ESTERI 2:9 - KITABI HABARI MOPIOHE

⁹ Tei Hegai lolinggolabu loo̒onto mao̒ oli Esteri wau ilohilaa olio. Wolo lolamemetao̒ tadulahu boito yilohialio polorawati ogaaga boli ua̒alo utolo-tolomodu. Ti Esteri yilimbatio ode wimbihu ulaba-labaalo mewa tobele biluloa̒ li olongia bua boito wau pitu lota mongobua talaba-labaalo moolato tobele biluloa̒ li olongia yilohia tuugasi u momaya olio.

ESTERI 2:9 ပူးပေါင်းရင်းမြစ်များ

ILOOWALI 39:21

Bo Eeya helo tulungi mai olei Yusu wau lomonu olio tulusi, tilinggula tau̒wa lotutupa aahudu olio.

ILOOWALI 39:4

Tei Potipar sanangi olei Yusu wau lomintaa̒a olio lowali tamoomayawa duo̒lo batangalio; lapatao̒ yilohialio tuugasi tei Yusu helo ngulusi ngaalaa̒lio wau ngoa̒amila hakuulio.

BOHULO MONGO OLONGIA 8:50

Ambungualo mai ngoa̒amila dusa wau ojuluhaka limongolio to Eeya, wau pohutuwalo mai mumuu-suuwaalo limongolio mopohutu lou̒ mpiohe olimongolio.

ESRA 7:6

Tei Esra ngotaalio lo tao̒sikola wau dadaata otaawalio pasali lo Butoo̒ uilohi mai lo Eeya, Allahu Taa̒ala lo Isirai̒lu odelei Musa. Sababu tei Esra bilarakati mai lo Eeya Allahu Taa̒alaalio, yi ti olongia longohi mao̒ olio totoonulalo u pilohilelio. To taunu opitulio pamalenta li Olongia Artahsasta, maa lomonggato tei Esra lonto Babel lotidulunga ode Yerusalemu wolo ngopolemboa̒ taulo Isirai̒lu u tilitangoa lou̒ ngojumulaa iimamu, taulo Lewi, tamoolahua wau tamodahawa hulubangi to Bele lo Eeya, wau tahi pokalajawa.

NEHEMIA 2:8

Wewolio mao̒ leeto, wau̒ olo helohile tuladee odelei Asap, tamoo-ngimatoa oa̒ayua lo bele biluloa̒ saaha li olongia, alihu tio mopodapato mao̒ ayu ode huhebu hulubangi lo biintengi totili Bele lo Eeya, wau ode dingingo meeseli lokota wau bele u mapoti biluloa̒au̒. Ti olongia lopoo̒polu mao̒ ngoa̒amila hihiileu̒ boito, sababu Allahu Taa̒ala helo tulungi mai olau̒.

ESTERI 2:12

Modudua̒a wuu̒du, mongobua wohiyaalo ogaaga ngotilonggadu ngotaunu mola: wolomo hula mola wolo winulo uu̒ulauwa alama, wau wolomo hula wumbutio mola uu̒ulauwa wolo hiwoonua uwewo. Lapatao̒ uito, timii̒du tadulahu moo̒tapu tayadu motaalua woli olongia Ahasyweros.

ESTERI 2:3

Paatutilio ti Baginda momudua̒ mongo pogawee to ngoa̒amila polopinsi lo bele biluloa̒ saaha li olongia botie u mololoohei mongo dulahu tahi gaagawa lapatao̒ modelo mai olimongolio ngoa̒amila ode bele biluloa̒ bua to Susan botie. Tei Hegai, tatolomodu dihudihu pantungo talowali tau̒wa lou̒ diilea tobele biluloa̒ li olongia bua, mamonguurusi olimongolio wau molaalao̒ ogaaga limongolio.

ESTERI 5:2

Tou̒ tio loo̒onto mao̒ oli Olongia taabua Esteri tihutihula to bulemengio, tio lolaasa lotolia̒ngo olio wau lohudu mao̒ tunggudio hulawa ode olio. Yi malo dudulai ti Esteri, tulusi lodedetao̒ huudu tunggudu boito.

JABURU 106:46

Eeya lohutu mai olimongolio tilolia̒ngo lo ngoa̒amila taa u lolawala olimongolio.

POHUMAYA 16:7

Wonu yio̒ moposanangi hilaa lo Eeya, mumuusuumu powaliilio sahabati.

WUNGGULI LOMONGO RASULU 7:10

Bo Allahu Taa̒la wolio wau lolopata olio lonto totoonulalo osuusalio. Allahu Taa̒ala longohi olio watade wau tinepo tou̒ tio lodudulao̒ odelei Piraun olongia lo Masiri, tilinggula tei Piraun lomintaa̒a olio lowali Gubolonulu tolipu lo Masiri wau tao̒kawasa to bele biluloa̒ saaha li olongia lei Piraun.