ESTERI 7:4 - KITABI HABARI MOPIOHE

⁴ Sababu watotia wau bangusa lo watotia mapilotali u pateelio mate-mateelo mao̒. Humayaalio mongowatotia bo pilotali u lowali wato, yi watotia maa motipoo̒yo mao̒ wau diila tamomuyu oli Baginda. Bo botia mongowatotia mabinasaalio wau poo̒pulitolio!”

ESTERI 7:4 ပူးပေါင်းရင်းမြစ်များ

NEHEMIA 5:5

Wolo ami olo diila taulo Yahudi? Wolo walao̒ lami diila motutuuwauwa wolo mongo walao̒ lo Yahudi uwewo? Eleponu odito ami bolo pakusa helo poluli mao̒ mongo walao̒ lami lowali wato. Tumbao̒ woluo walao̒ lami tadulahu mapilotali lami lowali wato. Ami diilalo o lotoolo sababu halabolu wau ileengi lo angguru lami mapilopo huloo̒ lami.”

ESTERI 3:9

Wonu ti Baginda diila o kabaraatani, paatutilio poluwala mota tuladu palenta u mopobinasa mao̒ olimongolio. Wonu ti Baginda mololimo hihiile lo watotia, yi watotia mamoo̒ potuotai lebe lou̒ tolo hetuto wopato pulu lolihu lo kiloharamu talaa̒ ode kasi li Baginda.”

ESTERI 7:5

Lapatao̒ malohintu ti Olongia Ahasyweros odeli Olongia taabua Esteri, “Tatoonu tabuheli mohutu odito? Tou̒toonu taulio?”

ESTERI 7:6

Ti Esteri lolametao̒, “Tei Haman tamoleeto botieelo musu tamoo-ngalinayawa to mongowatotia!” Lou̒ madiluito daa̒ tei Haman lomiloheo̒ oli olongia woli ratu.

ESTERI 8:11

Tutuu-ladeyaalo boito helo poi̒laalo deu̒ ti olongia mopoluasi taulo Yahudi to timii̒du kota u motituwau wau mopoduulua batanga. Wonu bolo timongolio tuhuo lotau-tuawalo otingolo monto bangusa wau penu boli polopinsi toonu, timongolio mowali moluwali wau momate mate-mateelo mao̒ tahi poluhua boito wolo dilebua wau mongo walai̒o; timongolio mowali molambala mumuusulio boito tunggula mopulito wau molambata harata upangolio.

ESTERI 8:6

Diila pongalo aakali watotia mambo momilohe bangusa wau mongo ilaato lo watotia mopulito tambalolio?”

ESTERI 9:25

Bo ti Esteri mota lotaalua woli olongia, wau ti olongia longohi mao̒ palenta tulatuladu u loo̒sababu ranjana moleeto u pilohutu lei Haman lotoduo to batangalio lohihilao, tilinggula tio wau mongo walai̒o he ntilayangio to wolihi pontayangalo.

DANIALI 6:2

Tei Darius lolayadeo̒ yilaidiaalio ngohetuto dulo pulu lo polopinsi u tinggai pilalentaalio li gubolonulu ngota.

YOEL 3:6

Ulipu lo Yehuda wau Yerusalemu dilelo limongoli lolamingo lonto lipulio; lapatao̒ pilotali limongoli ode bangusa lo Yunani.

AMOS 2:6

Eeya lotahuda, “Taulo Isirai̒lu mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Taa motulidu hale tadiila udiila loo̒ powalingao̒ u bilulotalio, mapilotali limongolio lowali wato. Odito olo hepilohutu limongolio ode taa mosikini tadiila loo̒baayali bilolilio, eleponu bololi boito bo ngohalaga wapidu oa̒ato ngopanggalo.

LUKASI 12:45

Bo wonu tamoomayawa boito moloi̒ya todelomo hilaalio, ‘Tuani donggo mohiheo watia mohualingai,’ tulusi tio momate ngoa̒amila tamomayawa wau molamelo mongilu tunggula huwoa̒alo,

TINGULI 28:68

Eeya mamuli molao mola olimongoli ode Masiri wolo kaapali, penu boli Tio malo tahuda mai deu̒ timongoli diilalo powalingo-Lio mola ode Masiri. Mola teto timongoli mamo tolopani mopotali lobatanga limongoli odelo wato tomuusu limongoli, bo diaaluo penu boli ngotaa mao̒ tamohuto motali olimongoli.”

YOSUA 9:23

Sababu timongoli helohutu odito, Allahu Taa̒ala mohukuumani mai olimongoli. Bangusa limongoli malaita mola mowali wato, taa u opongotota momuongo ayu wau taa u opongotota momotaala taluhu ode Bele lo Allahu Taa̒alau̒.”

BOHULO SEMUEL 22:23

Potibiluloo̒lo wolau̒ wau diila mao̒ oohe. Tei Saul ohilaa momate olemu mate-mateelo mao̒, wau tio olo ohilaa momate olau̒ mate-mateelo mao̒. Oditolio, yio̒ maa̒amani to tambati botie.”