ESTERI 1:4 - KITABI HABARI MOPIOHE

⁴ Wolomo hula mola hiheolio ti olongia helo pobiloheo̒ okokaya lobele biluloa̒ li olongialio wau odudaa̒ boli ololamahu yilaidialio.

ESTERI 1:4 ပူးပေါင်းရင်းမြစ်များ

BOHULO TAWARI 29:25

Eeya lohutu mai ngoilanggubu ulipu helo linggolabe oli olongia Salomo wau lopowali olio olongia talebe polupolutuo woli olongia penu boli to utoonulalo mao̒ tapee̒enta helo malenta Isirai̒lu.

ESTERI 1:3

To taunu otolulio pamalentaalio, ti Olongia Ahasyweros helohutu potihunggu daa̒ ode ngoa̒amila tadudulaa̒ lo ulipu wau pogaweelio. Mongo eyaanggu lo Persia wau Media woluo olo to potihunggu boito, odito olo mongo gubolonulu wau tahi dihuma pantungo hilaia̒awa lo polopinsi.

ESTERI 1:5

Lapatao̒ uito ti olongia luli lohutu potihunggu ode ngoilanggubu ulipu to Susan, mopio takaya boli tamosikini. Potihunggu boito pohupohutu ngodiminggu mola polupolu wau hepilo hutulio to ileengi pilomuloa bunga lobele biluloa̒ li olongia.

AYUBA 40:10

Dadaiyaalo batangamu wolo ololamahu wau odudaa̒, wau pomakealo ololamahu wau ololuuhuru.

JABURU 145:5

Timongolio mamopo habari odudaa̒ wau ololamahu lo Eeya, huhutu lo Eeya u moo̒linggolabu watotia mamo tipoo̒yo momikiilangi mola.

JABURU 21:5

Tio lomolohone tutumulo, wau yilohi lo Eeya to olio, tumbao̒ umulu hayahaya u ohiheo-hiheolo mao̒.

JABURU 45:3

Yio̒ talaba-labaalo gaaga towolota lomanusia, loi̒yamu polupolu lou̒ mopiohu, sababu uito yio̒ bilarakati mai lo Allahu Taa̒ala u ohiheo-hiheolo mao̒.

JABURU 93:1

Eeya yito Olongia; Eeya pakepake odudaa̒ wau olootolo. Dunia tihu-tihulo motoheto diila mowali moe̒etu.

YESAYA 39:2

Tei Hiskia lololimo mongo utolia boito wolo hilaa sanangi wau helo pobiloheo̒ olimongolio ngoa̒amila okokayaalio, deu̒yito-yito hulawa wau talaa̒, ramba-ramba wau winulo moonu, wau ngoa̒amila powimumuto lo suludadulio. Diaaluo penu boli tuwau mao̒ tobele biluloa̒ saaha li olongia wau to ngoilanggubu yilaidialio udiila pilopo bilohio mao̒ olimongolio.

YEHESKIEL 28:5

Memangi, yio̒ motota modaahangi wau botia makilaya daa̒, wau okokayaamu boito heloo̒ sombongi olemu!’ ”

DANIALI 4:30

wau̒ loloi̒ya, “Bilohi, donggo boli polutui̒o kota lo Babel! Wau̒ulo talomongu mao̒ lowali tiilo lokota u mopobukuti mao̒ okokawasa wau olotolu̒, ololamahu wau odudaa̒au̒!”

DANIALI 4:36

Tou̒ pikiilangiu̒ luli longuli mai ode olau̒, yi odudaa̒, ololamahu wau omasaahuru lo yialidiaau̒ pilopo walingio mai ode olau̒. Wau̒ bilotulio lomongo pogaweeu̒ wau taduduulaa̒ lo ulipuu̒, wau pilopo walingio ode yilaidiaau̒, tumbao̒ odudaa̒au̒ malebe udaa̒ wolo muloololio mai.

DANIALI 5:18

Allahu Taa̒ala Taa Laba-labaalo molanggato lohutu mai olei Nebukadnejar, tiyamo li Tuani lowatotia olongia udaa̒ wau longohi olio odudaa̒ wau omasaahulu.

MATIUSI 4:8

Lapatao̒ Ibilisi luli lodelo mola li Isa ode hui̒dee molanggato daa̒ wau lopobilohe o-Lio ngoa̒amila bele biluloa̒ saaha li olongia todunia wolo okokayalio.

MATIUSI 6:13

Diila mao̒ polulia mai mongowatotia oolia lo palacaya tou̒ mongowatotia yimontalalio bo lopatalo mai mongowatotia monto kawasa lo Ibilisi. [Eeyaalo Olongia tao̒kawasa wau molamahu u ohiheo-hiheolo mao̒. Amien.]’

ROMA 9:23

Allahu Taa̒ala olo oniyati mopo bilohei olanto osanangi tutu udiila o enggadelio u bilongguwa-Tio mai olanto tapilonu-Lio. Ito mapilo dapa-Tio u mololimo osanangi tutu boito.

EPESUS 1:18

Watia lomolohone mola alihu Allahu Taa̒ala momuo̒ pikiilangi limongoli tilinggula mowali mobango; alihu timongoli mongalati wolo u mowali halapuo limongoli monto Allahu Taa̒ala tamotianga olimongoli. Olo alihu otaawa mao̒ limongoli donggo boli daatalio babaa-lakatiyalo u mopiohe upilo dapato Allahu Taa̒ala ode umati-Lio;

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”