Isirai̒lu lotimbulude to olaatia, Eeya lotahuda mai, “Hosea, nikaiilo ngotaalio tamotohilaa motisuntali, wau mongo walau̒mu olo mamowali debo odelo tio. Umati-U̒, tutuuwauwa debo odelo ti dilemu boito; timongolio diila tatapu wau molotolo hilao to Olau̒ wau lololaa ola-U̒.”

HOSEA 12:1

Eeya lotahuda mai, “Bangusa lo Isirai̒lu momalita ola-U̒ wolo wimbulo wau aakali; bangusa lo Yehuda debo molawali ola-U̒, Allahu Taa̒ala Taa Mantali wau tatapu boli molotolo hilao.

HOSEA 13:1

Muloololio mai suku Epraim he hulumatiolo tilinggula wonu bolo woluo palenta monto suku boito, susuu-kuwaalo Isirai̒lu moohe. Bo suku Epraim odusa sababu helolubo Baa̒l, sababu uito tio mamooli.

HOSEA 13:5

Tohuta mohengu daa̒ tohuta luasi udelita, Wau̒ulo tahe lodaha olimongoli.

HOSEA 5:11

Isirai̒lu madeehelio; tio mao̒olia lohaku tohutalio, sababu tio baaa̒ngiola u hemei̒ tulungi to tao̒tutuulio mao̒ diila moo̒ tulungi olio.

HOSEA 5:13

Bangusa lo Isirai̒lu wau bangusa lo Yehuda mongalati owoluwoalio u mobulilo, yi Isirai̒lu lonao̒ ode Asyur u mei̒bantu monto li olongia daa̒. Bo ti olongia diila loo̒ tuulungi meaalo lopoo̒ pioheo̒ owowoluwoa limongolio.

HOSEA 5:9

Isirai̒lu mabinasa, sababu malei dungga dulahio u mohukuumani mai olio. Dungohilo, wuu ulipu lo Isirai̒lu, sua̒li boito tantulo mao̒ mamotoduo.

HOSEA 6:10

To Isirai̒lu iloontonga-U̒ hitua-tuawua u moo̒tihela hapato: umati-U̒ loponajisi batangalio wolo helolubo balaahala.

HOSEA 6:4

Bo Eeya lotahuda mai, “Wuu Isirai̒lu wau Yehuda! Wau̒ musi mohutu mai wolo wolemu? Tolia̒ngumu daa̒ ola-U̒ hua̒a yilooli debo odelo heengo monto batawa ulaya-layango meaalo wambulo tou̒ dumodupo.

HOSEA 8:11

Lebe dadaata mesba bongulo lotau Isirai̒lu u moluluta dusa, lebe dadaata olo tambati u pohutua limongolio dusa!

AMOS 3:2

“Monto ngoa̒amila bangusa todunia timongolilo tatuwa-tuwaulo bangusa tao̒onuhe-U̒ wau piloo̒tuotu-U̒. Uitolo sababuulio dusamu udaa̒, wau Wau̒ tantu mohukuumani mai olimongoli.”

AMOS 5:12

Otaawa-U̒ malo odito udaa̒alio ololeetumu wau malo odito daatalio lo dusaamu. Timongoli helodeehe taa mopiohe; timongoli helo lolimo solooi wau lopoluli taa mosikini pilohutulio diila aadili to polobutoo̒.

TINGULI 33:17

Tei Yusu o olootolo sapi lo oa̒yuwa tuwau, wau tunge losapi ulai̒ lo oa̒yuwa uitolo lihua lo Manasye wau pulua lihu lo Epraim. Babaa-ngusawalo tiluwootio wau yiluntulalio demola huhuu-duuwaalo dunia.”

IBRANI 4:13

Diaaluo mao̒ penu boli mahaluku tuwau utuutuo̒ monto bibilohu Allahu Taa̒ala. Totoonulalo u hitua-tuawua hilaalawa wau hibua̒de totalu-Lio. Wau ito musi mongohi titihulanto to o-Lio.

WAHI 3:15

Otaawa-U̒ wolo u pilohutu limongoli: Otaawa-U̒ timongoli diila mohuhulo wau diila olo mopatu. Patutilio timongoli tala tuwaulio!