ESTERI 5:2 - KITABI HABARI MOPIOHE

² Tou̒ tio loo̒onto mao̒ oli Olongia taabua Esteri tihutihula to bulemengio, tio lolaasa lotolia̒ngo olio wau lohudu mao̒ tunggudio hulawa ode olio. Yi malo dudulai ti Esteri, tulusi lodedetao̒ huudu tunggudu boito.

ESTERI 5:2 ပူးပေါင်းရင်းမြစ်များ

ILOOWALI 32:28

Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”

NEHEMIA 1:11

Ambunguolo dungohilo mai dua̒ lo watotia wau dua̒ lo ngoa̒amila wato lo Eeya uwewo, tao̒hilaa mohurumati mola to Eeya. Ambunguolo tulungiyalo mai lo Eeya alihu todulahe botie wato lo Eeya botie ohaasili moo̒ toduo mai odehu hilao monto li olongia.” To maasa boito wau̒ yito hemongurusi uilumo li olongia.

ESTERI 2:9

Tei Hegai lolinggolabu loo̒onto mao̒ oli Esteri wau ilohilaa olio. Wolo lolamemetao̒ tadulahu boito yilohialio polorawati ogaaga boli ua̒alo utolo-tolomodu. Ti Esteri yilimbatio ode wimbihu ulaba-labaalo mewa tobele biluloa̒ li olongia bua boito wau pitu lota mongobua talaba-labaalo moolato tobele biluloa̒ li olongia yilohia tuugasi u momaya olio.

ESTERI 4:11

“Timii̒du tau, mopio lai̒ boli bua, tadiila tiliyango, motaalua woli olongia to paango delomio lobele biluloa̒ li olongia, musi hukumaniyola mate. Uito yito wuwuu-uduwaalo wau ngoa̒amila tau tumulalo mao̒ monto tamoo-nasehatia dilumutu ulipu to popoo-ropinsiyalo, motota sua̒li boito. Bo woluo dalalo tuwau u moo̒hei monto wuwuu-uduwaalo boito, deu̒yito-yito wonu bolo ti olongia mohudu mao̒ tunggudio hulawa totau boito. Wonu uito motoduo, yi tio mama̒ahu. Bo mangohula mola botie wau̒ diila hetiliyangi olongia.”

ESTERI 8:4

Ti olongia lolopatao̒ tunggudio hulawa odeli Esteri, lapatao̒ tilimihula mola ti Esteri wau loloi̒ya mao̒,

JABURU 116:1

Watia ilohilao to Eeya, sababu Eeya lodungohe olaatia wau hemo poo̒tuotai polohone lowatia.

POHUMAYA 21:1

Tutuuwauwa debo odelo Eeya mongaatulu taluhu dutulaa alihu tumolohu modudua̒ kahandaki-Lio, odito olo Eeya modelo pikiilangi li olongia.

WUNGGULI LOMONGO RASULU 10:4

Tei Kornelius lomiloheo̒ malai̒kati boito wolo wohe-wohe lapatao̒ loloi̒ya mao̒, “Mahinta wolo Tuani?” Malai̒kati boito lolametao̒, “Dua̒mu wau omuula lohilaamu matilolimo lo Allahu Taa̒ala wau Allahu Taa̒ala loe̒elai olemu.

WUNGGULI LOMONGO RASULU 7:10

Bo Allahu Taa̒la wolio wau lolopata olio lonto totoonulalo osuusalio. Allahu Taa̒ala longohi olio watade wau tinepo tou̒ tio lodudulao̒ odelei Piraun olongia lo Masiri, tilinggula tei Piraun lomintaa̒a olio lowali Gubolonulu tolipu lo Masiri wau tao̒kawasa to bele biluloa̒ saaha li olongia lei Piraun.