ESTERI 10:2 - KITABI HABARI MOPIOHE

² Totoonulalo huhutuulio u udaa̒ wau polupolutuo̒, wau olo hikaayati u wimuwimumuto tomimbihu woloolo mola tio lomudua̒ olei Mordekhai lowali lodihu pantungo lailaio̒, tulatuladee todelomo buku sojara mongo olongia lo Persia wau Media.

ESTERI 10:2 ပူးပေါင်းရင်းမြစ်များ

BOHULO MONGO OLONGIA 11:41

Hikaayati wewolio pasali lei Salomo, tomimbihu ngoa̒amila umaa kilalajaalio wau tomimbihu pongototaalio, matiluladio todelomo buku Riwaayati lo Tutumulo lei Salomo.

BOHULO MONGO OLONGIA 14:19

Hikaayati wewolio tomimbihu li Olongia Yerobeam, deu̒yito-yito pamalentaalio wau popaatea u hetilau̒walio, malei tuladee todelomo buku Sojara Mongo Olongia lo Isirai̒lu.

BOHULO MONGO OLONGIA 22:39

Hikaayati wewolio tomimbihu li Olongia Ahab, tomimbihu bele biluloa̒ saaha li olongia lo tua̒alanga wau ngoa̒amila kota u bilongulio, matiluladu todelomo buku Sojara Mongo Olongia lo Isirai̒lu.

ESTERI 2:23

Palakala boito tiluletelio, yi malo patatai deu̒ dudulohu boito otutu. Oditolio, taduulota boito, he ntilayangio. Tutuuu̒de wolo palenta, polou̒tia boito tiluladio todelomo buku sojara lo bele biluloa̒ saaha li olongia.

ESTERI 6:1

Tou̒ hui boitolo ti olongia diila loo̒ tuluhu. Sababu uito tio lei̒hama mai buku cataatani sojara lo bele biluloa̒ saaha li olongia wau lei̒ pobaca mao̒ totau.

ESTERI 8:15

Lapatao̒ uito tei Mordekhai lololaa mao̒ bele biluloa̒ li olongia wolo lomake pakeyangi odudaa̒ tumbai̒o wahue̒nte wau moputio̒, jumba lailoumu lonto lenani moa̒aluti wau makuta hulawa ugaaga daa̒. Kota Susan helo ngibo-ngiboode mola sababu leengahu.

ESTERI 8:2

Ti olongia lolopatao̒ hua̒limolio u maluli hilamalio mai lonto olei Haman wau yilohilio odelei Mordekhai. Wau ti Esteri lomudua̒a olio lowali takawaasa to halata upango lei Haman.

ESTERI 9:4

To ngoilanggubu bele biluloa̒ saaha li olongia otaawa lotau deu̒ tei Mordekhai laba-labaalo odulude to bele biluloa̒ saaha li olongia wau helebe okawasa mola olo.

JABURU 18:35

Eeya helo poo̒olatai olo watotia u mopaatea, tilinggula watotia loo̒ bua̒deo̒ buutio̒ u laba-labaalo motoheto.

DANIALI 2:48

Lapatao̒ tei Daniali yilohiyalio huhuloa̒ ulailaia̒, yilohiyalio dadaata palaseni u higaagawa daa̒, wau piludui̒o lowali gubolonulu lo Babel, wau pilowaliilio tau̒wa ulaiaia̒ daa̒ ode ngoa̒amila tamoo nasehatia tobele biluloa̒ saaha li olongia.