ESTERI 4:3 - KITABI HABARI MOPIOHE

³ Wau olo to ngoa̒amila polopinsi, tau-tauwalo Yahudi helo hilimuta lapatao̒ palenta li olongia pilomalalumu mola. Timongolio helo puasa, hilumoyongo wau helo podulohu, wau dadaata to wolota limongolio helomake kaingi kado wau helo tibalata toitaato peyahuo̒.

ESTERI 4:3 ပူးပေါင်းရင်းမြစ်များ

ESTERI 1:1

To Susan, tiilo lokota Persia, tei Ahasyweros helo malenta odelo olongia. Yilaidialio tilitangoa lo ngohetuto dulo pulaa pitu polopinsi, tumulalo mao̒ lonto India demola Sudan.

ESTERI 3:12

Yi to todulahu opulaa totolu hulalo bohulio, tei Haman helo tiangai ngoa̒amila dulutuli li olongia. Timongolio hepilei̒ tuladelio tuladu tutuuu̒de wolo totoonulalo u pilomalentalio, tulusi tuladu boito tilohuwale todelomo ngoa̒amila bahasa wau yilami todelomo ngoa̒amila tuladu u hepomake to bele biluloa̒ saaha li olongia boito. Tuladee boito tiluladeo̒ to tangguli Olongia Ahasyweros wau cilapua wolo hua̒limolio, lapatao̒ hua̒a yilaolio ode tahi kawaasawa, tadudulaa̒ lo ulipu to ngoa̒amila polopinsi. Tuangio yito palenta deu̒ todulahu opulaa totolu hulalo Adar, ngoilanggubu bangusa lo Yahudi, mopio panggola meaalo humula, mopio mongobua meaambo tau̒ kekeei̒, musi pateelo mate-mateelo mao̒ lou̒ diila o aambungu, wau harata upango limongolio hamaalo.

ESTERI 4:16

“Ambualo mao̒ ngoa̒amila taulo Yahudi tawoluo to Susan u modua̒ mola olau̒. Diila mao̒ polamelo wau pongilu ngotilonggadu huilio totolu wau dulahio totolu. Wau̒ lohihilao wau mongo dulahu tahi pomayawa olau̒ mamopuasa mola olo. Lapatao̒ uito wau̒ mamotaalua woli olongia, penu boli uito molambanga wuwuu-uduwaalo. Wonu wau̒ musi mate kalana uito, huliilo mao̒ wau̒ mate!”

ESTERI 4:2

To talu lohuhebu hulubangi lobele biluloa̒ li olongia tio lohuheli, sababu taa u hipakea kado diniolio tumuotao̒.

ESTERI 4:4

Tou̒ mongo dulahu wau tolomodu tahidihuma pantungo taa hemomaya toli Olongia taabua Esteri helo poduloheo̒ olio wolo u donggo hepohutuo lei Mordekhai, yi ti Esteri siluukali daa̒. Tio lolao pakeyangi odelei Mordekhai odelo poluloo̒ kaingi kadolio, bo tei Mordekhai diila lohuto lololimo mao̒.

ESTERI 9:31

Tuladee boito he loo̒wooli olo alihu timongolio wau wali mola mopoe̒elao̒ duduulaheaala lo Purim to wakutu u tuhata, odelo woloolo mola timongolio helo poe̒elao̒ maasa puasa wau maasa limilimi. Ui-uitolo tuango tuladee Mordekhai woli Olongia taabua Esteri.

AYUBA 2:8

Lapatao̒ tei Ayuba lotihuloa̒ totili huntua lo puputo, wau lohama poo̒ lo ulongo u longahu-ngahu wawai̒o.

YESAYA 22:12

Tou̒ boito Eeya Taa Laba-labaalo molanggato wau Laba-labaalo kawasa mopoa̒hu olimongoli humoyongo wau mohilimuta, monguluhe lunggongo wau momake kaingi kado.

YESAYA 22:4

Diila mao̒ poo̒tuota; polulia mai watia mohilimutao̒ tau-tauwalo monto bangusa lowatia tamailate. Diila mao̒ pohimontala moliyango olaatia.

YESAYA 58:5

Wonubolo timongoli mopuasa, timongoli moposikisa batanga limongoli; timongoli mopodungu lo lunggongumu debo odelo duungo huo̒yoto. Timongoli momua̒de kaingi kado wau mopomua̒yade peaahuo̒, wau motibalata toitaatio. Wolo uito tanggula limongoli mopuasa? To lantobumu Wau̒ sanangi wolo huhutuumu boito?

YEHESKIEL 27:30

Hiliyongi mongolio paladumu, lopoi̒laalo suusa lohilimutao̒ wolo suukali daa̒. Timongolio helo mua̒yade peaahuo̒ to lunggongo wau lotililiide todelomo wahu tuotio limilimi.

DANIALI 9:3

Lapatao̒ malodua̒ mola watia lou̒ tio̒otutua ode Eeya Allahu Taa̒ala, wau lomohone odehu hilaa-Lio. Watia olo helopuasa wau lomake kaingi kado wau lotihuloa̒ toitaato peaahuo̒.

YUNU 3:6

Tou̒ ti olongia lo Niniwe loo̒dungohe habari boito, tio hua̒a lolaahu lonto yilaidiaalio. Yilopatio jumba lo Yilaidiaalio wau lomake kaingi yute, tulusi tio lotihuloa̒ toitaato peaahuo̒.

MATIUSI 13:42

Timongolio ngoa̒amila mapo mahulo-Lio ode delomo tihengo tulu uyinta-yintalabu; mota teto timongolio mahumoyongo wau modutolo.

MATIUSI 22:13

Lapatao̒ ti olongia boito loloi̒ya ode tahi pomayalio, ‘Pungua mao̒ oa̒atio wau uluu̒lio wau pomahula mota ode bulemengio totambati u modio̒lomo. Mola teto mawoluo hiyongo wau dutolo.’ ”

MATIUSI 25:30

Wau tamoomayawa tadiila ohuna boito, pomahulalo ode delomo u modio̒lomo to bulemengio. Mola teto tio mahumoyongo wau modutolo!’ ”

YOSUA 7:6

Tei Yosua wolo mongo tau̒wa umati lo Isirai̒lu masiluukali daa̒ tilinggula timongolio helongai-ngaidinga pakeyangi limongolio, wau ilo-ilolaanga demola hui timongolio helo sujudu totalu Bulua Daantia lo Eeya wau helo podutu peaahuo̒ to lunggongi mongolio odelo tuoto masiluukali lohilao.

BOHULO SEMUEL 11:4

Odi-odieelo mola mongo utolia boito tilinggula mola ode Gibea, tambati pilo tibiluloa̒ lei Saul. Tou̒ timongolio helopo tunggulao̒ habari boito, mahilumoyongo ulipu sababu mailooli halapani.