ESTERI 7:1 - KITABI HABARI MOPIOHE

¹ Yi u oluolio ti olongia wolei Haman helo lamelo wau longilu pee̒-pee̒enta woli Esteri.

ESTERI 7:1 ပူးပေါင်းရင်းမြစ်များ

ESTERI 3:15

Tahe ahulaalo hua̒a lomonggato lodepita tutuu-ladeyaalo boito ode polopinsi lo bele biluloa̒ saaha li olongia. To poa̒hu mao̒ li olongia, palenta boito hepilo malalumu olo to Susan, tiilo lokota Persia. Lapatao̒ uito ti olongia wolei Haman malo tihuloa̒a sambela hemongilu angguru, bo tokota Susan mahi buluhutawa sababu habari boito.

ESTERI 5:8

“Wonu ti Baginda potaala motuuhatawa modungohe polohone lo watotia, patutilio ti Baginda wolei Haman muli monao̒ mai ode totamelo u pohuto mao̒ lo watotia loombu lou̒ hui. De to totamelo boito watotia mamoo̒owoli mai polohone lo watotia odeli Baginda.”

ESTERI 6:14

Tou̒ timongolio donggo bibiisalawa wolei Haman, tahidihuma pantungo lobele biluloa̒ li olongia lonao̒ mai wolo tame-tameo̒ ohilaa modepita mota olei Haman ode totamelo u pilohutu li Esteri.

ESTERI 7:2

Sambela hemongilu angguru, ti olongia luli lohintu mao̒ oli Esteri, “Naa, polomaisuriu̒, wolo u otohilaamu? Poleleaalo mai! Tantuulo mao̒ mawohiu̒ mai eleponu u pohilemu ngotayadio lo yilaidiau̒.”