ESTERI 4:4 - KITABI HABARI MOPIOHE

⁴ Tou̒ mongo dulahu wau tolomodu tahidihuma pantungo taa hemomaya toli Olongia taabua Esteri helo poduloheo̒ olio wolo u donggo hepohutuo lei Mordekhai, yi ti Esteri siluukali daa̒. Tio lolao pakeyangi odelei Mordekhai odelo poluloo̒ kaingi kadolio, bo tei Mordekhai diila lohuto lololimo mao̒.

ESTERI 4:4 ပူးပေါင်းရင်းမြစ်များ

ILOOWALI 37:35

Ngoa̒amila mongo walai̒o, mopio mongo lolai̒ meaalo mongobua mai loliyango olio, bo tio diila mohuto liyangolo. Ualio mao̒, “Tunggula mate debo hiyongau̒ tulusi walau̒uu̒ boito.” Odi-odieelo mola tio lotilimi tulusi kalana tei Yusu walai̒o.

OLUO MONGO OLONGIA 9:32

Tei Yehu lomilohe mola ode yitaato ode mantahu tutulowa, wau loloi̒ya, “Tatoonu tamoti wambao̒ ode olau̒?” Loo̒dungohe uito, duluo wau toulota pogawee lobele biluloa̒ saaha li olongia lomilohe mola ode walungo.

ESTERI 1:12

Bo tou̒ tahi pomayawa boito lopotunggulao̒ palenta li olongia odeli Olongia Taabua Wasti, ti ratu boito diila lohuto lonao̒ mai, tilinggula ti olongia maloingo daa̒.

ESTERI 4:3

Wau olo to ngoa̒amila polopinsi, tau-tauwalo Yahudi helo hilimuta lapatao̒ palenta li olongia pilomalalumu mola. Timongolio helo puasa, hilumoyongo wau helo podulohu, wau dadaata to wolota limongolio helomake kaingi kado wau helo tibalata toitaato peyahuo̒.

ESTERI 4:5

Lapatao̒ ti Esteri lotiangai olei Hatah tala ngota u tolomodu tadihudihu pantungo utiluugasia li olongia u lomaya oli Esteri. Ilahulalio tei Hatah mota lohintu olei Mordekhai wolo udonggo todutoduo wau yilongola tio helohutu debo odelo uito.

JABURU 77:2

Wolo suala daa̒ watia mongiibode mola to Allahu Taa̒ala; wolo suala daa̒ watia mongiibode mola, wau Eeya helo dungohei olaatia.

YESAYA 56:3

Tau deli tamoheehea̒ wolo umati lo Eeya diila mowali moloi̒ya, “Eeya diila mopoluasi olaatia molubo to Eeya pee̒-pee̒enta wolo umati-Lio.” Taa u hilitua diila mowali momikiilangi “Watia diila mowali waito umati lo Eeya, sababu watia diila mowali moo̒tapu mai wali.”

YEREMIA 31:15

Eeya lotahuda mai, “To Rama dungo-dungohei suala hilimuta, wau totoonulalo lapali u tilumoodu sababu usuusa u yilanggube lopalato hilao. Hiliyonga li Rahel mongo walai̒o, tio diila mohuto liyangolo sababu timongolio madiduuluo.

WUNGGULI LOMONGO RASULU 8:27

Yi tei Pilipus olo malo monggato. Tou̒ boito woluo pogawee ngota lobele biluloa̒ li olongia Etiopia tadonggo tononao̒lio mohualinga ode lipulio. Tau boito ngotaalio lopogawee talailaio̒ wau tatihu-tihulo tou̒ ngoa̒amila okokaya lo Kandake, olongia taabua lolipu Etiopia. Tau boito malonao̒ ode Yerusalemu mola motaa̒luku wau mohulumati to Allahu Taa̒ala wau botia donggo to wuwalingio mai wolo kaletaalio. Tou̒ donggo hulohuloa̒a todelomo kaletaalio boito tio hemobaca Buku li Nabi Yesaya.

BOHULO SEMUEL 8:15

Halabolu wau ilengi lo anggurumu mao̒tuhata lobeya ngotayade mopulu monto tilapulio, lapatao̒ mawohilio ode mongo polowila wau mongo pogaweelio.