ESTERI 3:2 - KITABI HABARI MOPIOHE

² Ti olongia helo malentao̒ ngoa̒amila pogaweelio alihu mohurumati olei Haman wolo mosujudu totalulio. Ngoa̒amilalo helo dungohe palenta boito, ngopohia tei Mordekhai.

ESTERI 3:2 ပူးပေါင်းရင်းမြစ်များ

ILOOWALI 41:43

Lapatao̒ yilohilio mao̒ odelei Yusu kaleta lo bele biluloa̒ saaha li olongia oluolio u tae̒yalio, wau tamookawalia polo hulumati li olongia helonao̒ totalu lokaleta boito sambela wuwa-wuwaatia̒, “Tabee! Dalalo! Dalalo!” Odi-odieelo mola tei Yusu piludui̒o lowali gubolonulu to ngoilanggubu lo Masiri.

ESTERI 2:19

Tou̒ boito tei Mordekhai mapiluduo̒ li olongia lowali pogawee lolipu.

ESTERI 2:21

To dulahe tuwau, tou̒ tei Mordekhai donggo otuugasi tobele biluloa̒ li olongia, duulota utolo-tolomodu dihudihu pantungo li olongia, deu̒yito-yito tei Bigtan wolei Teres, lowoomboa ohilaa momate oli Olongia Ahasyweros mate-mateelo mao̒, sababu timongolio molonuo̒ daa̒ olio.

ESTERI 2:5

To kota lo Susan boito woluo ngotaalio lo Yahudi tai̒lunte Mordekhai walae̒e Yair. Tio wali mai lei Kis wolei Simei lonto suku Benyamin.

ESTERI 3:1

Dengolo wakutu mola lapatio mao̒ ti Olongia Ahasyweros lomudua̒a ngotaalio taa tai̒lunte Haman lowali tau̒wa lo kabineti. Tei Haman yito walae̒e Hamedata lonto wali mai lei Agag.

ESTERI 3:3

Mongo pogawee wewo tobele biluloa̒ li olongia helohintu mao̒ olio yilongola tio lolambanga palenta li olongia,

ESTERI 3:5

Tei Haman loingo daa̒ tou̒ lotota mao̒ deu̒ tei Mordekhai diila mohuto mosujudu to olio.

ESTERI 5:9

Tei Haman maa lohualingai lonto totamelo li Olongia taabua Esteri wolo hilaa u sanangi wau leengahu. Bo tou̒ to huhebu hulubangi lobele biluloa̒ li olongia tio loo̒onto olei Mordekhai diila tilimihula mola u longohi hurumati olio, oditolio tio maloingo daa̒.

JABURU 15:4

tamo nganggapu dupadupapa taa udiila tilolimo lo Allahu Taa̒ala, bo mohurumati taa udebo taaa̒ti moponao̒ palenta lo Allahu Taa̒ala; tamoe̒ela danti, penu boli luhi

PILOTIMUA̒TA 17:14

Tahuda mai lo Eeya odelei Musa, “Tuladee mao̒ pasali lo ohohaama botie alihu debo toloe̒elalo. Polelea mao̒ odelei Josua deu̒ Wau̒ mamopo binasa mai taulo Amalek.”

PILOTIMUA̒TA 17:16

Ualei Musa, “Dihimaalo mola molangga-langgatolo mao̒ panji lo Eeya! Eeya helo paatea loluwali taulo Amalek u ohiheo-hiheolo mao̒!”

DANIALI 2:49

Bo to hihiile lei Daniali, ti olongia lohudu mao̒ pamalenta polopinsi lo Babel boito odelei Sadrakh, Mesakh wolei Abednego, hiambola tei Daniali lohihilao lotibiluloa̒ to bele biluloa̒ saaha li olongia.

TINGULI 25:19

Masababu uito, wonu Eeya Allahu Taa̒ala limongoli malongohi mai lipu boito ode limongoli wau timongoli aamani monto ngoa̒amila muusu tahi biluloa̒wa topalito limongoli, yi ngoa̒amila taulo Amalek boito musi pateelo mate-mateelo mao̒ limongoli alihu timongolio diilalo o eela. Diila mao̒ lipata!”

PILIPI 2:10

Yi u mohulumati li Isa, ngoa̒amila mahaluku u tosologa, wau u todunia, wau u to walungo dunia mamolubo o-Lio.

BOHULO SEMUEL 15:3

Oditolio, ponao̒lo wau tuhuwalo taulo Amalek wau antulua mao̒ ngoa̒amila miliki limongolio. Diili mao̒ tolai penu boli wolo wambai̒o; pateaalo mate-meteelo mao̒ ngoa̒amila mongo lolai̒, mongobua, tau̒kekeei̒ wau tau̒nge; wau olo sapi, himba, unta wau kolodai.”